Salai lungthli tum hi a nu le pa nih chim hrin hna seh a faak ko

Salai lungthli tum hi a nu le pa nih chim hrin hna seh a faak ko

Salai lungthlitum kha a chungkhat tal nih nunchim in cawnpiak ulaw tha lo maw? Minung pumpak thlir ahmanmi hrim hi a tha lo.Nu hmanh kan hnatla ti loh hih.A pate Bawituan nolh lai lo phang in pumpak in minthlir in party huat nak dingah a hman hih.

A chungkhat nih nan sikcak lo hmanh le a umnak Buu tal nih rak cawn piak uh.Mi luala lole NLD tanhmi nih a ca post ah comments nan pek pah le ahnarchia puar tikah a luan cang hih.. Website nei pawl zong nih a ca post ti hlah uhan post hmanh sile group admins nih kham dih uh.Group bylaw nan neih ko cun.A tang le ta zong hi relchap ko uh.

Pathian hi, duhtawk le diriam tein ,biakinn chung ah, kan kut kan thliar kan mit kan ni chinh, thangthatnak hla kan sa i Pathain kan biak.Inn ah tah, nu lepa nawl kan ngai maw, kan rian tuannak le kan umkal nak ah tah ;Pathain tih zah buu in kan nunnak kan hmang maw.

Civui kan tuah, thutden sang ah kan thu, cantha cansunglawi kan hmu kan ti, hla sak thiam awtha, awchuahthiam awdawh kan cah hna, puai cu hlunghlai ngai in kan tuah, Pathain thawng in asi kan ti. Pathian nih nan pui hna hi ka fih ati hoi fawn tung. Inn tha chung ah khua kan sa, mawtaw thatha kan ni cit kho, catang sang kan kai, rian tha kan tlai, minih upatmi bawi rian kan tuan. Pathian thlawchuah kan hmu, Pathain nih a kan cawi san, kan puai a tluang kan ti. Pathian nih ka fih ka duhmi cu dinnak asi ati than. Pathian nih,Nan puai hna cu ka huat hna i zei ah ka rel hna lo, Nan sunhsakmi nan pumhnak hna cu ka duh hna lo.

Nannih nih nan raithawinak hna le nan thawhlawm hna kha nan ka pek tikah ka cohlang hna lai lo, Raithawinak ca i nan hmanmi saṭil hna zong kha ka cohlang duh hna lai lo. Tiah Pathain nih Amos 5 ah a chim. Careltu hoikom vialte hna, Pathain nih kan sin in a duh mi hi, pui le lam, thangthatnak le kan pekchanh mi thawhlawm hna hi an rak si lo ti cu a fiang . Pathian nih kan sin in a duhmi cu, sual ngeihchihnak le dinnak asi. A huat tuk mi hi dinlonak le a mah asilomi poh biak hi asi ko.

Salai Satan le siasale milem a biami Judah siangpahrang Manasseh cu sual ngeihchihnak he Pathain sin ah toidornak he thla a cam tik ah ;Pathain nih, a thlacam a theih piak, zangfahnak a ngeih i , Jerusalem ah siangpahrang atuan ter than. Dawtu pa sin in a zam i, vawlei pumsaduhnak chung ah avak vai cang mi fapa tlau pa cu, a lung a van fim i, cun atho i a pa sin ah a kir than. Apa nih lunglawm tein arak don i cun pui a tuah piak tiah, Bible nih akan cawn piak . Pathian nih aduh mi cu, Pathain sin le kan minung hoi sin ah kan sual, kan palhnak i ngeih chih i,Pathain tihzah mitmai zoh bu in dinnak tuah hi asi tiah ka bia ka donh ter. Pathian nih Careltu vialte thlawchuah in pe cio ko hna seh.

admin

Leave a Reply

Your email address will not be published. Required fields are marked *

error: Content is protected !!