Saya Van Tum a titu pawl sin biacah, Saya Van Tum cu Chandeih Lion Bantuk in a raltha mi si

Saya Van Tum a titu pawl sin biacah
===============
Saya Van Tum cu Chandeih Lion Bantuk in a raltha mi si. Pathian a thei taktak mi le a zumhnak a fek mi paoh nih thil hman an tanh, tih an ngei lo. Chandeih Lion bang an raltha. Student visa in USA a ra mi si. USA ah degree sangpipi a la mi si. Thil hman a tanh tukmi si. Amah bantuk mifim le cathiam USA laimi upa chungah thil hman A dirpi ngammi 10 um rih hna sehlaw Hruh tanh in Pu Trump tanhtu pawl Mah tluk hin nan molh hnga lo.

Saya Van Tum amah pumpak Biachia in a volhpamh tu hna cu Rifiozi in ram tha a phan chommi an si. An khawmenh tialmi bantuk khi, An inchunkhar zongah an chimmi bia si. An nu le an pa nih biachia chim khi, Ro ah an chiah tak hna rua.
Pu Trump tanhtu lai mi kan theihmi hna, Tam deuh cu a piangthar lomi, Chungkhar ah buai hmang deuhmi, Va le nih chimh khawh deuh lomi le Nupi le velh a hmang deuhmi Khrifabu ah hna hnok deuh mi le Cathiam lo deuh ngawt an si hna. Credit: NH Ling

Relchap lo cu a pam tuk, Trump Martial Law Le Impeachment; President Trump nih president a tuan hnu in zeitluk indah US politics a thurhhnomh timi hi fiang tein a lang. Vawleicung ram pawl hna caah tlaangpar i meiceu kan si an timi cu fih a nung tuk. Democracy min an i tlaih riangmang hna i, an hrokhrol tuah zalonnak menmen ah an hman. Antifa le BLM pawl nih mipi inn, thilri le federal inn le thilri pawl billion 2 leng an hrawh i, aho hmanh an zai duh lo; peaceful protester tiah an ti hna.

Fir le hramh a tongmi nih taza an cuaimi hna zong Detroit hna ah cun biaceihtu nih sungh a pek chap rih hna. Sualnak tuah khawhnak license pek he aa khat cang. Mipi nih US justice system an i bochan ngam tuk ti lo. An pial tuk cang. Khatlei in Trump vote nan fir hrimhrim tiah Trump voter pawl an chuak i duh lonak an tlanghter. Congress inn pi an buai i an luh hnawh. Democrats pawl cu an cekne tiang runh in an thinhung. An zai kho tuk. Doih thiam hna seh law Trump le a vote tu pawl cu vutcaam le thise men ah an canter men hna lai. Khamnak lam a ummi kip in an kham thluahmah cang hna. Indian high class aa timi lungput an ngei. Tongh khawh dingmi ah an i ruat ti lo. An sual le an palh cuahmah bu zong in right kan ngei ti phun in an zeihmanh a poi lo.

Taluk sunghthoh nu he pehtlaihnak a ngeimi Congress pa zong choih colh ding a si nain atu kha Trump impeachment an tuahmi zuldawitu dingah senate thlahmi pakhat ah Nancy Pelosi nih a telh hoi. Democrats pawl le big big corporation pawl an tang i an tangka thazaang tortor he Trump a siah Republican pawl an doh hna. Facebook hna nih cun election official hna sinah million 500 bak te a pek hna tiah theih a si. Hlat i tazacuai ding si nain a luat hoi ko lai.
Joe Biden le a chungkhar kong hrimhrim cu fih an nung chinchin. President cu a tuan ko cang lai i zeitluk dah mipi caah a tuan khawh te lai cu kan thei lo. A fiangmi cu Obama nih social media lian pawl hna lakah a minung a chiahmi pawl he rian an tuan lai i, US pi cu mirum le mi lian pawl chaak monghnak lei poah a kal ko cang lai.

Republican upa pawl nih le zeihmanh tuah kho loin zai lawng an rian cang lai; mipi a lungfimmi nih an khamh duh hna a si an khamh te hna lsi. Democrats pawl cu tangka rim nih duh poah an chaak a mer cang hna. Mipi caah rian kan tuan an ti ko nain an lungthin ne ahcun mipi an daw taktak lo. Naite buainak ah minung pakhat a chimmi cu, “mipi dawtnak an ngei taktak lo. Thlalang awng in (Congress upa pawl) nih an kan zoh i zeirel loin a kan nihsawh men ko” tiah a ti.

