Salai Van Lian Thang: Tulio kan hmanthlak hi kan ifianning aa dang ngai cio ko rua

Tulio kan hmanthlak hi kan ifianning aa dang ngai cio ko rua, saya Biakku pa. Biaknak leiin a zoh zia ka thiam ve lo nain ramkhel leiin cun ti hin an hmuhning asi rua ka ti. “Populist nationalism or right-wing populism” timi phun an ziaza muisam cawlcangh alanghning hi phun 5 (five characteristics) a um, tiah an ti. 1nk anti-globalization, an si. 2nk anti-institutions, an si. 3nk anti-elites, an si. 4nk anti-establishment, an si. 5nk anti-immigrants, an si. President Trump hi political scientist tampi nih “right-wing populism or populist leader” phun deuhah an chiahmi asi. Cu hna pawl kalning cu zaraan mipi “common people” kha kei nih zawn kan ruahbik hna, kei nih kan dawtbik hna, ram le miphun hi kei nih ka dawtbik (MAGA) tiah kapkhat leiah aupi i kapkhat leiah a cunglei phun 5 khi ataih hna, a ngiar hna, a doh hna, a thuat hna i sa le ralah an cang hna. Tikah populist leader nih cun dotu le ngiartu kha tampi a ngei ton hna. “The ordinary peoples against the elites” timi concept kha an kalpi tawn.

Populist leader nganpi pakhat nih “the elites, institutions, media, the Establishment” pawl angiar piak hna, a thuat piak hna, a phomh piak hna tikah cu hna pawl chan saupi pennak le lianhnak a rak ningmi hna, a simhmi hna le limhang mithmai dignity ti hal in a rak hal vemi zaraan mipi (common people) cu an ilawm ngaingai hna i, mah populist leader kha an thlavang hauhtu, humhaktu le khamhtu bawi tluk tiang khin a ruatmi an um. Cucaah tutan U.S.A thimnak ah cu bantuk pa a sungh tikah zaraan mipi (common people) ah aa ruatmi hna nih “the elites” hna tangah kan tla tthan cang lai i a kan humhaktu le zawnruattu bawipa a um ti lai lo tiah an ruah tikah an lung afak, an ngaih a chia i, an thin alin. Cu ruangah thimnak adih in mah bantuk lungtlin lonak le hnahnawh buainak tampi a hun chuahnak cu a hun si in a lang, populist leader pa zong nih cun an taw a sawh fon hna caah asi. Populist leader nih cun a mipi “common people” le “the elites” hna kar pehtlaihnak hri kha chahput le cahter ai zuam tawn.

Cucaah Capitol Building khuaci a muihtertu (domestic terrorists timi pawl) zong kha Populist leader nih cun “we love you; you’re very special” le “great patriots” tiah a kawh ko hna i, Capitol Building innpi chungah kan thi lai maw kan nung lai tiah thinphang thlalau le awlokchong in a ummi Senator le Congressperson (the elites pawl) an dirhmun tu kha cu zawn an ruahpiak kho hna lo. Trump hi Capitol Building an soksam lio kha TV in nuam ngai in zoh dawh asi. Tikah “the elites” timi pawl an thin hunnak zong cu a cungah a tle in a hun tle i a alh in a alh ve ko rua. Senate Republican Leader Mitch Mc Connell hrim a thin a hung tuk, tiah an chim. Mah Congress innpi chungah tlikzam a tongmi Senators le Congressman le Congresswoman nih cun mah thil an tonmi kha cu an nunchung an philh kho ti men lai lo. Populist leader pa hi U.S presidents: Woodrow Wilson le Roosevelt te hna nih harsa ngaiin an sermi vawlei ralpi dih hnu tuni New Word Order, UNO te hna, world institutions le international norms te hna hi zei a rel theo hna lo. Paris Agreement in a chuak, WHO le Human Rights Council tbk a chuahtak (anti-globalization).

