Sang Hre: Teinak, Hlawhtlinnak Na Hmuh Khawhnak Dingah Zeidah Na Tuah?

(Success)- teinak, hlawhtlinnak na hmuh khawh nak dingah zei dah na tuah? Na thlen a chuak bal maw? Lung rethei taktak in khua tuak tan in na um bal maw? Intuarnak zei tel na ngeih mi a um cang maw? Haa cang rial bu le mitthli tla buin zuamnak hna na ngei bal cang maw? Chawva lei le cacawn fimthiamnak lei hlawhtlin na duh taktak ahcun na haa cang rial bu le a lam kip in intuarnak na tem hmasa hrim a hau lai.

Mah pa hi vawilei pi nih a min kan theih hlan ah a rak tuar ing ngai ta ve. Journalism a cawng i Degree a lak lai te subject 2 ai duh ah a ngol diam. Lai tuak in tuak ahcun a pam kho taktak khi a si. Hollywood ah ka lut lai tiah biakhiahnak a tuah. Ai zuam len nain a lut kho colh ti lo. Cucaah, thilri thial (furniture removal) rian hna a tuan ta. Cun, El Pollo Loco (The Crazy Chicken) ti mi Restaurant ah customer lemnak an tuah mi ar thil thuam (chicken mascot) ai hrut le ni lin sa taktak 42.2 F lak ah El Pollo Loco sign an tleih ter. Cu bantuk lam bi tein a lut ko nain ai zuam ai zuam le ni hin ni ahcun heavyweight Hollywood star minthang Brad Pitt tiah zapi nih kan theih dih.Hling lak na kal hnasa lo cun pangpar lam hna zulh colh nai timh ahcun lam phok zulh a duh mi minung na si kha mah tein i hngalh khawh a si. Credit: Sang Hre

Leave a Reply

Your email address will not be published. Required fields are marked *