Saya Van Tha Uk nih USA Austrialia um mi laimi cu an thuatbak ko hna hi nan thau dan hi adik lo

Saya Van Tha Uk nih USA Austrialia um mi laimi cu an thuatbak ko hna hi nan thau dan hi adik lo

A tu tan mah bantuk in saya Van Tha Uk nih a chim mi hi ruah ah cun thildik ngai asi ruah awk tlak ngai ngai thil pakhat cu a si’ Atu tan mah bantuk in a mah facebook timeline ah atang lei he pehtlai in a van tial tupa hi’ mifim ngai pakhat asi keimah zong nih personal in ka thei ngaimi le ka hngalh ngaimi laipa pakhat asi. Bia pakhat khat a chim tikah a chim sawhsawh bal lo a bia chim mi pawl hi lak awk tlak le rel awk tlak le i cawntlak lawng te an si hna.

Hmailei ah Pathian tu nih cawisang sehlaw lam hrawi chin ko seh kan miphun le kan ram ca zong ah hman awk tlak Laipa pakhat ah i chuah te seh tizong kan saduh thah cu asi, anih hi Bible siangin kai mi pakhat zong asi hlei ah pafim ngai asi, tukum hi dam tein siangin a kai kho ah cun siangin zong a ka dih piak ding asi caah Pathian tu nih lam hrawi chin ko seh a tang lei ah aum mi pawl hi a mah tial mi cu an si.

 

Kan nih laimi le ramttha phak cangka te thau hram i thok.Khua a rak um lio a rak der bakmi thaizing kiptuh thi hnga ding a rak lo mi kha,ramttha a phak caangka tein nikhat hnu nikhat thau hram ai thok.Laitlang in kal a rak i thawh ah khan pound 100 a si i Austrlia in lai tlang a van kan tlawn lei cu pound 350 bak a si.Eh Ramttha pei si cu kan ei din zong cu an i dang ve cu awh.

Ramttha kan phak le caangka te thau hram kan i thokmi hi a ngaingai te ti ko lo cun sii-kaan ( discipline) kan ngeih lo bia a si.Kan pungsan rawk dih lak tiang kan i thau ter.
Ramttha pei si cu kan ti i mitampi cu thathutnak ah kan hman kan mah ngandamnak ( Exercise) tuah hmanh kan huam ti lo.Kan pungsan cu Christsmas ca an zuat mi vokpi ko khi kan lo.
Ramttha in a rak kan tlawngmi bia an hal tawn hna i zei dah nan i harh bik tiah an chim tambik mi cu Rawl ei le inn-ta toilet kal hi kan i harh bik tiah an ti tawn hna.

Credit:Van Tha Uk

admin

Leave a Reply

Your email address will not be published. Required fields are marked *

error: Content is protected !!