Sianginn rianțuan mi kan za te kan i dinh cun ralkap nih ca chimh an thiam lo

Siibawi an i dinh cun anmah lei in DSMA pawl nih caan tawi chung an rulh khawh lai. Engineer an i dinh cun DSTA in caan tawi chung an rulh khawh lai. Sinain Sianginn rianțuan mi kan za te kan i dinh cun ralkap nih ca chimh an thiam lo. An chimh thiam hmanh ah pa zeizatdah thiam ding in an chimh khawh lai. Mah ca cun Siangcachim a țuan mi kan biapi tuk. Cubantuk thiam in cozah zung dang a țhu i ralkap nih aiawh khawh lo mi rian a tamtuk.

Siibawi le Engineer hi siangcachim tluk in an biapi lo tinak si lo. Kan dihlak kan i tel cun ralkap nih Siibawi, Engineer le Siipin rian,……zeitin kan ai a kan rulh khawh lai. Kan i tel cio ko lai tiah ka zumh ko. Ziah ti cun me a dik lo tiah an purhdah mi hi meekuang a hngak mi siangcachim zeirel lo a si. Covid rai hmanh tuak loin zanțim tiang tuak loin mee cazin tuah in kan țuan mi zeirel lo a si. Cun a phunkip ai cawh mi mipi nih pek mi mee zei a rel lo a si.

Mah campaign hi a donghtiang tuah ko hna usih. A hnu ah thlahlawh kan kaiter lai tiah ruahchannak a kan pek zong ah i tuarh rih ko hna usih. A rau lai lo. A ruah bik ah thla 6 hrawng si ko lai…Mah hi mi zapi caah a biapi tuk. Kan techin fapar ngakchia hna țigphannak he țhanter ka duh lo caah si. Ka zumh ko. Kan za tein kan tuah khawh ko lai. Civil Disobedience, save myanmar, stay at home movement

Biakilh: Mah ca hi kawl ca an țial mi ai tlakning in ka leh mi si. Kan za tein țangrual ți hna usih. Na țih maw ti cun ka țih tuk ve ko. Mah nak in kanmah bantuk in kan fa le chan ah an tuar ve ding mi ka țih deuh. Tuanbia nih a kan fial mi rian tlamtling tein țuan hna usih. Credit: Mercy Meng