Same-sex marriage hi sual asi! Abortion Hi Sual Asi.

Abortion hi sual asi, Same-sex marriage hi sual asi!

Minung nunnak hi kan thi chungah a um i, nu le pa Ci an iton bak in nunnak mipum dangah aa sermi asi. Nangmah Ci lawng nih nunnak dang aser kho lo. Cun Ci aa khatmi pahnih nih nunnak dang aser kho lo. Ci aa khatlomi in nunnak mipum dang sernak le karhnak dingah Bawipa nih a ser hnawhchanmi asi. Cucaah Ci aa khat lomi aa ton tikah nunnak mipum dang aser caah cu nunnak a thatmi paoh cu lainawng an si. Lainawn le mithah cu sual asi. Sual tuah cu dirpi awk, thapek awk le tuah awk ah Jesuh Khrih zumtu nihcun kan hrial awk asi.

Marriage (ṭhitum) timi sullam hi Ci aa khatlomi “nu Ci le pa Ci” iton i nunnak mipum dang “fahrinnak” dingah Bawipa nih a sermi asi. Aa khatmi Ci caah Pathian nih a sermi asilo. Cucaah Marriage hi Ci aa khatmi nih an hman ahcun Bawipa bia he aa kalhmi asi. Lentecelhnak le inuamhnak caah Marriage hi sermi purpose (tinhmi) asilo. Cucaah tha na pek, na dirkamh i na tuah ahcun sual asi. Pathian bia na doh i Pathian ral na si.

Satan cu Pathian bia kha a dohmi asi. Pathian bia ralchanh in bia a chimmi asi. Pathian nih araang ti ahcun, Satan nih a nak ati. Pathian nih a ṭha ati ahcun, Satan nih a ṭha lo, a poilo a ti. Pathian nih nunnak asi a ti ahcun Satan nih asi lo a ti. Eden dum ah Pathian nih ei hlah na thi lai ati, Satan nihcun ei ko na thi lai lo ati.

Abortion le Same-sex marriage hi Pathain nih “tuah hlah u, ka duhlomi asi, fihnung ṭeihfiak asi a ti” nain Satan nihcun “chantiluan asi ko cuh! An tuah ciomi asi tuah ko! Dirpi ko, thape ko! A poilo” tiah Satan nih an ti. Satan nih vawlei fimnak le rumnak thluachuah tampi an pek ko lai. Zeicahtiah tinhmi angei. Nangmah thawngin midang zong na lem ve khawh nak hnga!

Nang cu vawlei ah duhthimnak na ngeih caah na duhthimnak hi thilṭha lei ah na thim ahcun Pathian lung na lawmhter ko lai. Asinain thil ṭhalo lei Pathian duhlomi ah naa thim ahcun thihnak nih an phak ko lai. Zeipoah naa thim khawh dih ko. Nangmah nawl asi nain Bawipa tu nih na chimmi le na tuahmi kip ah biaceihnak tu na ing te lai.

Pathian fale cu Pathian aiawh in biachimmi kan si caah “BIATAK le DINNAK” cu thih hlan lo a chim zungzal dingmi kan si. Minung nih an ilak pek lak lo pek ah! Kan rian cu chim asi. Phuan asi! Theihter le hngalhter asi! Thlaici ṭha cu khoikaa paoh ah a rem ah siseh, a rem lo ah siseh a vorh dingmi kan si. Caanṭha le hmunhma ṭha kawl aherh lo. A theipar tertu cu Pathian asi. Pathian nih minung a dawt, sualnak a fuat. Cubantukcun sualnak hi kan dohmi asi. Minung hi asi lo. Satan tu asi. Satan nih rul chungah aa hrawlh i Eve a hlen bantukin na chungah aa hrawlhmi khuachia kha chuah seh ti kan duh! Na taksa le thinlung nuamtein an chiah men lai nain na “thlarau” thah a timh!

Cucaah Sual asi ti na hngalh i, BIATAK na theih cang hnucun Pathian hmai ah silhnalh awk a ṭha ti lo. Na sualnak naa ngaihchih dah ti lo ahcun..! Credit: James Vanneilian

Leave a Reply

Your email address will not be published. Required fields are marked *