Salai Lairamthang Nih Chin Mino Hna Sin Biacah

Chin Mino Hna Sin Biacah
**************************
Chin mino hna ralkap cozah dohnak caan tha nan ngeih hi nan iuar ding a si. Nan ngeihmi caan tha kha raltha tein hmai nawr khawh i zuam chih uh. Dothlennak nih pasaltha le nusaltha a hrin tawn hna. kan miphun chung in bochan thlak pasaltha le nusaltha nan chuak lai. Kan zoh thla tuk hna. Chin mino hna le sianghleirun siangakchia hna nih mah dothlennak hi hmaisuang in nawl hram uh. A dihdongh tiang ngol loin pehzulh khawh izuam uh, nanmah chan i cozah nan thlen khawh ahcun hmailei fanau hna le techinfapar, (next generation) hna nih a theipar an zuun lai.

Nan ule chan ah kan si khawh tawk kan i zuam, thisen tampi, nunnak tampi, hremnak le temturanak phun tampi kan tuar nain kan hlawh a tling kho lo, nanmah chan ah kan hlawhtling hram seh. Kanmah chan i kan hlawh tlin lo caah nanmah chan ah nan tuar, nanmah chan i nan hlawhtlin lo ahcun nan naule, nan fale chan nih an tuar te lai. Ram ca le miphun caah tuanbia dawh tial khawh izuam hram uh. Chin mino hna upatnak le bochannak tampi he, Salai Lairamthang 88 Generation

Relchap, Ralkap cozah nih Aung San Suu Kyi le President U Win Myint cu an sualnak an kawl chom hna le tazacuai dingah a hmuh an ser chom. U Win Myint cu election campaign lio ah NLD party pawl motor in a chokmi pawl nan nu he nan kut nan zoh hna ti ruangah သဘာဝဘေးအန္တရာယ်ဆိုင်ရာ စီမံခန့်ခွဲမှုဥပဒေပုဒ်မ ၂၅ in taza an cuai. Aung San Suu Kyi zong a sualnak an kawl chom i, zeidang sualnak an hmuh khawh lo caah an umnak inn security pawl nih an hmanmi inn chung le innka congtu umnak ichonhnak walkie talkie ( radio )na ngei” nawl hal loin na cawk ti in ပို့ကုန်သွင်းကုန်ဥပဒေပုဒ်မ (၈) in taza an cuai ve. Atu taza an cuainak hna pohmah hi kum 3 tiang thongthlak khawhnak poahmah an si.

Kawlram doctors le Nurses pawl sandahpiah cu sikan an ngeihning, daite le nem tein an hei umning, mi thinlung ah ngaihchia bantuk, thinhung bantuk, aipuang bantuk in ka um. Civil Disobedience Movement hi atu lio ahcun a tha bikmi strategy a si ko tiah ka zumh ve. Cozah riantuan vialte nih mah bantuk thil nan tuah khawh ahcun teinak kan hmuh hrimhrim lai. Ramchung ummi vialte nanmah sin ah ralkap cozah tei khawhnak thazang a um ko. Ramdang bawmh, UN le US bawmhnak hi cu ibochan ding pakhat hmanh a um lo. Kan thinlung in zakhat ah zakhat kan in umpi hna.