Socialism le Communism kong hi a biapi ngaingai

Socialism le Communism kong hi a biapi ngaingai
=================
Lenin chimmi: Arti pum khuai hmasa lo in arti kio, reu khawh a si lo. “You cannot make an omelette without breaking eggs” (hi ka hin zoh cio ko uh). Asullam cu lu kiak/kuai lo cun do thlennnak na tuah kho lai lo ti kha a si ko (you cannot make a revolution without breaking heads, or breaking promises).

A tawinak tein pakhat hnih te; (1) Socialist timi biafang hi Latin “sociare” in a rami a si i a sullam cu cawh, fawnh asiloah hrawm ve, tthen ve (verb) ti a si. Communism zong Latin communis, asullam zong “hlawmh, thenh asiloah hrawmhmi (adj).

(2) A tawinak tein, voikhatnak ralpi a tho. Socialist vawlei pi aa then. Russia ram ah dohnak a chuak. 1. Dohnak atanhmi revolutionary socialist – Lenin hnuzul, 2. communist min phortu Bolsheviks hnu zultu, 3. Thlennak a duhtu Reformist socialist (atu ah social democrat) an hung chuak. Mah hlan pi ah German mifim Marx hruainak in communist manifesto an rak chuah bal cang. (Miphun phunhnih kong – class – riantuantu le bawi kong ah)

3. 1945 kum thawk in Nichuah lei Europe ah Bolshevik nih a kal pimi communism cu a hunglar. China buainak 1949 kum thawk in China nih communism cu aa lak ve. Cun North Korea, Vietnam, Cambodia, Laos, Cuba ram tiang a phan.

4. Lenin kalpi mi revolutionary socialists le Bolsheviks hruaimi communists tiah aa auhmi hna kha pahnih kha communists ah an chuak i reformist socialists aa timi hna kha atu social democracy a tanhmi (phunghram – thimnak in uk a hau tiah a pommi ah an rak chuak). Social democracy ram poah ah thimnak hruaitu a hrin hna nain communists bak aa tlai rihmi ram ah thimnak nih hruaitu a hrin hna lo. Thimnak an tuah hmanh ah anmah dohtu kha thimnak ah i zuam kho hna hlah seh tiah an hrem hmasa hna.

4. Ruahnak dannak: Socialism nih cun John Donne (1571–1631) nih a rak chimmi “No man is an Island” hi fek thup in an i tlaih. Atanglei ah a tawi tein socialism ruahnak: 4.1. Community – minung cu a bu tein a ummi kan si. A bu in kan um minih kan thinlungput zong a sersiam ve. 4.2. Unau sinak = Fraternity: minung cu u le nau kan si. Kan i bawm kan tanti a hau. Kan i zuam cawh ding a si lo (cooperation).

4.3. Zatlang nun tlukruannak – social equality: Tlukruannak hi a biapi tuk. Caantha kong zong ah tlukruan a biapi tuk. (equality of opportunity) kha biapi ah a chiah. ngandamnak zohkhenhnak, umthutnak, pawtam tihalnak kong ah tlukrualnak a herh tuk. Communism nih cun “equality of distribution) thil phawtzamhnak kha biapi ah a chiah.
4.4. minung dirhmun (social class): A har deuh kha a rum deuh nih bawmh (a rummi nih a khun an pekmi in a har deuhmi bawmhnak phun).

4.5. Ngeih le chia hrawmnak – common ownership – mah ruang ah hin socialist in communist ah an i thennak a si ve lai an ti. Russia nih socialist ram ka si a ti tikah ngeih le chia hrawmnak kongah acozah nih zei poah aa thlak ding a si or a cheu a biapi mi kha nationalization in kal pi ding a si ko tiah a pom an ti. (Heywood 56, Heywood 87) (Atu tan ah economic perspective cun ka tial lai lo)

5. Communism: nih cun; 5.1. Zapi thil hrawm ngeihnak (public ownership) 5.2. Zeipoah chuahnak (production), phawtzamhnak (distribution), tlunkalnak (transportation), le pehtlaihnak (communication) dihlak hi zapi nih ngeih ding a si. Pumpak nih ngeih tawlrel phun tha a pe lo. Asinain nihin political economy ahcun communist ram zong cu bantuk a dih lak in a zulmi ram hi an tlom ngai cang.

5.3. Capitalism – zuamnak pi hi a doh rak duh lo. Ziah ti ahcun riantuantu le mirum karlak ah thleidannak a sang tuk. A tha lo. Zeithil poah hi acozah tlangtlaknak tangah a um awk a si ti a pom. (economics kong a si caah um ko seh).

6. Communist ram ah thimnak tha a pe lo. thimnak a um hmanh ah party pakhat nih teinak a hmuh zungzal lai. Zuam cawhtu party kha thimnak hlan ah a hrem hmasa hna lai.

7. Biafunnak: Sehzung, vawlei ti bantuk hi mi cheukhat long nih an ngeih awk a si lo tiah communist pawl nih an pom. Rammi dihlak nih kan ngeih ding a si. Kan nunnak caah! Vawlei, sehzung, le tlunkalnak vialte kha communist acozah tangah an chiah dih, an control dih. An chim bantuk in a tuah khomi ram an um ti lo. An ram zoh thannak ( Soviet Union, China, Vietnam, Laos, North Korea, Cuba).

8. Biafunnak: Acheu rian cu mi pumpak nih an hruai awk a si lo. Acozah hruainak tangah a um awk a si. A cheu rian cu pumpak nih an tuan awk a si ko. Cucaah a cheu ram hi socialist ram tiah an auh hna tikah an duh lo (Sam Buchanan). Social Democracy ram kan si ti hi an duh deuh ve. A dangdang in tial khawh rih a si hnga! Sipuazi mit in tampi a tang rih. Credit: Saya Thawng Za Pum