SUUKYI LE MIDANG PAWL CHUAH TIMH; Thailand PM thimnak dingah PTP a donghnak (Thailand PM thimnak caan an thial tha’n)
========
August 1, 2023 ah MAH dirhmi Bhuda Pura Pi “Marasirah Pagoda” hawnnak an tuah dingah, Daw Aungsan Suukyi cu Nyphydaw Thonginn in Nyphydaw Cozah Official Quarter pakhat ah an thial lai ti’ah nawlngeitu ralbawi minchim lo pakhat nih AP News sinah a chim. Cu pinah mi dang Political Prisoners NLD Upa cheukhat- (ZMM+WT+?)le Thongtla zeimawzat zong an chuah kho men ti’ah thawngpang a leng.
Daw Suukyi hi July-9 ah Thailand Dy PM he an ton -ter nak Zezah Thiri Veng, Nyphydaw Ralkap hmunpi pawngte’ah um Deputy Minister rank Quarter ah chiah an timh ti’ah an chim. Min a chim duh lo mi Nyphydaw Ralbawi lian pakhat nih cun Suukyi umnak kan sersiam khitkhet dih cang ti’ah a cihm. Cheukhat nih cun, Nizaan ah an thial cang an ti na’in bia vaivuan si dawh asi.
Myanmar Politics buainak bantukin Thailand PM thimnak zong cu thaituan 27 July ah tuah tha’n asi lai i, Forward Party in cuh khawh asi ti lo ca’ah 8 Parties Coalition-MP +312 aiawh in Pheu Thai Party in Ms.Paetongtarn Shinawatra silo’ah mirum Tycoon Sretha Thavisin hna nih an i cuh kho i, tutan hi Coalition Partner pawl PM i cuh khawhnak a donghnak bik asi cang.
Tutan hi Ralkap chiahmi Senators tam nawn te nih kan in bomh hna lai an ti pinah lailak Party- 5 in MP-6 nih kan in Vote ve hna lai ti’ah bia an kamh hna na’in Thailand Political Analyst pawl nih cun ‘tling maw, tlinglo maw’ te bak bak an si kho ti’ah an tuak ning asi. Khah! asi’ah PTParty Coalition pawl tling hna hlah sehlaw zeitin dah asi lai?
Thai Siangpahrang le Ralkap lei Oppositions Party lian bik Bhumjaithai Party,silo’ah pumpak Independent in PM an i cuh lai i, MP-181 an um ca’ah Sénators- 250 nih an Votes hna’ah cun an tling kho ve mi asi hoi. Amah belte mah hi zong sikhawh dawh asi lo ti’ah mithiam pawl nih an tuak tha’n.
Cusi’ah zeitin? House Speaker Mr. Wan Muhammad Noor Matha nawl neihnak asi cang lai i, a herh ati’ah cun PM Prayuh Cha-O- cha cu Kum khat chung Care-taker Cozah in Uk nak nawl a pek kho, silo’ah Siangpahrang nih Parliament cu an t’het/desolve kho i, thimnak thar an tuah tha’n lai.
Cu bantuk a chuak sual ah cun, Move Forward Party hruaimi mipi nih Phunhrampi Article-272 ningin Ralkap Cozah nih Mipi thim lo “Senators-250″a chiahmi kha hrawh tha’n dingin Lamzawhnak biatak thlakin nei dawh an si ca’ah Myanmar bantukin Thai- land ram zong hi an buai lai lo ti’ah chim awk an tha lo. Mah belte PM kal ding Prayut nih cun buainak um lo te’in kalti hna usih..kei tu cu ka rian Politics in ka din cang lai ti’ah mipi sinah a phuan cang.
Tuchun ah khan Thailand Speaker Mr. Wan Matha nih July 27 Parliament ah PM thim nak ding caan cu, Ni khiah dang um lo’in thial asi ti’ah a thanh. Aruang cu Pita konglam ah Court Order hngah le Thailand Siangpahrang Birthday chuahcam Ni 28/7 hi MP’s le Senators pawl nih hman an duh cio lai ca’ah ti’in thawngthanhnak a tuah chih.
Nikum December 2022 in Thla-7 chung te China Foreign Minister a tuanmi Mr. Qin Gang cu Nizaan ah khan China Central Communist Party CEC nih a rian in dinter nak thawng an thanh. Amah zaaka’ah ho dah an chiah lai ti cu an chim rih lo na’in Foreign Minister hmasa Mr. Wang Yi nih khan a tlaih chung rih. Zeiruangah dah an phuah hnga ti cu theih asi lo na’in cheu khat nih cun, Ukrainian le Russia buainak kong ah asi theu lai ti’ah ruah cio asi. MAH cu hoikom tha pakhat a hloh hoi ne ai.
An chuah rih rua lo..an chuah ah a umnak kan sersiam dih cang ti tu Nyphydaw ralbawi zik pakhat nih zumh awk tlak asi ti’ah AP News biahalnak a leh. MAH Pura lawmhni ah si dawhin a chim.an chuah timi kha bia- vaivuan deuh si dawh si. Credit: MC Biklian