Muslim Ban le Refugee Admission a duhlomi te hna zong hi “populist nationalism” ziaza kha asi ko. Hi pawl hi tuni Western ram tampi ah “anti-immigrants” party an si hna, 2016 Trump a kai hnu in hi pawl hi nitlakram ah tivapi lian bangin an hun lian, ramkip ah mipeem le ralzaam nih celh an si hna lo. Cold War ah USA nih buan a copimi le American Century nih a dirpimi “values of western democracy” muru le tiluan tampi a kalh i a sukden tikah media institution he an hun iral, academic institutions he an ido, scholars le intellectuals tampi he an iphomh, politicians le journalists he an ideng, amah Republicans party chung hruaitu lila tampi he zong an i seh. Democratic institutions upat a hngalh lo tikah Capitol Building tiang “storm” an hun tuah ko i khuaci a hun muihter. Cucaah Trump hi cu USA president dang he an i khat hrimhrim lo i amah bantuk USA President an um ti lai lo an tinak zong cu asi ton. Hi ruangah Democrats leiin kum upabik le senior bik asimi, USA Republican Presidents tampi he a rak tuanti bal cangmi, tulio House Majority Leader Steny H. Hoyer nih nizan ah ti hin a chim, “I’ve served with Ronald Reagan, with George H.W. Bush and George Bush. I have respect for all of those presidents. They cared about our country. They honored our Constitution. And they executed the duties of their office consistent with the Constitution and laws of our country. That is not true of this president. And therefore, he ought to be removed”, tiah ati.

President Trump cu a hmasa Republican Presidents pawl he an i khat hna lo, khuaruahhar asinak khi a tam ko. Cucaah voi hnih tiang “impeachment” a ton phahnak zong hi asi ko rua, USA tuanbia ah a um bal lomi tialtu a hun si. Amah leiin a dir tawnmi Senate Majority Leader Mitch Mc Connell tiang a thin a hunter tuk tikah Senate ah “convict” zong hi a huah te khawh menmi asi (Republican Senators 17 nih an vote kho menmi asi). Pelosi le Hoyer te hna chanah Republican Presidents tampi an rak um hmasa bal ko i hi bantuk hi an rak tong bal lo. Anih hi cu “populist nationalism” asi caah a hram thawk tein the elites, the Establishment, institutions, globalism, media, politicians, political parties, journalists, democratic norms and values, immigrants tbk. he aa do colhmi le aa ngiar colhmi kha asi caah a donghnak ah mah tiangin a mual a hun phonak hi asi ko rua. Principles of Democracy ttha tein a dirpimi le a upatmi hna ca ahcun: popular sovereignty cohlan duhlo te hna, “mob violence” hman te hna, court biakhiahnak hmaizah upatnak hngalh lo te hna, democratic election result le sunghnak cohlan duh lo te hna, democratically elected leaders pawl hrocer le tlerhkhon hman te hna, a peaceful transition of power thahrum hmangin kham itimh te hna, democratic institution hna “storm” tuah te hna hi cu huat atlai ngaingai ko i duh a nung lo ngai ko.

Tulio cu akut ah thi aa nehmi bantuk khi asi ve ko rua. Trumpism (Trump’s ideology le style le policy) hi cu “asi kho lo” tiah American cu mifim an si caah Biden sining an theih tuk ko nain term khat a tuan in a rannak in an hun thlen colhnak nih American mipi an fim zia khi a langhter ngaingai in kei cu ka thei. Chinmi hi cu “the common peoples against the elites” timi zonah a ummi kan si ve awk asi lo i, “populist nationalism against the immigrants” timi zonah a ummi kan si awk asi, populist nationalism cu mipeem le ralzaam caah tihnungmi “anti-immigrants” an si caah Europe ram hna le North America ramah a phanmi hna poah i kan ral an si awk asi ko. Kawlram i dohthlennak a tuahmi hna zong nih “populist nationalism or right-wing populism” cu kan doh awk le kan hrial awk asi ko. Sualnak man cu mawh-lak (accountability) a haumi asi ton. Sualnak a tuahmi nih upadi ningin dandat loin an luat ahcun U.S.A kha Kawlram bantuk ah a cang ve sual lai. Injustice anywhere is a threat to justice everywhere (Martin Luther King Jr.). Capitol Building hna “storm” tuah cu sualnak lian ngaingaimi asi. Credit: Salai Van Lian Thang