Southeast Asian ministers pawl Myanmar kong Ceih an i Tim

Buainak a zual chinchin cang caah Southeast Asian ministers pawl Myanmar kong Ceih an i Tim
=====================
Reuters) – Politic kong i buaibainak le tuksum in thah le nawnnak a ummi donghter dingah Tuesday hi Southeast Asian ministers pawl ton biaruahnak ngeih an i tim. Sunday lio i suksapur in mipi thah le nawn an tonmi ruangah a tu bantukin ton biaruahtinak ngei dingin khua an khaan hi a si. Nihin zongah lukhuh a hakmi ai hrukmi mipi pawl cu a biapi ngaimi lamzawhnak kan tuah rih lai, tiin Yangon ah an i tong lulh cang hna. Monday ah khan Police le ralkap nih tear gas le stun grenades in mipi an kah hna. Cun rubber kuanfang zong in an kah hna.

Tutan duhlonak langhter ai thokka in nihin tiang i nunnak a liammi hi a tlawmbik minung 21 an si cang. Police pakhat zong ai tel, tiah theih a si. Tuesday i ton biaruahnak hi Video in a si lai i, “Myanmar ralkap pawl, thatlonak nan tuahmi nih a kan laughter dih cang,” tiin piangtlar in ka ti te hrimhrim hna lai, tiah Singapore Foreign minister Vivian Balkrishnan nih ASEAN a hawilei sinah a chim. Cun, Suu Kyi le ralbawi karlak ah ton biaruahnak um kho dingin ASEAN nih thazaang kan pek hna lai, tiin Monday i interview an tuah lio ah Balakhrishnan nih a chim. “Bia an i ruah a hau. I tong kho dingin bomhchanhnak kan pek hna a hau” tiin a chim.

ASEAN groups cu Myanmar, Singapore, the Philippines, Indonesia, Thailand, Laos, Cambodia, Malaysia, Brunei le Vietnam hi an si hna. November election ah vote firnak tamtuk a um caah pei nawl kan lak hi a si cu, tiah ralkap lei nih thiam an i coh len ve. Tutan election hi a fair mi te a si ko, tiah election commission nih an chim ve.
Duhlonak langhter dingin mi a hruaitu hna le civil riantlai pawl rian tuan lo dingin a hrocertu hna hi thaloin daantat an si te lai, tiah TV ah MAH nih a hro hna. Thimnak kan tuah than lai i, a tei paoh kut ah uknak pek a si ko lai, tiah MAH nih a ti ko nain, nihin tiang ah a nithlaa a tu fawn rih lo. ‘A zeiti lei hmanh in cohlan awk a tha lo mi thil a si”.

ASEAN nih Myanmar ralkap an tongthamh ning hi democracy a tanhtu nih an soisel ngaingai cang. Myanmar ralbawi le a minung pawl hi “terrorist” an si, tiah CRPH nih an thanh lawlaw ve cang i, ASEAN ai thlaak a si ah cun, ralkap tu lehlam hi phungningin a kalmi phu ah a canter lehlam lai, tiin tlaihbawh a tongmi Myanmar lawmakers phu nih an chim. “Phungkalh in a cawlcangmi hi ralkap pennak kongah ASEAN nih ai thlak hrimhrim awk a si lo,” tiah CRPH nih an chiti an thuhmi (anointed) Dr. Sa Sa, Special Envoy to UN, nih a hro ve hna.

“ASEAN nih hin ralkap cozah si lo in Suu Kyi cozah ai a awhtu pawl he bia an i ruah deuh hrimhrim awk a si,” tiah Myanmar ah a ummi alumni of ASEAN youth programmes nih a chim. “Tutan i ralkap nih nawl an lakmi (coup) siseh, cun thimnak tuah than dingin biakamnak an tuahmi zong hi Myanmar mipi nih kan cohlang lo, ti hi ASEAN nih nan fian hrimhrim awk ah a herh” tiah ASEAN sinah youth programmes nih cu ca an hei kuat hna.

“ASEAN hi Myanmar he fektein kan dir lai i, kan chungtel ram pakhatkhat i a chungkhar (internal affairs) konglam ah i thlak lo ding a si lai, tiin phung kan i ngeih ko e. Asinain, cucu thatlonak an tuah ko zongah zohsawh ding a si, tinak a si lo, ti hi kan fian a hau” tiin Phillipine Foreign Minister Teodoro Locsin nih Twitter ah a tial.
Suu Kyi hi dam muisam a keng ko. Case 2 in taza an cuai chap. Ralkap ni nawl an lak hnu in mipi sinah Pi Suu cu a musiam a leng ti lo e.

Minung a thong in tlaih an tong cang, tiah Democratic Voice of Burma (DVB) nih a chim. A tu bantukin ralkap nih hriamnaam ai ken lo mi mipi siseh, journalists si hna seh, cun activists pawl a kah hna a si ah cun an cungah faakdeuh in dantatnak kan tuah lai. An tuahternak hi fih bak a nung, tiin US State Department baichimtu Ned Price nih a chim.

Nawllaknak kongah tuanvo a laktu pawl an cungah Biden cozah nih theipar faakpiin zunter a timh cuahmah lio pi a si, tiah White House Press Secretary Jen Psaki nih a chim. March i UN Security Council i president a tuan in cun Myanmar kong hi biataktein ka ceihpi khawh hna lai, tiah ruahchannak ka ngei ko,” tiah U.S. Ambassador to the United Nations Linda Thomas-Greenfield nih a chim. Credit: Chelsea Bawi