Sungsungpa cu Dr. Sasa Cungah a lungdong tuk hringhran cang!

Tipil Petu Johan Bang A Lungdongmi Sungsungpa: PG(80)
========
Messiah cu amah nih tipil a pek. Vancung in Pathian aw bak atheih i Thiangthlarau amit in a hmuh. Zohhmanhuh, vawlei sualnak kalpitu Pathian Tuufa khi tiah Jesuh Khrih cu Mipi hmuhsaktu asi. Anung in Van ah a kai mi, Profet Elijah kha vawlei ah thlah ṭhan mi pa asi. Messiah caah Lamkaltu le tehte khantu asi. Vancung Pennak a nai cang, Nan sualnak i chir uhlaw, Tipil ing uh tiah ramcar ah tlangau tu asi. Baptist Krifabu thawktu hi Tipil Petu Johan asi ti asi phah.

Herod nih Thong a thlak i a ngawng tan awk asicang. Messiah khamhtu le Chanchuahtu a ngeih tilo caah a lung a dongh tuk hrinhran. Azultu pahnih cu Jesuh sin ah athlah hna. Hitin bia vung hal uh ati hna. “Messiah tak tak nasi maw? Messiah dang dah kan hngak rih lai”.

Sungsungpa cu NLD asi. DASSK le Jesuh hi aa khat bakin a cohlantu asi. An khuami le a sahlawh vialte kha voi hnih duahmah in vote a thlak ter hna. Chin Party sung seh ti kha a saduhthah asi. NLD teinak an hmuh ding asi ahcun, hellram tla ko ning, atitu pa asi. MAH le Rallokap nih a saduhthat vialte an hrawk dih nain, CRPH, NUG le Dr. Sa Sa an um caah a hnabei dong rihlo. Arauhlan ah MAH kan thluk ko lai tiah 100% a zumh mipa asi.

Dr. Sa Sa nih ” Hriam phuntling an kan bawmh lai; Drone le Raltuknak Vanlawng an kan cawk piak lai; CDMers le mi harsa vialte Phaisa tampi an kan bawmh lai; American le UN cu chanchuah ding ah a fial hna lai; R2P ara lai i MAH a thah ter hna lai; ICJ le ICC ah taza an cuai hna lai i, Ralbawizik vialte hritlai in thah an si lai; Federal Army pi he Teinak Thantar thlai in Dr. Sa Sa kawlram alut lai i Tamada ṭuan lai; DASSK nih arian ṭhing a ṭuan lai; tbkin, zumhnak fek ṭhupin, NLD ah tawnta dirhin a dir mi, Sungsungpa asi.

Thantlang khualipi cu lak awk um ti loin, a ciam dih, Ttl khuami vialte kan tlikzam dih, mi ram le mi khua ah mipen sathlai derhhmun in nithla rel asi; Sal dirhhmun hluan in, nganfaknak phunzakip le relcawklo harsat nak he nifatin i ciah in vakvai asi. Inhliam kung ah ṭinṭang bahin, Zion ngai in ṭap ruangmang cio asi.

Sungsungpa a lungdong tuk hrinhran. Tipil petu Zan nakin ka lungdongh deuh cang aka ti. Cung ah langhter mi, aa ruahchannak vialte pakpalawng ansi dih aka ti. A chunmang le A vision vialte, Dr. Sa Sa nih a hrawk dih cang tiah a zai len cang. “Dr. Sa Sa dang le NUG dang maw kan hngak lai” tiah aka hal i ka aar ve ko.

Thantlang Khualipi hi CNA nih an lak khawh rih lo maw? CDF hi ka ruah ning btk an si lo. Ttl khua hmanh khumzual khawh lomi hna, tbkin tampi aka zaihnawh. MAH hi kan tei khawh ti lailo caah PEACE TALK tuin kal ding asi. Cabuai cung ah biaruah hna sehlaw, Daihnak lamthluan tuin kan kalpi cang hna seh, ka hnabei a dong sup tiah ati cang ai.

Jesuh nih Zan Zultu (2) sin ah” Mithi an thoṭhan; Mitcaw khua an hmuh, Mizeng lam an kal khawh, Mizaw an dam dih cang” tiah vung chimhuh, Tipil Petu Zan cu, tiah ati hna.

Sungsungpa si cakuat: NUG le Dr. Sa Sa thawngin, UN, EU, Nitlakram hna, Belgium, Canada, Australia, Japan, S. Korea, tbk in vawlei ram vialte nih Mipi cozah an cohlan i, MAH cozah cohlantu ram (4) lawng an um. ICC ah MAH te tazacuai an si cang lai.

NUG nih arau hlan ah hriam phuntling an kan bawmh lai; CDMers zong an bawmh cang hna lai; Cozah riankip zong ṭuan khawh asicang lai tiah Minkunai nih a chimh; Daw ZinmarAung le U Yemon nih 2022 ah ral kan tei cikcek cang lai tiah an thanh cang. CDF, PDF nih Rallokap an tei cuahmah lio hna, arau hlan ah mipi pennak a tlung cang lai. Kan zeizong tein CDF, CNA le NUG ah umin khuasa ko usih, nai chirh belaa loh tiah hung ka chimh piak te uh.

Theihternak: Hmanthlak cuang Sungsungpa kong asilo. Sungsungnu Khauhṭhih in Zureu adin mipa asi fawn lo. Sungsungpa dang asi. Credit: Saya H Rung Kaw