Tangka kan thawh ee kan cawm hna ee ti bel cu kan ti ko sawh hlah uh!

Tangka kan thawh ee kan cawm hna ee ti bel cu kan ti ko sawh hlah uh!
==================
CDF cu nulepa bak nih nan kan cawmmi kan si. Nanmah um hlah ulaw zeitluk in dah kan va har hnga. Ruah hmanh ka ruat ngam lo. Pathian nih nanmah hmang in nihin tiang a kan zohkhenh i Pathian cung le nanmah cung ah kan ilawm.

Nain mu nawl kan duh hna…Tangka kan thawh ee kan cawm hna ee ti bel cu kan ti ko sawh hlah uh. Kan iphuhrung cuh, rawl zong ei ngam loin kan nuar sual lai. Kan ning a zak sual lai (a zah caan tam hrim ko). Santlai mi nih santlai lo deuh a zohkhenhmi kong a tei nak ahcun zohkhenh haupa caah zeidah a lawh hnga ti zong kan ruah piak ko sawh uh.
Nan fale kan si caah sik a herhnak ah kan si ulaw cawnpiak zia tu kan thiam hram ko uh.

Cun a donghnak ah nawl chap kan duh hna, tangka nan kan kuat tikah nawlngeihnak hi kan kua chih tawn hlah ulaw kan ilawm ko hnga. Nihin tiang CDF kan dirkhawh nak hi Pathian le ramchung ramleng Chin miphun kan Nulepa nanmah thawngin a si ko. Bawipa tu nih nan thiltuahmi in cinken piak ko hna sehlaw…Kan ilawm tuk.

“Tangka nan kan kuat tikah nawlneihnak kan kua chih hlah ulaw” a dik kho tuk. Mah hi mipuitling tuahkel zong silo. Lungthiang tein kan kuatmi ah ilamwh ding. Tangka ava umkalnak zong hlat len hau lo. Ngunkeng le audit an um ko. Bawipa tu nih in umpi zungzal ko hna seh law lungthawn nak zongin pe chin lengmang ko hna seh. Teinak nan hmuh hrimhrim lai na thachia hrim hlah mu.

CNA/CDF nih thil tha tam tuk an tuah mi atam tuk nain kha vial te kha hmuhpiak lem lo in thilpakhat khat cung ah an ipalh sual nak aum vial ah cun kha thil an tuah mi tu cu heh tiah kan vuivai hnawh leng hna mi hi apoi ngaingai cucaah jesuh kha Azul tu he khual an tlawn lio ah khan lam kam ah uico thi an hmuh i Azul tu nih cun cu uico thut cu tiah an ti asinain jesuh nih cun cutluk uico ha var cu ti tu in ahmuh cucaah minung an si ve mi ah tam tuk in chiat nak hmuh piakhi ngawl cang hna uh sih!

Ram le miphun caah cun, Thil ngan mi lawng si loin, thil hmete tiang nan tuar ko lai. Nan ngaih chia hlah seh. A ngaingai ti ahcun, kan nau le an um ti khin dawh mipi cu kan hna ngam ko cuh. Nain mipi ca thil tha lo cu kan hrial a hau ko lai.

Upat nan umtuk. I zuam ko uh. nan battuk ve caah nan nau le a ding eimi an um ko lai rit buin zeithil hmanh tuah hlah ulaw cun evidence tha tein a um lomi dalan kongah I ralring ko ulaw nan lam a tluang lai. nan thawng chin lengmang lai. kawltung nan kan phakpi hrimhrim lai.

Mibuu lak ah cun, Asi pah ko lai, Zahan nai thawng pang zong nih hin, Nun zia remh nak le Hmai lei Țhat nak lei ah cang ko seh, Pathian tu nih kan Miphun caah tei nak in pe ko hna seh. Nan tha chia hlah uh zapi ca rian tuan cu theihthiam lo nak um phung si ko, zei zong vial te hi an dih te lai i an ttha dih te ko lai a pakhat nak ah pathian lawng kha i bochan ko uh thla kan in cam piak peng ko.

Nan tha chia hlah u, nan lung zong dong fawn hlah u. Phaisa lawng thawh hna sehlaw lailei ah a tu bantuk in nunthap in riantuannak um hlah sehlaw! phaisa amah lawng nih cun zei dohthlennak cu dah a chuahpi khawh hnga? I phuhrung in um dual hlah u.. Bawipa tu nih lam in hruaihna sehlaw, miphun caah teinak tiang in pe ko hna seh.