Satan Party ah nan itel ve sual lai tihi ka thinphang tawn.

Abortion le Same-sex marriage..! Bible ah Ceremonial laws, Civil laws, Moral laws tiah ṭhen thum in ṭhen asi. Ceremonial laws le Civil laws hi cu caan le chan nih a kalpining in aa thleng lengmangmi an si. Atu kan chan zongah kan hmanmi a um i kan hmanlomi zong tampi an um. Asinain Moral laws cu zungzal in a hmunmi vawlei ser hramthok in vawlei dongh tiang hman dingmi asi. Vawlei a hmunh chung kan zulh hnga dingmi asi. Thihnak le nunnak biaceihnak zong aa telmi asi. Hihna pathum hi caan ka ngeih tikah fiangtein ka ṭial ṭhan te lai.
Abortion le Same-sex marriage hi Moral laws thinlung duhnak ziaza kong he aa pehtlaimi nawlbia asi. Jesuh Khrih nih nawlbia a hlaw lo, a tlinter pin ah an kan cawnpiak chap. Paul zong nih a nolh chih! Moral laws hi Bawipa Pathian nih daantatpengmi le harsatnak fak taktak in a tlungtermi thil an si. Zeicahtiah Bawipa nawlbia a dohmi cu Pathian ral asi. Cucu Satan nih a rak doh hmasa. Bawipa nawlbia doh loin sualnak ah kan tla kho ko. Asinain ngaihthiam khawh kan si. Bawipa nawlbia doh chung paoh cu sualnak ngaihthiamnak a um lo. Zeicatiah sualngaihchihnak a um lo. Cucaah daantatnak le rawhnak le thihnak asi ko.
Abortion le Same-sex marriage a tuahmi hna minung khi Pathian muisamkeng in sermi an si. Asinan Pathian ral an si. Pathian fale nih an minung cu kan dawt hna awk le kan zohkhenh hna awk le kan hawikomh hna awk asi ko. Cun an sualnak an ingaihchihnak hnga rian ṭuanvo kan ngei. Asinain an nunzia kan icawn awk asilo. Pathian fale nihcun Bawipa bia cu kan doh awk asilo. A bia kan dirpi awk asi. Minung kan dawt hna awk asi. Atu cu minung kan dirpi hna i Abia kan hlawt! Na fale kha abortion le same-sex marriage tuah kan onh hna, nanmah duhthimnak asi tiah ti law, Bawipa nawlbia na doh asi. Pathian ral na si. Asinain na fale na onh hna lo buin an tuah ahcun an sualnak na ngaihthiam hna i an teikhawh i an kaltaak khawh nakhnga na cawnpiak hna awk asi.
US ah Pathian duhlomi abortion le Same-sex marriage a tuahmi an tampi ko lai. Asinain rampi nih tuah onh hi sual asi. Bawipa bia doh asi. US ram hi Pathian ral asi. Asinain tuah onh loin minung nih an tuah ahcun US ram hi Pathian ral si loin minung kha Pathian ral an si. US ram chungah kan um caah kan umnak ram rawh dingin le thih cu kan dirpi hi kan ithim awk asilo. Na inn mei nih a kangh ahcun innchung ah feltein le ralṭha tein le fimtein na um zongah na him lai lo. Mei nih an hliam ko lai. Nangmah na tlik khawh sual hmanhah na fale cu ahliam ko hna lai. Nan luat dih sual hmanh ah homeless nan si ko lai. Bawipa nawlbia kan doh chung paoh cu “Zawtfahnak, harsatnak, ithahnak, ikahnak, thlichia, lihnih, meikhanh, mahlemah ithah tibantuk” kan ton thluahmah ko lai. Kan tuahmi cungin a tlungmi le kan intuarmi Pathian biaceihnak asi.
Adonghnak ahcun kan dawpmi thli in zawtnak a tlungte lai i oxygen aa cawk khomi lawng hi an him te lai. Atu man lo tein na nunnak caah thli thiang na dawpmi hi Bawipa sin ah ilawm. A nawlbia ngai ko. A duhnak tuah izuam. A bia dirpi ko. Cun lawmnak in thangṭhat zungzal. Nannih cu Bawipa bia doh dingah nan itlaak hrimhrim rih lo. Leidip nan si. Satan hmanh a sung! Nan tuhman theipar tampi nan zun te lai. “Nan sualnak nan ingaihchih lo ahcun” Zeicahtiah Bawipa bia cu ṭhihpheihnak le capo bantuk asilo “BIATAK” asi. Satan Party ah nan itel ve sual lai tihi ka thinphang tawn. Credit; James Vanneilian