Tazacuainak a Kalpitu Key GOP Michigan Board Chungtel hna nih Vote Result Namhnehnak Ralchanh in Vote an Pek Te Khawhmi men

Tazacuainak a Kalpitu Key GOP Michigan Board Chungtel hna nih Vote Result Namhnehnak Ralchanh in Vote an Pek Te Khawhmi men
===================

Monday i vote nemhnehnak an tuah te tikah tazacuainak a kalpitu key GOP Michigan Board nih ralchanhnak tuah dawh dang an si, tiah theih a si. Election results namhnehnak tuah rih lo dingin Trump campaign nih tazacuainak an tuah hi a si i, Monday i vote namhnehnak tuah dingin kham an i timhnak a ruang zong cu a si.

“Vote firnak kong i hlathlainak rian kan lim hlan lo cu, vote namhnehnak tuah rih lo dingin kan tlaihbawh khawh rih dingin ralchanhnak kan tuah lai,” tiin Michigan GOP Rep. Paul Mitchell nih a chim. “Asinain, cu bantuk cawlcanghnak kalpi ding tlak taitai in zeibantuk tehte hmanh a um fawn lo,” tiah GOP board ah chungtel a si ve mi Norman Shinkle nih a chim.

“Vote namhnehnak a hna a tla na, kham a duh na, tiin message za tamlak te an ka kuat cang,” tiah Shinkle nih NT Times ah a chim. Biadik a diklakin na hmuh khawh hlan chung paoh cu biachahnak kan tuah kho rih lai lo, tiah NT Times ah cun a chim.

CNN nih bia an hal ve nain Shinkle nih a let hna lo. “Trump team nih election results namhnehnak tuah rih lo dingin an va tlaihbawh khawh rih pek ah maw, asiloah thil ai ningcan lo nak tehte an piah khawh pek ah maw, a poituk cu a si lem lo,” tiah GOP board member pakhat a si ve mi Aaron Van Langevelde nih vote a thlak ning kongah Mitchell nih a chim.

Ai ruahchanmi vote kongah Van nih zeihmanh a chim lem lai lo, tiin a chungkhar nih an chimh. “Trump team caah cun hihi cu ai tei veve ah kan cang (Win-win) ko zeicahtiah hi kan cawlcanghnak nih hin hrial awk a tha ti lo mi President-elect Joe Biden rianapnak hi a khulhnumhter lai maw, asiloah “Trump nih election a co” tiin lih in chimkhawhnak zenkuan (thazaang) tamdeuh a kan ngeihter te ding khi a si,” tiah Mitchell nih a chim.

“Cu bantuk hlathlainak tuah khawhnak thazang, a lam cu State election law nih a dirpimi a um lo,” tiin Mitchell nih CNN ah a chim. Vote namhnehnak khulnuarter dingah vote ka thlak lai le thlak lai lo kai tuaktan lio pi a si, tiah Shinkle nih a chim bal. Namhnehnak kham dingin a nupi Mary nih fehternak (affidavit) a tuah.

“Biden nih hin Michigan ah vote 154,000 hrawngin buan a co cangmi hi Trump nih a cohlanpiak awk a si ko cang,” tiin Friday i Democratic Rep. Elissa Slotkin, Michigan, he The Detroit News ah Mitchell nih ca a tial. “Hi biatak pawl hi President Trump nih a cohlan i, a dang a tangmi county vialte zong hmai a fawnter cang hna awk a si,” tiin an tial.

GOP board members lakah 2-2 hrawng i an i tluk sual ah cun a buaibai ngai te lai i, biaceihzung tiang phaak an fawite. Cucaah, Michigan nih hin Constitution kongah buainak a tong te kho men, tiah Michigan House Speaker Lee Chatfield, Republican, nih a chim.

“2-2 hna i State board of canvassers hna an i then ah cun, Michigan Supreme Court nih a tlangtlak hna a hau te lai,” tiah Chatfield nih Fox News ah a chim. “Namhnehnak tuah dingin order chuahmi a um lo ah cun, Constitution kongah Michigan ah buainak a um lai, tinak a si ko. Cuhlan ah cu bantuk buainak cu a um bal hraw lo,” tiin a chim.

Vote nemhnehnak ralchanh in Board nih vote a thlak a si ah cun, an case hi state court of appeals an phaakpi lai i, cu hnu ah state Supreme Court lei ah an kalpi te lai. State law ah ai tial ko caah, State Supreme Court nih cun vote namhnehnak tuah dingin GOP board cu lai a relpiak ko hna lai. State governor Democrat Gretchen Whitmer nih boad members lakah minung pakhat paoh hi an ai a rawlh khawh men hna.

