Sangau Khuabawi Pa Nih Kyaw Kyaw Nu Bia Lehnak A Vun Tuah Mi Hi

Kan miphun hawi a simi kan unau Kyaw Kyaw a thihnak kongah a phunphun in bia a chuak. Chinmi tampi zong lungfahnak an langhter cio. YLA zong nih cathanh tiang an vun chuah phah. Hringtu a nu nih a fapa thihnak kongah Sangau khuami sinah a lungnuamh lonak a vun phuan ve. Cun, Kyaw Kyaw nu nih Sangau khuabawi pa le YLA President nih an vun ka chawnh a timi kongah Sangau Khua Bawi pa nih Kyaw Kyaw nu bia cu lehnak a vun tuah ve.

Sangau Khuabawi pa nih phone a vun ka chawn tiah Kyaw Kyaw nu nih a timi hi, amah nih khuabawi pa chawnh ka duh a ti caah ka va chuak i kan i chawnmi a si tiah Khuabawi pa nih a chim. Cun phone kan i chawnh lio ah ka fapa hi zeitindah a thih ning a si tiah a ka hal i, zeihmanh ka thei lo tiah ka leh tiah a chim.

Cuti kan i chawn lio ahhin a ruak Saiha lei phurhnak kongah zeihmanh a chimmi a um lo. An khuami tu nih kan lak lai an ti nain lak ko uh kan ti hna i, an la hlei lo. Cuti an lak lo tikah le i hunh peng awk a tthat lo caah Sangau khua nungak tlangval nih ttha tein thlan an cawhpiak i an vui. Tu ah a nu nih phun dang piin bia a vun chim tikah lung a nuam lo ngai tiah Sangau khuabawi pa nih a lungnuamh lonak cu a chim ve.