Tha tein an UK khawh hlei lo. An lak hnu tu ah rallokap tam deuh an thi!

Ukraine Nih Russia Vanlawng An Kahthlak
==========
Zarhte Ni ah Ukraine nih Social Media ah an thlah mi asi. Vawlei in an kahmi Dungci nih Russia Raltuknak vanlawng cu a khenh. Meici a alh cuahmah ko. Russia nih Ukraine cu alak khawh lai Nain a UK khawh hna lailo. Russia nih dai tein a uk khawh lailo.

American nih Afghan Le Iraq cu fawi tein an lak ko Nain an uk hnu ah American Ralkap tam deuh an thi. Russia Ralkap hi Ukraine an lak hnu ah an thi deuh te lai. MAH zong KNU Likekaw cu a lak ve. Tha tein an UK khawh hlei lo. An lak hnu tu ah rallokap tam deuh an thi.

Ukraine ralkap nih Russia ralkap 10000, ralbawi General 2, raltuknak tank 269 talkap motor 945, ralkap vanlawng le helicopter 79 an an kah i an hrawh piak hna. Putin a ruahning bantuk a si lo. Cucaah Ukraine hriamnam a bawm biktu, US le Uk cungah Putin a thinhung ti si. Zeidah a lehrulh hna lai timi cu a caan nih biachim zau lai.

1979 ah Russia nih Afghanistan a rak tuk I a tei Lo caah a kir tak a tu ah Ukrian a tuk mi hi a chuak sual tak te lai Afghanistan nak in a let in har deuh mi ral a si. Putin sungh zoh zoh seh. PuTin a sungh ni or hriamnam a chiah lai a ti bak in Anaasin an dih ni bak a si lai.

Pathian nih Ukraine dirpi zungzal ko seh! A tutan hi Putin a rawhnak le a hruaimi uknak thalo an rawhnak le a mah a bochantuk mi a tufa pawl SAC tiang in a rawhnak dihnak ca ah Pathian nih canter hram ko seh! Thla kan cam cio ko hih!

Putin Nih Europe Lei Ram Pawl Cu A Tleih Khawn Hna. Russia President Vladimir Putin cu nitlak lei ram hna he tonbiaruahnak an ngei hna i mah tonbiaruah nak ah Putin nih a bia sang ngai ngai in a chim” Russia cungah phihkham nak nan tuah mi hi ral tu dingin lam nan ser a si, buiabainak i a cheu in Ukraine ram cungah no-fly zone a ti mi ram poah paoh cu kan i tong hna lai.” tiah a tlethkhawn in a chim.

Russia ralkap pawl nih an kulh mi khuapi cu bomb in an kah tthan caah Ukriane rammi ralzam in a um mi 1.4 million tiang an phan tiah theih a si. A luan cia mi ah khan Russia nih kahdoh ruang ah Ukraine mipi minung 350 leng an nunnak aliam tiah UN nih a chim.

Russia ralkap pawl nih an kulh mi khuapi cu bomb in an kah tthan caah  Ukriane rammi ralzam in a um mi 1.4 million tiang an phan tiah theih a si. A luan cia mi ah khan Russia nih kahdoh ruang ah Ukraine mipi minung 350 leng an nunnak aliam tiah UN nih a chim.

Russia nih Ukraine a tuahto ning cu a fak bak ko. Hlan chan lio, Pathawng, misual luakchuak nih duh paoh in a derthawmmi an velh hna i, aho nih an chanh ngam hna lomi bantuk an si.

Russia nih duh paoh in Ukraine cu a den cuahmah ko nain Russia he ralthawh ttih ah an chanh ngam lo. Ukraine Ralkap nih vawlei ral Cun an khuapi an ven khawh tuk ko nain Van in Russia nih a den thluahmah tikah ithen awk le iven awk a tha lo.

Ukraine president Zalensky nih Van/ air ral tal cu kan kham piak ko sawh ulaw tiah NATO le US cu no-fly zone tuah ding a hal hna nain No-Fly Zone tuah ahcun, NATO le US Ralkap nih Russia Vanlawng kah a hau lai caah, Russia he donak a chuak colh lai tiah an ruah caah an ngamh lo.

Tutan Ukraine vs Russia war zoh tikah UN nih Russia an mawhchiat. NATO le US nih Ukraine ram hi bawmh hna sehlaw, WW3 a chuak lem lai lo. Zeicatiah, RUSSIA cu aho ram hmanh nih bamwh le chanh a tong lai lo timi a fiang ngai. Asinain Russia nih Nuclear/ Nuke hi 1600 hrawng a ngei caah, Europe khi fak tuk in a den sual lai timi an ttih caah, asi khawh chung in Ukraine pinah ral dang aa chap lo ding an ven hi, si dawh a si.

