Thantlang CNF zung pawng meithal puah timi kong he biaruahnak kan ngei

Thantlang CNF zung pawng meithal puah timi kong he biaruahnak kan ngei
==============
March 25 zaan ah CNF zung pawngah methal zunthum an puah tiah Chin Post nih thawng a tialmi kong he pehtlai Chin Post nih min arak langhter mi minung pakhat le TCP – Thantlang biaruahnak kan ngei.”Nizan ah meithal zunthum an puah cu fiang tein ka theih ko nain ralkap an si hrimhrim ka ti kho lo. An puahnak hi CNF zungkam te ah a si i meithal a puah hi sml 7:20pm hrawng asi lai.

Ralkap motor pakhat le Cycle pakhat in cuka hmun ahcun an um lio asi caah a puah tu hi ralkap an si hrim lai tiah ka ruah ko.Zaan a si caah fiangin ka hmu kho hna lo. Meithal aw a si cu a fiang bak ko nain khairiat kuat zenthong si sehlaw adawh ko.” tiah TCP ah a chim.

“Atulio boruah he cun kan min langhter hlah ulaw a tha. Mipi nih zalong in thawng kan in pekngam ve hna nak hnga caah kan himnak aherh ve.” tiah a chim chap. Hi kong he pehtlaih in pawngkam minung nih cun, “Apuah cu kan thei ve ko nain Cycle ke a puak mi ah kan riah ko”, tiah an chim ve. Credit: The Chinland Post