Scientists Pawl Nih Khuaruahhar Taktakmi Vate Pakhat An Hmuhmi Cu A Mak Ko

๐๐ฎ ๐ฅ๐ž ๐๐š ๐“๐ก๐ข๐ฅ๐ซ๐ข ๐š๐ข ๐๐ ๐ž๐ข๐ก๐ค๐ž๐ž๐ฉ๐ฆ๐ข ๐•๐š ๐’๐ฎ๐ง๐ ๐ก๐š๐ซ ๐๐ก๐ฎ๐ง๐ค๐ก๐š๐ญ ๐’๐œ๐ข๐ž๐ง๐ญ๐ข๐ฌ๐ญ๐ฌ ๐ง๐ข๐ก ๐š๐ง ๐‡๐ฆ๐ฎ๐ก
=========================================================
Million pakhat lak hmanh ah a um lai lo, tiin an zumhmi vate a si. Hi vate hi hla a sami vate a si i, nu thilri le pa thilri ai ngeihkeep, tiah scientists nih an chim. Chanchung ah voikhat hmuhtonmi thil sunghar a si, tiah an chim. Carnegie Museum of Natural History i Powdermill Nature Reserve nih an hmuhmi vate vialte hi 800,000 lenglo an si i, a liamcia kum 15 lio ah khan hi bantuk vate phunkhat hi an rak hmuh bal cang. Tutan vate hi khuaruahhar vate an hmuhmi vialte lakah a 5nak a si. โ€œRiantuantu kan dihlak in kan lungthin a cawlcang ngaingai. Science lei in a kong hlathlai kan duh ngaingai. Cun, khatlei ah a um bal thenglo mi vate phunkhat kan hmuhmi ruangah kan lung ai lawm hringhran,โ€ tiin bird banding program manager Annie Lindsay nih CNN ah a chim.

๐‡๐ข ๐›๐š๐ง๐ญ๐ฎ๐ค ๐ฏ๐š๐ญ๐ž ๐œ๐ฎ๐ง๐ ๐š๐ก ๐ณ๐ž๐ข๐๐š๐ก ๐š ๐œ๐š๐ง๐ ? Hi vate hi Rose pangpar tizu tlaak Grosbeak, tiin auh a si. A nu le a pa hi an rong (color) in thleidan an si: a pa hi an thla ah pink rong in ai telhmi a um i, a nu hi cu a engduk rong in ai telh ve. Vate a pum hraap khat lei veve hi an rong ai khat hna lo. Hi an i chuahpimi mi gynandromorphism, tiin an auh. Gyne, timi hi Greek in cun โ€˜nuโ€™ tinak a si i, andro, timi cu โ€˜paโ€™ tinak a si, morph, timi cu โ€˜a phunphunโ€™ tinak a si. Hi vate hi a phun a tlawmtuk mi a si caah, gynandromorphism nih zeitlukin a nunnak ah rian tuan, ti hi scientists nih an theih kho rih lo. โ€œHi kongah zeihmanh theihchap mi kan i ngeih kho rih lo. Nu le pa thilri ai ngeihkeep mi nih hin nu/pa sinak a tuahnak kong hi lai a reltu ding khi a si. A takpum hraap khatlei nu a sinak lei kap ah khin tii (nau) a tii kho a si le si lo kan fiang lo. Asi ah cun, a tangmi hraap khat (pa a sinak lei kap) he direct bakin pehtlaihnak a tuah khawh lai i, tii zong a tii kho ko hnga,โ€ tiin Lindsay nih a chim.

๐™๐ž๐ข๐ญ๐ข๐ง๐๐š๐ก ๐ก๐ข ๐ฏ๐š๐ญ๐ž ๐ก๐ข ๐š๐ง ๐ก๐ฆ๐ฎ๐ก ๐ง๐ข๐ง๐  ๐š ๐ฌ๐ข? Hi vate an hmuh lio caan hi tii an tiit lio caan a si lo caah, nu le va an sinak kong he pehtlaiin a phi kan chuah khawh lo nak hi a si. Reserve pawl nih vate kereek ah digital comera hmete an temhmi rinh hin punghman in vate kong hlathlainak an tuah lio ah an hmuh hna hi a si. Hi vate an hmuhmi hi kum 1 hrawng a si i, a sining tein puitling dirhmun tiang fekcak kho dirhmun ai ngeih ko, tiin an chim.

๐‡๐ข ๐›๐š๐ง๐ญ๐ฎ๐ค ๐ค๐ก๐ฎ๐š๐ซ๐ฎ๐š๐ก๐ก๐š๐ซ ๐ญ๐ก๐ข๐ฅ ๐ก๐ข ๐ณ๐ž๐ข๐ญ๐ข๐ง๐๐š๐ก ๐š ๐ฎ๐ฆ ๐ค๐ก๐š๐ฐ๐ก ๐๐ข๐ง๐  ๐š ๐ฌ๐ข? Gynandromorphy hi a um sitsai lo mi thil a si. Maimomh, aar le ngaikuang hei ti bantuk lawngah a um tawn. Arti pum khat chungah a meet pahnih zeiti a um sual tawn i, cu a meet pahnih zeiti mawi i ai cawhmeih sual caan ah siseh, cun pa cii le nu cii ningcanglo in an i ton sual caan ah khin ciruang (genetic) hi ningcanglo piin a chuak tawn, cu tikah nu le pa thilri le sinak keepin saram a chuakmi an um tawn hi a si, tiin an chim. Lindsay nih cun vate sunghar an hmuhmi cu a tlahmul sample a laak i, a konglam kau chin in dothlai an duh tikah hman dingin a chiahpiak hna. Hi vate he pehtlaiin thawngpang thamdeuh in theih na duh a si ah cun the nature reserve i an website ah zoh khawh a si. Credit: Chelsea Bawi