Teinak kan Phan Deng Cang;

Teinak kan Phan Deng Cang;
=================
Ralhrang Ralkap nih anaa- ating ni 44 a si cang. SAC zong nifatin ram dang he meeting online in meeting an tuah peng ve. An Roapmap ning in kan kal pi lai an ti nain an kal kho lo. Roadmap 2 tiang lawng an kal kho lai in ruah a si. Roadmap 3 le 4 ah an tang ko. 3.Covid- 19 ruangah sipuaizi kan tunmer than lai an ti i a ho ram hmanh nih an bawm duh hna lopinah ramdang investment an lut ti lo.

4. NCA daihnak fakpi ka tuan lai a ti i Tlangcung hriamtlai lila nih an kah cang hna. Ralhrang Ralkap nih EU,UN,R2P kawlram ah an hriamnam an kan luh hnawh lai ii an kan tu lai lo an ti.Kawlram nak in a buai deuh mi East ram le African ram hna an buai deuh caah a hna ngam. Covid -19 ruangah an mah ram cio sipuaizi lei in harnak an tong cio. An luh zong ah saupi an rau rih lai an theih caah an zei hmanh a poi lo mi an lo.

Ralkap bawm tu bik Tuluk fakpi auhnawh peng an hau. Tuluk thilchuah Boycot i kawlram ah investment tuah kan nih duh ti hna lo; Ralkap an rum nak caah a si. CRPH an rian tuan mi chungah nan bawm hna lo si cun Tuluk mipi huatnak le economic nan tuah mi vial te hrawh duhnak lungthin nan thawh ter hna a si.Tuluk hawi kom ram a si mi tanzung ah sandahpiah lawng si lo in open letter pek peng ding a si.

Mipi sandahpiah le CDM an thaazang a zor te lai an ti. Sandahpiah mi cu hriamnam an ngei lo tikah sandahpiah organizer minung paoh an hmuhnak poah an kah hna lai. I ralrin a tha bik. An tih bik mi cu hriamtlai pawl an si.

A tu lio te ah cun Golden Chance a si. Tlangcung hriamtlai pawl nih lungrual tein tangti in ralkap kah nak ni le can hna i chim dih in kap hna sehlaw anaa cu an thlah chawlh ko lai. NCA minthut mi cu an lungrual nain TNLA/SSA- SSP / AA / NDAA/ KNPP rian tuan tii le tantii an herh ngai. A ruang cu MAH le hawi nih anaa- a ting mi hi Ralkap tam deuh nih an duh lo pinah MAH le ralkap cheu cu an rum tuk caah an mah sipuaizi ruangah anaa an ting a si timi an thei tuk ve. Ralkap chungkhar nih NLD mee nan pek hna lai lo an ti ko hna nain NLD mee an pe ko hna.

MAH chungkhar an ngei mi $ million 5000 hrawng a si lai an ti. Ralkap cu cunglei order pek si tikah elawk an tha lo.Ralkap cu an hriamnam le minung an tam. A tak in raltuk thiam mi an ralkap an um lem lo ti a si. Tlangcung hriamtlai umnak ah Figther Jet – 35 Bomps / MiG 29 pawl hmanh khawh a si lo caah tlangcung hriamtlai kan tuk hna si cun kan thih dih lai an ti.

CRPH nih Federal Army hna an ser khawh lo hmanh ah tlangcung hriamtlai caah hriamnam cawk nak le Company sin ah bawm hal piak khawhnak lam kawl a tha. Ral tuk ah mipi cu harnak ton cu a tlawm le tam a si ko lai. Khua hna meiduah tiang cu Ralkapnih an tuah ngam ti lai lo. Ramdang hriamnam hna i an cawk hna ah cun ram dang Ralkap luh nak. lam tha bik a si lai in ka ruah. Hi hi a tu lioah Kan duh Federal ramkulh hmunnak le teinak lam a tha bik in mi a si lai. Kan tei hrim hrim lai. Credit: Robert Ling