ThanTlang COTR khrifa bu an mual phoh an pastor pa nih a member a vuak

2020 February 8 ah Thantlang Church On The Rock (COTR) khrihfabu upa hruaitu thar thimnak an tuah i, lungtlinlonak le buainak a chuak, tiah kan theih.
Hi kong he pehtlai in COTR Church Pastor Rev. Sang Biak nih, “Khrihfa upa kan i thim ning hi kumdang bantuk te a si ko. A thing 12, a thar 12 tar an si. An dihlak ah 24 an si. Cu chung ah minung 12 kan thim hna. Kan i thimnak hi February 8 tiang cu a tlamtling ngai ko. February 9 (zarhpi ni) chunhnu pumh ah Nubu le Mino hruaitu i thim siseh, tiah kan ti. Nubu le mino thimnak ah khan kan manual ning in nan kan thim lo, tiah thimnak ah a chuak lo pawl nih an ti i kan buainak a si,” tiah The Hakha Post ah a chim.
Keyboard tumtu pa Rev. Dr. Al Bik le a fapa nih an velh mi kong he pehtlai in, “Thimnak ah a chuak mi khrihfa upa pakhat nih kan manual ning in nan kan thim lo tiah a ti i, kan Keyboard tumtu pa nih cuti nan lungtlin lo ahcun thim lio te khan nan rak chim lo tiah a ti hna. Cu tik ah kan Sub President Rev. Dr. Al Bik le a fapa nih cun an velh ko,” tiah The Hakha Post ah a chimchap.
“Phung ning tein kan i thim lai ti si tik ah Church Council nih nominate kha phung ning in an rak tar lo ca ah, hihi cu Church Council nih an tar ding a si. Minung pakhat pahnih ruahnak lawng cun a si awk si lo tiah an i al mi a si. Cun, an velh an timi kong ah, kan Keyboard tumtu pa kha upa pawl bia an i alnak ah khan aa thlak lengmang ve i, hngakchia nih i thlak lengmang hlah tiah ka tinak a si,” tiah Sub President Rev.Dr. Al Bik nih The Hakha Post ah achim.
Note: Hi Thawngpang hi The Hakha Post le Laikokek Journal (LAI MEDIA Live page) lungtlinnak in tarlangh mi a si. The Hakha Post hi an mah siannak tel loin mi zei website dang hmanh nih copy a ngah ti lo.

 

Leave a Reply

Your email address will not be published. Required fields are marked *