Joe Biden le a fapa hna khi cu mi tha zong an si ko lai. Asinain vice president nawlngeihnak hmang in Ukraine biaceih bawl a rian a phuahter hna; mipi hmai ah phorhlaw ngai in a chim rih; Russian khuabawi nu pakhat sin in 3.5 million an lak; Taluk company in billion zeimawzat an lak; Ukraine in zinaan company ah thiamnak zeihmanh a ngei lomi Hunter Biden a thutter i a tortor in tangka an ruh than. Zeidah an tuahpiak hna i, hi zatzat tangka hi an pek hna? Hi tluk in Democrats lungthinput le sualnak a si komi khi cheukhat nih cun vancung mi hna hmuh in an hmuh peng rih hna. Chaak in hruaimi media pawl lawng a rel khimmi hna nih cun zeitluk chungthu lengnaal an si zia kha an thei kho hna lai lo.

Cun mipi caah rian a tuan taktakmi Trump tu hrawh le hloh an timh. Voihnih bakte impeachment an tuah. Impeachment an tuah hmasami hna kha cu zeitluk in dah Nancy Pelosi a hruh i a molh kha fiang tuk in a lang. Trump nih a thinhun tuk caan ah “stupid” “crazy” a ti tawnmi kha a hmaan tuk. Trump nih a nawlnheihnak hmang in Ukraine president pa namhneh pek in Hunter Biden riantuannak company hlathlainak tuahter a timh tiah impeachment an rak tuah. Ukraine president nih voihnih le voithum tein Trump nih pressure a ka pe hrim lo a ti ko zong a rak duh lo. An tuah i Senate nih an rak thah. Atu hi a voihnihnak an tuah than. Mipi a tuksawh hna tiah sual an puh. Mipi a tuksawh hna ti cu case a sang ngaimi a lo nain a sang lo.

US ah sandahpiah cu a tam tuk. A um peng ko. Asinain Congress inn pi tiang luh i buainak ser kha ahohmanh nih an ruat lem lai lo. Trump zong nih “kan cian lai” Inn pi lei zong kan zawh lai” tiah a chim ko, nain kha tiangtiang kha kan phan lai tiah a ruat lai lo. A hramthok in “law and order” a chim peng i ramchung himvennak bu a dirhkamh bik president zong a si. BLM le Antifa pawl nih an hrolh hna caah a zual khun fawn. Inn kaa bauh an timh i an vun linhsat ah khan minung cu hnulei he hmailei aa mer i mipi theih in a au len. Hi tiang hi kan timhmi a si lo tiah a au hnawh len hna. A bia an ngaih duh ti lo caah zaseh tiah a kut a vo i a chuah tak diam hna. A hnuah cun BLM le antifa pawl zong an i tel len hna ti a si. Cucaah Trump sual an puhmi hi puh khawh cu a si nain amah aa tel lo pinah a bia an lakpiakmi hi a phu lo. An rak kah cia a si caah teng lak lawlaw in kah chih an duh bia si.

Impeachment an tuah hnawh chanmi cu hmailei federal office hrimhrim lut kho ti hlah seh tiah an duh; cun President cu a term a dih hnu zong ah chuncaw funhmi an ngei. Penson lahkhah; thlithup in rungvengtu bu; riantuan piaktu; health insurrance; office herhhai hmannak pawl le a dangdang. An huat tuk ruangah federal covo vialte a siah ram pi nih chuncaw a funh dingmi vialte zong lakpiak dih an timh. Hruh le molh taktak a si. US president tuanbia ah Trump tluk in hodah rian a tuan khomi a um? Mipi nih an i fiang tuk i vote 75 million an pek. A tam tuk. Cucaah a vote an firpiak ruang hmanh ah hi tluk in thinphang in an um cang va si kaw; Senate nih House hliamhhma an nolh chap rih ahcun a fawi lai lo.

Senate ah hin Democrats pawl an thawn cang caah thin a phang pah. Vote 100 chungah cheuthum cheu hnih vote a hau i Republican pawl an i rual lo ahcun dirkamhtu a ngei ti lai lo i a sung lai. Cun taza an cuai lai. Trump zong a lungrethei ko. Lindsey Graham nih cun “caan a tangmi chung i a ziaza nih lai a rel te lai” a ti. Aa sum ngai ve ko. Rev. Franklin Graham zong Trump impeachment vote a thlami Republican upa pahra hna cungah a thinhun ngai. “Ningzak nan si” “ningzak nan si” tiah fak ngai in a zai. “Mah tluk in Trump nih thil tha a tuah lioah fawi tuk in nan leirawi” a ti hna.

A sau cang, Trump nih martial law a hmang lo. A hmang fawn lai lo. Martial law le insurrection Act hmannak hi hmun dang veve ah an si. Asinain hi tiang dirhmun ah an um lo. Presidential puai poah cun ramchung ralkap hman peng si. Obama term 2 naak ah kha 6000 hman an si; Trump ah khan 8000 an si; Biden ah hin a him lo an ti i 25000 hman an timh. An chungkhar hrokhrol si; vote fir si; ralkap zong hi zatzat chiahpiak si; aa miak taktak. US pi cu a hmaikhah ding zong si lo. Credit: Luther Tin Hre