Sui Thantlang le Chinram cu kum 70 leng an uk cang. Khuachia pennak le an Baal pathian hrawkin cihmih asi caah

Voi 70 a rawk zong ah kan remh ṭhan lai Sui Thantlang Jerusalem khualipi bang in: PGs52
===========
Babilon Sal tannak in Kum 70 hnu ah Vuancichok le Ralbawi asimi Nehemiah nih a hruai hna i Jerusalem Hauhraung cu an remh ṭhan. Kawl Sal tannak in Kum 70 hnu ah CNA hruai nakin CDF nih Sui Thantlang (le Chinram) Hauhruang Sak ṭhan awk ah MAH le SAC cu an namh ve hna.

Baal a biakmi le Khuachia Pennak MAH le SAC cihmih awk ah ram dawtu le khumzual tu CDF an tho ve cang. Baal pathian le an luban nih Sui Thantlang le Chinram cu kum 70 leng an uk cang. Khuachia pennak le an Baal pathian hrawkin cihmih asi caah thil fawi asilo i ti le nu paw chung chuak pa poah poah nih ngamh ci asilo zong theih dih cio mi asi.

Jerusalem hauhruang an remh lio tan ah, khat lei kut in Cantiang an i ken i, khat lei in tlakrawh an put. Cu ko cu Sui Thantlang kan derhhmun cu asi ve. Tuksapur mithah Lainawng pa le Ralhrang ṭihnung MAH le SAC kan doh pah in Sui Thantlang remhṭhan nak rian zong ṭuan ding in fial mi kan si cio hna.

Jerusalem kaltak sian loin a tang mi hna ruang ah, Judah mi Khualipi asilan nihin tiang. Sui Thantlang ah a tang mi hna nih hi nan ropui nak hi philh lo awk asi. Upat tlak zong nan si fawn. Zeitik hmanhah philh lo ding mi Kan Pipu cu Sui Thantlang kaltak sian loin Lai hlum mi kan Unau hna nan si.

Him nak hmuhduh ah khuazakip ah riaklang va bang a vakvai mi Sui Thantlang fanau vialte zong, nan thinphang ti hlah uh. Hnangam lungdeih tein i dor chung ko uh. Khuachia Khuahrum pa MAH le SAC cu kan Jerusalem farual asi mi CDF nih a cihmih can kha a ra lio, a rau ti lai lo. Zeitintiah Pathian Planning cu kum 70 in a hlawhtlin tawn caah asi. Pathian Planning cantawi (Short term) cu kum 70 asi tiah kan langhter cang.

Pathian Planning cansau (Long term) cu kum 430 Izip ah saal tannak kha asi. Jesuh Krih an hlawt le Vailam ah an khenchih ruang ah AD70 in 1948 (Kum 1878) Diaspora Jews in vawlei kili ah, an tlau kha cu phundang. Kan nih Chin mi cu Jesuh a hlawt bal mi kan silo. Sui Thantlang cu Pathian rianṭuantu tambik a hrinmi tu kan si. Chinmi le Sui Thantlang cu Pathian ṭhen awk a ṭha lo mi kan si ti cu a mikip theih mi asi ko. Sui Thantlang Boruak i Tukhal pakhat thisen nih Abel thisen thiang bangin Pathian minung kan sinak Tehte a khan ko.

Sui Thantlang farual hna nan lung dong hrim hrim hlah seh. Pathian le Chin miphun ah ṭhawnchin uhsih law, kan thazang tlung chin ko seh. KIO/KIA Laiza khuapi bang Sui Thantlang kan serh lai Ni kha a nai te cang. Cu Ni a phan/phak tikah, ngaichiat lungkuai nak le kan intuar nak vialte zanmang bang an loh dih te lai.

Zan lei ṭahnak Zing lei lunglawmh nak ṭha bik tiah hla kan Sak te lai Caan kha a rau ti lailo. Saupi ka kawl lungdeihnak kha a tu lawng ah ka hmuh tiah Pathian thangṭhatnak hla sak buin kan in tawn ṭhan te hna lai. Nan um nak kip cio ah Pathian hnangam lungdeih nak he in khumzual cio hram hna seh AMEN.

Sui Thantlang Hnemhnak Caah Biahla le Caholh Ka Hmuh Khawh Lo? Rev. Cung Biak Hum i A krifabu, A Chungkhar le Sahlawh rualchan hna, nan ngaichiat lungkuai nak kan hrawm pi hna. Kaa lung sak khawh ve bak ṭung lo. An kan zawmhtai le thlanglamh hi chimh awk a pit ṭung Unau hna!

Ralhrang MAH nih Innlo duah piak mi vialte hna, nan intuar nak kan hrawmpi ve hna. Hacang rial le dak lawng ka rianh ve ṭung! “Phuhlam can kan pe hram ko Bawipa” ti lawng ka thlacam nak! MAH le SAC nih Rev. Biak Cung Hum an tuahto ning le Sui Thantlang Innlo 20 khangh piak mi hi War Crime Against & Crime Against Humanity bak asi. Vawleipi nih theihhngalh dih ding in UN level kung tlun khawh tiangin aupi cio hna usih. A herh le kan hrawm zong cat ko tiang in.

NUG le Chungtel chin Upa hna nih hi kong hi War Crimes Against & Crimes Against Humanity ah UN le Geneva nih an cohlan nak hnga kan zuam piak hram uh? A ruang cu UN le International nih “Nuhrin Covo buar mi asi” “Human Rights Against” lawng ah an cohlan rih caah asi. Tehte: Kani, Minkin, Gangaw peng Minta le Hnankha khua Meiduah nak le Tuksapur thahnawn nak cu UN le Geneva nih War Crime Against & Crime Against Humanity ah an pom lo. Nuhrin Covo an buar titu in thil a kal.

USD 800 Millions budget le Ram 5 ah Embassy tuah khawh mi cung ah kan i lawm. Pathian kan thanṭhat. Nain Kan nih Sui Ttl fanau caah cu Lunglawmh nak a tling khawh ve lo ee. Innlo duah piak kan si, Kan Biak Inn hrawk piak in, Kan Tukhalpa cu Zalam tlang ah rilko in, khalhtu ngeihlo tuurun bang kan i ṭhenṭhek dih.

Pathian pekmi kan Sui Khuapi ah a um ngam tilo mi 10000 leng cu i dorhnak hmun kawl in Riaklang va bang kan vai. Sui Ttl fanau nih, Kan cung ah a tlung mi harsatnak le Ngaihchiat lungkuai nak ruang ah, 800 millions le 5 Embassy caah, NUG cung ah lawmh nak bia chimh kan tlolh mi cung ah rak kan theihthiam hram uh.

Sui Ttl hremhtu MAH le SAC cu An nung bak kan tlaih khawh nak hnga NUG nih kan bawm uh law, War Crimes Against le Crimes Against Humanity si khawh ding ah, rak kan zuam piak uh tiah, Sui Ttl Fanau hna nih caa kan in kuat hna.

Federal Ning in kawlram cu State 8 in ṭhen asi caah 800 millions savo phawt tikah, 100 millions cu CDF i apa CNA pe uhlaw, Sui Ttl hremtu Khuachia MAH le SAC cihmih nak ah kan hmang ve hnga! Aran nak in rak kan zuam piak hram uh tiah vairang caa kan in kuat hna. Credit: Saya Rung Kaw