Sayamah Toe Toe Cu Dalaan Pa Nih A Report Ruangah A Chungkhar He An Tlaih Hna

Toe Toe (Catial Thiam) Le Chungkhar 3 Pawl Dalaan nih Report Ruangah An Tlaih Hna
=====================
Yangon ramthen, Hlaing Tha Yar Township chungah Dalan pakhat nih Media riantuan le catial thiam Toe Toe Ta nih thawngpang a pek pengmi hna ruangah Toe Toe chungkhar le midang minung 4 cu ralhrang phu nih an tlaih hna, tiah thawng theih a si. Rallo kap pawl le palik nih zan ah an luhhnawh hna. Ralhrang phu nih an tlaih hna lio ah hin innchung ah an dihlak in bia an i ruah hna. An tlaihmi hna Ma Toe (Sayamah Toe Toe Ta) a fapa Ngian Lun Ti le hawikom Ti Ha Soe, Sayamah Toe Toe i a tta Ko Ye Nawng an si hna.

Hi kong he petlai in sang chung upa pakhat Dalan nih a report hna caah an tlaihmi hna a si, tiah thawngpang theih a si. An tlaih lio hna ah hin thilri zeimaw pawl zong an tlaih chih tiah, Sayamah Toe Toe Ta hawikom pakhat nih a chim.

Nihin a hnu bik thawng theih ning ahcun Catial thiam Sayamah Toe Toe Ta le chungkhar hna cu Shwepyithar ralhrang sakhaan ah an chiah hna i, kherhlaitnak an tuah cuahmah lio hna an si. Sayamah Toe Toe Ta hi ramchung thawngpang le mah pumpak in thawnglatu a si hlei ah Irrawaddy media zung ah riantuan pakhat a si. Cun, Thanlyin Post Journal le a dangdang media zongah riantuan i, hruaitu lei pakhat a si. Cun, amah pumpak in cauk tete zong a tial i a chuaktu catial thiam pakhat a si, tiah theih a si. Source: Khit Thit Media