Salai Van Cung Ceu An Tlaih Hnu Ah A Thawngtheih Khawh Asi Ti Lo!

Salai Van Cung Ceu An Tlaih Hnu Ah A Thawngtheih Khawh Asi Ti Lo!
========
Kumthar zing Hakha ah an tlaih mi hna chung in Salai Van Cung Ceu cu atu tiang an thlah lo hlei ah a konglam theih asi ti lo tiah kan theih.

Naihniam mi pakhat nih ” Kumthar zing ah amah he an tlaih khat mi hna cu a zaanlei ah an thlah than hna nain a nih tu cu atu tiang a thawngpang theih asi lo. Salai Van Cung Ceu hi nu le pa le chungkhar cawmtu Motor khal asi, CDF zong asi lo tiah ” The Federal Times ah achim.

Hawikom pakhat nih ” sualnak samfa tia te hmanhh a ngei lo mi an tlaih i a thawngpang theih asi lo mi hi a nun himnak caah thin cu a phang ngai ko tiah ” The Federal Times ah achim. Credit: The Federal Times

KNU Brigade 5 Nih Kum Khat Chungah Ralhrang 1300 Leng An Thah Hna; KNU kuttabg KNLA Brigade 5 hmunhma chungah 2021 ah a cangmi kahdohnak ah ralhrang 1364 an thi 1313 hliam an tuar tiah KNLA Brigade 5 nih thawng an thanh.

Kumkhat chung ah 2692 kahdohnak achuak i KNLA Brigade 5 sinah a lutmi hna ralhrang hi 47 an si. Kahdohnak ah KNLA lei in 30 an nunnak liam i 107 hliam an tuar, nunnak liammi hna lak ah Tat-Khuai-Hmu 1, Duh-Tat-Khuai-Hmu 1, Bo 2, Tatkyatkyi 2 le Tatkyat 3 an i tel.

2021 kumkhat chung kahdohnak ah ralhrang ruangah khuami mizapi 12 an thi, 42 hliam an tuar, ralkian in 80000 leng an um, vanlawng in kah ruangah sianginn 2 le sii-inn pakhat aa rawk.

Namkanh Kahdohnak Ah Ralhrang 5 Tluk Thi, Khuami Mizapi 6 Hliam Tuar; Shan ramkulh, Namkanh khua pawngah ralhrang le TNLA nihin January 5 zaanlei suimilam 3 hrawngah kahdohnak achuak i ralhrang 5 tluk an thi tiah theih asi.

Zing suimilam 8:30AM hrawngah TNLA khuachung ah an lut, zaanlei ah kahdohnak afak, ralhrang 5 hrawng an thi, leng chuah ngam asi lo caah fianghliang in theih asi lo, lamcung ah ralhrang thi mi hmuh asi tiah khuami pakhat nih KTM ah achim.

Tuzing ah TNLA ralkap khuachung an luh caah ralhrang nih hriamngan in kahthlorh in an kah i kum 2 ngakchia telh in mizapi 6 hliam an tuar. Nizaan Namkhan dawr ah ngunkhuai halmi TNLA ralkap 2 meithal in kahthah an si hnu ah nihin ah kahdohnak achuah hi asi tiah khuami nih an chim nain KNLA nih thawngfiang an thanhmi cu a um rih lo.

Tonzang khuachung ah motor ai let ralhrang pakhat le ngakchia pakhat thi. Chin ramkulh, Tonzang khuachung ah nizaan tihni January 3 ah ralhrang nih khalhmi Private motor cu lamkam pe 200 tluk ah a tla i tangcheu kai ding nu ngakchia pakhat a nunnak a liam. Ngakchia nute hi ahmun ah a nunnak aliam colh, ralhrang tu hi cu sii-inn phanh pi hnu ah a nunnak aliam. Ngakchia nute hi ralhrang hna fa si dawh si.

CNDF Nih An Hmanhmi Bomb I Lamh In Ralhrang Hliammi An Tam. Falam peng Tibual riakbuk ah a ummi ralhrang pawl cu tuzing suimilam 10 hrawngah hmunhma thianhhlimhnak an tuah lio ah CNDF nih bomb an hmanh mi nih a puah hna i, ralhrang pakhat cu athi lai tiah zumh asi hlei ah hliammi zong an um.

Ralhrang pawl nih pawngkam cu hriamngan le meithal in an kah thluahmah. Tuzaanlei ah hliammi phurh dingin Tibual riahbuk kiangkap cu Helicopter in an vel tiah CNO nih cathanh an chuah.