Board of State Canvassers i a rian cu popular vote a teitu paoh cu mi zei a si pek ah a caah election namhnehnak tuahpiak hi a si, tiah Chafield nih a chim lengmang ko naitein, vote umkal ning ah thil ai nincan lo sual belte ah cun namhnehnak kham zong a si kho men ko, tiin interview ah a chim bal.

“Hi dirhmun hi i tel ka duh bak lo nak hmun a si,” tii a chim. Friday ah khan Chatfield nih White House ah Trump a vung ton. “Michigan i county vialte lakah a nganbikmi Wayne County i election result audit an tuahmi he pehtlaiin hlathlainak tuah dingah ka hna a tla ve. Vote an relthan hnu i vote a zat ai danmi hi hlathlai ah a tha, tiin ka ruah. Cun election tawlrel a sining kongkau ah state Lagislature zong nih thil sining theihfian a duh ve,” tiah Chatfield nih a chim.

Wayne County i vote 878,000 lenglo an thlakmi chungin vote a zat ai thleidangmi hi 450 tiang a um, tiah W County officials nih an chim. Vote zohfelnak lim hlan ah Michigan ah audit tuah rih ding a si lo. Cucaah, hihnu ni 14 tiang Vote namhnehnak tuah rih lo dingin le, Wayne County election results audit tuahmi hngahngan ta rih dingin State Republican Party le Republican National Committee nih GOP board members inah Saturday ah khan ca an kuat hna.

Kan hnung zarh ah khan, Wayne County i election result cu bipartisan Wayne County Board of Canvassers nih namhnehnak an tuah. Michigan state pumpi i vote namhnehnak tuah dih ding kongkau he pehtlaiin a donghnak karhlannak tuah awk ah Monday 1pm ah khin The Board of State Canvassers pawl tonnak an ngei hna lai, tiah theih a si.

Nihin tiangah Michigan ah tazacuainak an tuah ko nain, faaktuk in vote firnak kong chimmi a um hraw lo. “Vote firnak a um, vote kongah thil ai ningcanglo mi a um, tiin report an tuahmi hi kanmah tein zohfelnak kan tuah. Hi kong hi thatein zohfel a hau, tiah ka ruah,” tiin Chatfield nih Fox News ah a chim. “Michigan nih thatein election kan tawlrel. Cucaah Board of Canvassers pawl nih result namhnehnak an tuah ko lai, tiah ka zumh,” tiin CNN ah Michigan State Secretary Jocelyn Benson nih Saturday ah a chim.

“Michigan mipi nih biachahnak an tuah ko, tiah ka ruah. Duhthimnak an tuahmi kongah lunghrimh in biahalnak tuah ding a um lo, asiloah phung he ai kalhmi a um in ka thei lo. County kip ah vote namhnehnak an tuah cio lai, tiah kan i ruahchan cio bangin, votepetu pawl an duhnak upatpek bu te he state board of canvassers pawl le nawlngeitu kip nih kan state law hi an zulh ko lai, tiah ruahchannak kan ngei ko,” tiin Benson nih a chim.

Trump na va ton lio ah an hne hna maw, tiin Fox News nih an hal. “President nih phung buar dingin le hnahnawhnak pek dingin a kan fial sual lai, tiin kan thin lawng kan i hun cia. Asinain, a taktak ah cun cu bantuk thil cu a um hraw lo,” tiah a leh hna.

“Election a phichuak thlen khawhnak dingah zeiantuk thawngpang hmanh thanh kan si rih lo. Cucaah, kannih cu phung a kalpitu kan si bangin, phung hnu kan zul ko lai i, election chung vialte hi kan chim peng bangin khan, Michigan electors pawl kongah tuahphung a si mi te hi kan zulh ve ko lai,” tiah White House i tonnak an ngeih hnu ah Chatfield le Michigan state Senate Majority Leader Mike Shirkey nih an chim.

CNN’s Dana Bash he Sunday i interview tuah lio ah “Ai lim cang ko cu ta!” tiin majority of congressional Republicans sinah Michigan GOP Rep. Fred Upton nih a ing a ponh hna cang hna. Vote firpuh kongah zeihmanh tehte a um lo. Margin in a teinak zong hi ai fiangpup ko. Cucaah, politicians pawl si lo in votepetu pawl voice ngeihter dingah state i vote namhnehnak hi a caan ningtein tuah ding a si ko, tiah Fred nih a chim.

Biden zong cu “President-elect” tiin Fred nih cun a ti lawlaw cang i, vote namhnehnak nikhua tlaiter deuhdeuh a si le, daitein president rian i apnak hnahnawhpek deuhdeuh a tong lai, tinak a si ko, tiin a chim. Credit: Chelsea Bawi

Leave a Reply

Your email address will not be published. Required fields are marked *