RUSSIA Ralkap nih ground/ vawlei ral Cun Ukraine khuapi lak an iharh ngai ngai. Tuhi no 10/ 10 days a si cang. Ukraine nih zeitluk indah an khuapi an ven khawh hnga? Vawlei hi, Vawlei ah misual minung pakhat nih fak tuk in harnak a pek khawh rihmi hi a poi taktak a si ko.

Russia ram ah Putin uarlotu an karh caah Martial Law order a chuah hnik tiah biavaivuan a chuak. Nizan a biachimmi zoh tikah lih le lih in Russia Mipi a hlen hna. Ukraine Ralkap nih China students, India student, le ramdang students pawl an tlaih hna ralsa an tarh hna a ti. India MP nih a chawnh i, a chimmi a hman lo. Ukraine Ralkap tu nih an zam khawhnak an bawmh lehlam hna tiah India lei in bia a chuak.

Ukraine minung, miphun thleidan hmang, Neo Nazis pawl nih Russia minung harnak an pek hna a ti. Russia 🇷🇺 ram ah bomb a thlakmi le Innlo a hrawhmi cu, anmah Ukraine ralkap nih an tuahmi bantuk in Russia state TV ah a langhter i, Russia Ralkap in hartong bawmh ah kan kalmi a si tiah a ti hna. RUSSIA Ralkap a thimi cu lukhong tampi pek ding le Ukraine ram ah ral a tumi Ralkap pawl bonus pek ding zong a chim.

Russia ram ah social media a phih i, Nitlak lei Media pawl a khar piak hna. Anmah Russia State TV lawng hi a dikmi a si tiah a chim i, West pawl cu, “Empire of lie” a ti hna. Russia 🇷🇺 ram ah US dollar tampi cawk a khap i, Russia leng ah Phaisa chuahpi zong limited a tuah.

Ukraine ram ah Ralkap a thlahmi hna lakah Kum no, Mino an tam. Ramri ah Military Drill (Rehearsal) tuah dingin a hlen hna i, Ukraine ah a kuat hna. Ruahlopi in Ukraine Ralkap he an itong tikah, an ttih. Raltuk an duh lo caah, a cheu Ralkap nihcun an mawghmi tanks datsi/ gas hna an zuhter hram i, lampi ah an itapter. A cheu Ralkap cu Ukraine Ralkap sinah surrender an tuah. Satellite hmanthlak nih a tlaihmi Russia military convoy/ truck? ruun pipi hna cu, traffic jam ah itap hna sehlaw a dawh tiah a cheu nih an ruah.

Ukraine khuapi cu a kulh hna i, chuak kho lo. Luh kho loin a tuah hna. Ukraine ah Nuclear Power plant cu an hrawh piak hna caah, winter khuasik lakah Ukraine Mipi tampi cu heat lo, le light lo in an um. Ukraine Mipi cu a zam kho zam hna seh, a zam duhlomi thi hna seh tbk phun in thlachiat a ruat bak lo ti a lang.

Putin hi 2019 Coronavirus a um hnu in midang he hlat in a um cang an ti. A cabinets pawl be hlapi in a thu zungzal. Aho ruahnak hmanh a lo bal lo. A ho hmanh nih ruahnak zong an cheuh ngam lo ti a si. RUSSIA tampi caahcun, Chan thar Nebuchadnezzar ti awk in a um. Miphun thleidannak lungput a ngei. Hlan chan ruahnak in a um. Thinlung/ ruahnak zong dik ti hlah sehlaw a dawh tiah tampi nih an ruah.

2003 lio i, US Ralkap, Iraq ram ah Kum khat hlei chung ah a thimi nakin, tutan ah RUSSIA 🇷🇺 Ralkap a thimi hi an tam deuh cang tiah an chim. A Ralkap a thimi an tam pinah, a hriamnam, tanks le jet 🛩 pawl tampi hrawh piak a si.
Khat lei in, Approval rating 35 lei ah a tlami US President Joe Bidden nih State of Union speech ah US alliance lungrualnak cu celebration a tuah ti a si.

CHINA zong a sawm khawh i, RUSIA he naite in a ummi India zong 🇮🇳 a sawm khawh hna ti a si. Russia oil le gas cu advance in Phaisa an pek cang caah, phih awk a ttha deuh cio lo ti a si. UKraine refugee cu Canada Cozah nih fawite in Canada ram rat khawhnak lam, sepcial Visa waiver in lam a sial piak hna. Credit: Zasang Cinzah