Salai Van Dawt Ceu Le Chungkhar Nih Hakha Le Delhi Ah Miharsa Dawng 46 An Bawmh Hna.

Salai Van Dawt Ceu Le Chungkhar Nih Hakha Le Delhi Ah Miharsa Dawng 46 An Bawmh Hna.
====================

Riansung kan ilim (Mission accomplished): Hakha lei ah ka nau hniang (ka farnu) le a hawinu nih khualu khuataw cul in, a harsa deuhmi (the needy) pawl dawng 34 le Delhi, India lei ah kan hawikom Dawt Cung tolrelpinak thawngin dawng 12 β€” a dihlak in dawng 46 (46 family) sin ah bawmhnak an va pek khawh hna. An retheihnak cungah kan ilawm tuk hringhran.

Bawmhnak chimtlaak lo te, an va pek hna lio ahhin, a cheukhat cu an i lawmh tuk ah, an mitthli a tla, thla an kan campiak lio video hna kan hmuh tikah kanmah hrimhrim zong kan ilawm tuk ve. (An hmanthlaak le video pawl cu Fb ah post phung hrimhrim zong asi lo ii, kan post lo.)

Kan nupa in, tukum chungah riansung bik ah kan i ruahmi rian cu, Bawipa thawngin kan vun i lim. Kan ti-khawhmi le kan banh khawh tawk tein, thil ttha tuah kho ve dingin, Bawipa nih caan ttha (chance) a pekmi rak si hi, a sunglawi tuk hringhrin. β€œIt take time to practice generosity, but being generous is the best of our time.”

Relchap duhmi caah, A luancia kum zeimawzat ah Khrih dawtnak ttha tein ka rak pemhkaa ahhin: thil hme tete cung ii, ka thinlungput ning khan, Bawipa nih aa ka remh hmasa, aa ka thlen hmasa. Dawr/market ah ka kal ii, dawr chung thil namphurhnak (shopping cart) ka hmanmi kha, kai lim dih hnu ah, a chiahnak ding an tuahmi hmun ah, ttha tein va chiah tthan hna khi asi. Duh poah in, motor park nak (parking lot) ah hei chiah khi asi lo.

Kan hnawm (trash) hlawnh dingah ka kal. Ka kalnak lam/lamkam ah, zeimaw hnawm (beer dur, achuzi dur, zei dang hnawm) ka hmuh ahcun β€” cucu hei char pah in, hnawn an hlawnhnak pung ah, hei hlawnh hna khi asi. Bawipa dawtnak vun pemhkaa (phundang in chim ahcun pianthar kaa) ahkhin: Bawipa nih thil ngan pipi le kan tuah khawh lo dingmi, thil in aa kan remh hmasa lo. Kan khuaruahnak, kan lungput le kan chia-ttha thleidannak kha, thil hme tete chung khin, Bawipa nih aa kan remh hmasa tawn. Credit: Salai Van D Ceu