Texas state San Antonia ah President thimnak ah vote fir le vote fir bawmh ruangah

Texas state San Antonia ah President thimnak ah vote fir le vote fir bawmh ruangah Spanish nu si dawh a simi, Rodriguez timi nu cu an tlaih cang i, thongah kan khumh cang tiah Texas State Attorney General Ken Paxton nih nithum ni ah a chim.

US President thimnak ah hin a phunphun in firnak le hrokhrawlnak hi cu a um hrimhrim ko. A tlawn le a tam lawng a si. Atu an tlaihmi khi cu pakhat telawng a si rih. Hmuh lomi le theih rih lomi hi tampi a um lai tiah zumh a si.
Pandemic ruangah voting system thlen a si. Mail-in Ballot in inn address cio ah thimfung kuat in thimfung thlak cio a si caah aho nih thimfung a thlak timi hngalh khawh a si lo. Minthut a lawh le lawh lo, citizen an si le si lo timi atu tiangah investigation an tuahmi kan hngalh rih lo. Mah hi an tuah ahcun zeitluk in vote an fir timi fiang tein a lang hnga. A sual tiah biaceihtu nih bia a chah ahcun kum 20 thong a tla khomi a si.

Relchap hrimhrim ve hmanh, Democrats pawl nih Senate le House le White House an control khawh cang caah simple majority (50%) nak ram deuh in tuah khawhmi upadi phung le lam poah cu an duhning in an ser cang lai. Democrats cu liberal ruahnak a pommi an si caah Liberal ruahnak agenda bill tampi cu house le senate ah an chuahpi lai i an fehter cang lai.

Nancy Pelosi hruaimi House ahcun Gender Identities timi nule pa sinak, pale fa sina, ta le far sinak, tu le fa sinak, pi le pu sinak nule va sinak tibantuk vialte cu ithleidnak a si, irualrannak si lo ti in House ah an chuahpi cang. A rauh hlan i an pass ahcun House ah nule va, pale fa, ule nau, pi le pu, nule pa tibantuk hman khawh a si ti lai lo. Mah hi same sex marriage a pommi, hna, nule nu, pale pa a duhmi hna, nule pa sinak a tlengmi hna nih an taw an sawh hna i an tuahter mi hna a si. Khrihfa kan zumhnak lawng si loin Laimi nunphung he a kalh tukmi a si caah tihnung ngaimi a si. Mah thil nih hin hmailei kan zatlang nunphung vialte zong a hnursuan te lai. Republican party nih mah bantuk phung cu mi hrut thil tuah a si an ti.

President Trump kan dirkamh, kan ttanpi mi hi amah pumpak kan uar tuk ruangah a si naisai lo. Zei bantuk policy dah a dirpi timi hi biapi bik in kan zohmi a si. Liberal Democrats President Joe Biden le Liberal lak hmanh ah a hlipi tiah ruahmi Kamala Harris nih anmah ruahnak Liberal lei kap in sau an kan hruai ahcun kan zumhnak le kan sining, kan zatlang nuning le kan nunphung tiang in tampi a hnursuan te lai. Zunzun le ekek nak tiang in a kan hnursuan khawhmi a si. Kan fale sianginn kainak zunn inn tiang hmanh in a hnursuan men te lai. Obama chan zongah tuah an timh bal. President Donald Trump nih executive oder i a thah piak hna caah a si. Credit: Salai Lairamthang