SAC Ralhrang lei a rak dir peng ton ve mi Thailand cu SAC Ralhrang a dirkam duh tilo tiah ruah asi. Nizaan ti ni ah Kawlram daihnak he pehtlai in meeting an tuah mi ah SAC Ralhrang sawmh duh ti lo in NUCC, NUG, KNU an sawmh cang hna. SAC Ralhrang pawl nih Thailand cozah sinah a thli tein Ca an kuat leng hna tiah kan theih fawn.
SAC Ralhrang nih cun Thailand Cozah cu Hi thil nan tuah mi hi a tha hrim lo, Thailand le Kawlram pehtlainak ah thil tha lo a chuah pi sual lai tiah a thli in caa an kuat mi hna cu si.
Thawngpang dang: Khaikam – Taingen Lampi Cu Hman Rih Lo Dingin CDF-CDM SIYIN Nih An Thanh. Sagaing ramṭhen le Chin ramkulh ramri ah ummi Khaikam in Taingen lampi cu 2024, March 3 thok in mizapi nih hman rih lo dingin CDF – CDM Siyin nih nihin March 3 ah cathanh an chuah.
Khaikham le Taingen lampi ah phungning loin khuasa mi hna zong nih mah cathanh an chuah ni thok in hrial dih dingah ralrin peknak an tuah chih.
Atu bantuk in nawl kan chuahmi a zul lo mi paoh cu phungning tein dantat nan si lai, tiah CDF-CDM Siyin nih cathanh an chuahmi ah an langhter chih.