Siaherh bia: Tulio boruak le cawlcanghnak

Siaherh bia: Tulio boruak le cawlcanghnak
====================================
Tulio cu kan ram Ralkap uknak dohnak nih mi vialte thinlung a lak dih lio asi. Cucaah kan umnak hmun cio le ka si khawhning cio in chimrel cio le tuahkhawhni tuah i zuam lio caan a si. Asinain mah duhsahlam cio in cawlcangh awk tha a si hnga lo. Kan ti khawhmi le thiammi cio le thazaang fonh in cawlcangh thiam a herh ngaingai.

1. Ramleng in heh tiah kan cawl cio mi lakah biapi ngai pakhat cu Tangkaa kawlpiaknak (Fund Raise) hi a si. Mah hihi a biapi ngaingai mi le hmual a ngai dingmi bawmhchanhnak a si caah thazaang kan chuah awk hrim a si. Asinain i thencheu lo tein kan i funtom thiam a hau. Pumpaak in siseh, hawikom he siseh, a Bu in siseh Online or thiamning cio in tuah cio asi tik ah thiltha tuk a si nain Mipi caah laklawh in um a fawite. Cupin ah duhning rian tei lo zong a um kho mi a si. Cucaah fimkhur deuh tein tawlrel a haumi rian tha a si. Ramchung Ramleng rian tuantu Bu Ramkip cio ah felfai tein kan um awk a si. Ramleng zongah kan mah le ram hoih cio Khrihfabu Komhbu maw Community hruaimi Bu tbk nih tawlrel tha a si hnga. Cucaah fontom khawh i zuam hna usih.

2. Ramchung lei zongah Riantuantu Bu tampi ser lo ah a tha. A felfaimi Bu pakhat tein ser ding a si hnga. Tcnk ah CDM movement in tawlreltu Bu pakhat a um ahcun cucu a tha bik hnga. Kan theihning ah Hakha Khuapi ah CDM Movement Bu, Protest a tuahmi Bu le Khrihfabu hoih hna in tawlreltu um btk in a lang. CDM movement le Protest a tuahmi Bu hna pehtlaihnak felfai tuk in a um kho rih lo. CDM Movement le Protest a tuahmi Bu hi fek tein tanti a hau. Pakhat thawng deuh pakhat der deuh in um awk a tha lo. CDM Movement a thawnkhawhnak hnga biatak in dirpi an hau. Cu lo ahcun an lungdong in an kir phum sual hna i tlang chuak loin Lam canceo ah kan taang than sual lai. Cu btk in Lampi ah chuak in a Au ngammi um lo ahcun cho tantim ah taan a fawi tuk hoi. Cucaah ngol lo tein chuakput in kan kal khawh peng nakhnga kan dihlak tanti hrimhrim a herhmi a si. Cucaah kan Phunning in tangti hna usih. Credit: Jameley V Fambawl