Sangau Khua YLA Nih Kan Upa A Damlo Buin Nan Tukvelh, Tichung Nan Luhter

Sangau Khua YLA Nih Kan Upa A Damlo Buin Nan Tukvelh, Tichung Nan Luhter
==========================
Sangau khua YLA nih kan Upa a damlo buin nan tukvelh, Tichung nan luhter hnu in a thihnak ruahah YLA Head quarter nih Ca nan rakthlak mi reltik ah Lung a tling lo i, zumh awk tlak zong a si lo! 1. Nan tlukvelh mi kan U pa hi a thih cang caah Biahal awk a tha tilo ti fiang tein nan theih caah nan mah YLA sualnak le palhnak umlo bantuk in ca nan tial!

2. Khua lei in hringtu a Nu nih Mithipa a ruak hi kan phunpiak rih hlah uh tiah thawngthanhnak an tuah ko hna nain, Mithi ruah cu a rannak in nan phum! 3. YLA Head – Quarter nan ca thlak mi chung ah Thihnak a tualtu Innchungkhar hna nan ngeihchiat pinak le nan Tukvelh nak ruang ah ngeihchiat pinak ca tlangkhat te hmanh nan telhlo mi hi khuaruah har ngaingai cu nan si!

4. Mithiruak a rannak in nan phum mi hi Medical Check up an tuah tel sual hna lai ti maw nan phan ti hi ruah awk a um hrimhrim! 5. Nan mah YLA Nih nan i thawh i Kan Mithi pa hi (Hearts- attack) in a thi tiah nan mah duh in bia chak nak nan tuah! Siibawi pawl nih Mithi pa hi Lungthat lonak lei zawtnak (Herzinsuffizient) a ngei ti mi khuaika Advident (Diagnose) dah nan ngeih?

6. Kum 5 te lawng a umnak Sangau Innchungkhar nih hin thihnak a tong mi Pa hi an mah innchungkhar khat bantuk in cun an dawtlo hrimhrim ti cu a fiang i, a thihnak kong ah hin biatak tein tan an la duh lai ti zumh a um hrimhrim lo! Credit: Daniel Rum Hnin