Thaizing lei cun US Thawngpang hi ngaih a nuam ngai men lai

Thaizing lei cun US Thawngpang hi ngaih a nuam ngai men lai. A tanglei ka ttialmi hi na duh le zum, na duh lo le zum hlah. Zahan zan ttim ah Youtube in a rung lutmi a si. Nangmah teiin cuai rak thlai ve ko. (1) Nancy Pelosi hruainak in minung 200 renglo nih Trump cu taza an cuai cang lai. Trump nih zeitindah a leh ve hna lai? Trump nih president a ttuan ding ni 6/7 te lawng a taang komi hi ziah hi tluk lawmnan hin taza cuai an i hnawk hnga? Biden president a lai hnu ah an taza an cuai ko lo. Micheu nih cun an sual a puang dih sual lai ti an phan caah a si an ti. Democrat media pakhat ah cun 2024 ah Trump nih president aa cuh than sual lai ti an phangmi a lang. Zeicahtiah 2014 ah aa cuh than ah cun Trump nih an kan tei cikcek lai ti an phan caah atu te in hmailei ah aa cuh than khawh lo nakhnga minchiatnak pek i kham an i zuam ti a lang.

(2) Nancy Pelosi i laptop le a dang laptop pawl an laakpiakmi in thilthup tampi a chuak lai tiah media pakhat nih a taar. Pelosi laptop hi an laak lio ah email aa ong ti a si. (3) Politician pawl phaisa ningcang lo in an i kuatmi pawl a lang chin thluahmah i an nehnang hlohnak ah US i a ummi ATM seh pawl thaizing/kiptuh lei caan khatkhat ah a mit kho men ti a si. (4) Thaizing lei in thil sining tampi aa thleng lai tiah Youtube in media pahnih nih thawng an thanh. Ralkap pawl an cawlcang lai. Politics lei milangsar pawl zeimawzat lawng kha an kawl hna lai. Mipi cu nan thinphang hlah u tiah X22 Report nih thawng a thanh. A ra laimi ni 5/6 chung ah thil lianngan a cang lai a ti.

(5) Apple le Google phone a hmangmi caah update an pek hna ahcun cucu rak update rih hlah u. Na update ahcun Message, Youtube tbk alert an tuah tawnmi kha a pit lai ti a si. (6) A ra laimi ni 5/6 chung ah US i thil a cangmi hna hi zumh naa harh ngai lai ti a si fawn. (7) Sidney Powell nih cun Trump caah lam a um rih ko. Taza a cuaimi pawl pine Supreme Court nih bia an chat thlu rih lo ti a si. (8) Parler nih a taarmi video hi Democrat pawl nih an ttih tuk caah hi tluk hin Trump tazacuai an i hnawhnak a si an ti. Cu video ah Trump mee pawl Biden mee ah an thlenter ding in an i chimhnak a lang. A video cu kan share ngam hna lo. Facebook nih sensor a chiah caah an ka phih ve sual lai ti ka phang.

Kha vial kha Thawngpang kan hrawng khawhmi hna a si. Adik le dik lo cu caan nih a ratpi te ko lai. Pathian fale cu a kan dawtu ruangah teitu vialte hna lakah teitu cem kan si (Rom 8:37). Satan ral kan do lio ah hin kan sungh caan zong a um ko lai. Sihmanhsehlaw kan donghnak cu aa fiangmi a si. Khrih nih kan ralpa cu a kan teipiak cang!!! Kan umnak vawlei pi cu a chia lei a panh chin thluahmah ko lai. Sihmanhsehlaw cu chung cun Bawipa nih teinak lam ah a kan hruai chinchin ko lai. Jesuh nih Satan a teinak kha a thihnak le a thawh tthannak in a si ti kha philh hlah mu. Mi nih na sung an in timi khi na tei zirziar a si kho ko mu! Rev. Biak Lian Vel