Solomon ThangDing Nih Atutan Cu, Aho Dah Daitein A Um Kho Lai? A Donghnak Revolution Siseh A Vun Ti Cang

Chin National Front a rak dirhnak kum (33)nak tlinnak puaipi cu Camp Victoria ah sunglawi ngaiin an tuah khawh caah ramchung ramleng a ummi Chin miphun nih kan in lawmhpi tuk hringhran hna. Pu Solomon nih a donghnak si cang seh, a timi cu lawmh a um tuk, kan duh tuk cio ko nain kawlram mipi kan thazaang le hriamtlaih phu nih a zo ti ko hnga maw? Teinak cu Bawipa ta si ko, Kan tei hrim lai raltha te in doh ko uh kan ni dir pi ko hna. Bawipa nih in um pi ko hna seh. Nangmah hi Lai Kokek ruahnak ngeimi na si. Pasalttha bak mah hnu pin lei zongah Chin ralkap pawl cu thazaang na pek ngai hna hau ko lai.

Uk Lian Thang Le That Ci hi rak nung rih hna sehlaw tampi thil sining ai thleng men lai, tiah a ruahmi Chin miphun cheukhat kan um rih. Lungrualnak tampi a chuahpi chin lai tiah an ti cio. Atutan bantuk caanttha i kan doh lo i, kan tei lo cun ngol bak ding a si cang. Kan tei ko lai, ka zumh. Terrorism dictatorship pawl an sungh dengmang cang, Federal Army ara cang lai, nan Lungdong hin hlah u. Kan i lawm, Pathian nih kan miphun caah Θ›hawnnak, teinak kan pe ko sehlaw thluaza in chuah ko hna seh. Nunnak nan thaapmi nan tuanman hi Bawipa nih alak siter hrim hlah seh, upatnak kan in pek hna. Atanglei te hi Pu Solomon nih a timeline ah a tarlanghmi capar a si.

Kum (33)nak Chin Revolution Day. Atutan cu, a ho dah dai tein a um kho lai? A donghnak revolution siseh! 20 March 2021, Camp Victoria

Relchap, Nihin (03/19/2021) ah Indianapolis khua i a ummi Mimi Restaurant ngeitu Pu Thawng Mang le a chungkhar sinin $5,000 siseh, IU Bloomington i Sushui dawr ngeitu Pu Thang Khar le a chungkhar sinin $4,000 siseh Emergency National Security Funds (ENSF) caah an rak pek rih. An cung ah kan ni lawm hringhran.

Indianapolis khua ah kan miphun chung in Restaurant le Business ngan ngan a ngei mi tampi an um i, anmah belte cu kan leng kho rih hna lo. An sin zong in kan miphun a himnak ca i Emergency thil a si caah tam pi ruahchannak kan ngei hna. Vawlei cung kaakip a um mi kan miphun hawi le dang zong nih kan ram ca i, nan siaherhnak a kaa kip ah nan rak langhternak thawngpang kan rak theih i kan ni lawm. Burma ram ah a um mi miphun lak ah, Kawl le Miphun dang pawl nih santlai lo bik Chin miphun tiah an rak kan ti tawn mi kha tutan hrimhrim ah hin zeitluk in dah Chin miphun kan lung aa rual i, kan miphun kan dawt ti mi langh ter chin chin hna uh sih.