Thaizing kiptuh ah National Unity Government (NUG) adir cang lai.

Harnak ttih nung lak ah remhnak dawtnak in teinak tiang. Ram cozah nih kumfatin tangka tampi dih in tlangcungmi hna he irualemhnak Union Day an tuah lengmang mi cu a dih donghnak ah an ruah ning si lo in an ruah lo ning in an hlawh a tling taktak cang. Mipi an van kan doh taktak tik ah mipi le tlangcung mi dihlak lungrualnak taktak ngei kho ding in thih ah thih tti nun ah nun tti ti mi dir hmun an kan phaak ter cang.

Thih hri molh in a cawl i mi le mah hngal lo in a cawlcangh mi nih hin kan ram nih thlennak taktak a hmuh cang lai timi ruahchannak fiang te in a langh ter cang. Thisen a luang mi vialte a lak an si lo, nunnak a liam mi vialte a lak an si lo, re a thei tha aba mi vialte a lak an si lo. Thaizing kiptuh ah National Unity Government (NUG) adir cang lai. Lungrual te in tlangcung hriamtlai phu dihlak le mipi a herh ning poh i hma laak tti nak hram ai thok taktak cang lai. Committee sawhsawh nih lohma akal pi ti lai lo.

Mah le zawn cio in kan tuah khawh mi lak ah man a ngei cemmi thil rak tuah cio in hi Revolution ah hin i chim ve ding tlaak zeital kan tuah cio lo ah cun cucu kan mah saantlaihlo taktak asi ko lai. Ruahchannak ngei ko hna usih. Zeizong te thil ti kho tu bochan ding Pathian sin ah kan harnak vialte chim in kan mah le kan lohma cio i kan um ah cun. Credit: Salai Bawiukthang Cinzah