Sifak santlai lo bawmtu kan minta Kyaw Thu cu an nu he an zam cang

Sifak santlai lo bawmtu kan minta Kyaw Thu cu Macau ah an nu he an zam cang. Ralkap nih heh tiah an ngiar peng. CDM caah 2million na hlut an ti. A celh ti lo i pasal pa ramdang ah a zam. An chimnak ah ralkap nih Kyaw Thu phaisa vialte chuh dih an timhmi zong aa zampi an ti. An riantuannak zung inn le lo pawl tu cu a kuttang minung a ap tak hna. Ralkap nih an ting timi kha a dik lo. Atu tiang cu a him rih.

Relchap, Mipi nun ka khamh hna a ti nak ah amah tu thi lak in an kahmi Hero Zin Min Htet(Kachin). Nihin Kachin ram Myitkyina ah ralkap nih mipi sandahpiahmi an kah hna. Pahnih an thi a dang 4 leng hma an pu. Nihin kah that a tongmi pahnih lakah pakhat cu mino te kum 23 Zin Min Htet a si. Zin Min Htet cu chuahpi unau 3 lakah a hniang bik a si.
Cun fapa fangkhat ngeihchun mi a si fawn.

Dawr ah rian a tuan i hringtu a nu a cawmmi pa fel hawikom ca zongah mitha a si. Nihin sandah an piahnak ah palik le ralkap nih mipi cu an kah hna. Cu ti mipi kah an ton lio ah cun Zin MinHtet nih mipi ka kham hna a ti nak ah amah tu cu a lu ah an kah i a thih hi a si.

Mithat Lainawng ralkap le palik hmai ah thih ngamh in hmai fongmi nusal Sister Rose Ann Nu Tawng. Mithat lainawng palik le ralkap hmai ah thih ngamh in zapi hmai ah kal in a khuk aa bilmi Sister Rose Ann Tawng hi upat lo awk tha lo. Nihin Kachin ram Myitkyina khuapi sandah piahmi hna cu misual lainawng ralkap le palik in harnak an pek hna an bu theh le hrawhhral an timh hna lio ah thih nun ruat loin Sister Rose Ann Tawng cu hmai ah a chuak i a khuk bil bu in palik pawl cu a nawl hna.

Cu ti a tuahmi cu palik nih an hmuh tikah mipi harnak pek ding in a dirmi palik chung in Palik pahnih nih upatnak an rak pek ve i an kutsih buin a hmai lila ah an khuh an i bil ve. Credit: Tluang Ceu Thang