Sagiang le Magwe region ah ralkap le palik thah cawh lo an kuat hna a ruang a um

Sagiang le Magwe region ah ralkap le palik thah cawh lo an kuat hna a ruang a um!
============
Ayeyarwaddy Ramthen le Mandalay cu a mah ning si than cang, buai le buai lo um ti lo, Kawlrawn chung ka khual tlawnnak ah Rallokap hmuh ding an um ti lo, tlangcung lei ah an kai dih rua, ruah ding a tam ngai.

Zei poah he kawl ram hup in cuanh a hau ka ti tawn. Sagiang le Magwe region ah ralkap le palik thah cawh lo an kuat hna a ruang a um. A ruang pali in hmun kho a si. 1. Tuluk economic zone+ Uopaing le MEC income. 2. Trader board affair , India ram, Tuluk ram an rak kuat ding thil a tam tuk. Cozah sin ah tax an hmun ding a tam tuk. 3. PDF, CDF hi CNA/ KIA sinah training le hriamnam an cawk ti in an theih caah a bik.

Kawl ram ah Cozah rian tuan tu ting 12 kan um ti a si. 1ting khat le cheu nih CDM an tuah ti a si. ting 10 leng CDM lo an si ti nak a si. Chin ram ah CDM 75 or 80% an si ti a si rau. Madalay region ah District ( 4 ) he cozah rian tuan milu a khat ti a si. Kawlram hup in kan kal pi a hau.

Palik cu zaamnak drih hmun a pek poah sin cu an zaam peng lai. Aruang cu Palik cu upadi ning kal an duh. Cun Meithal zong a tha mi an ngei lo. Lungrual caan a si. Mah thil ti kho lam in ii bawmh cio ding a si. Na tuah lo ee thazaang na pek lo ti ding a si lo.

Ralkap uk nak cu a ho hmanh nih an duh lo. An mah ralkap chung major tang rian tlai mi tam deuh nih an duh lo. Ralkap an pu le khi minung thin lung put a ngei lo mi an si. Sau deuh ah cun an lungdong te ko lai. Minung an si ve. Pu Al_Kanrafi bantuk zong a si kho mi a si.

𝐑𝐚𝐦𝐝𝐚𝐧𝐠 𝐮𝐦𝐦𝐢 𝐧𝐢𝐡 𝐂𝐍𝐅/𝐀 𝐥𝐞 𝐂𝐃𝐅 𝐩𝐚𝐡𝐧𝐢𝐡 𝐢𝐧 𝐭𝐡𝐚𝐳𝐚𝐧𝐠 𝐤𝐚𝐧 𝐩𝐞𝐤 𝐡𝐧𝐚 𝐝𝐢𝐧𝐠 𝐡𝐢 𝐚 𝐛𝐢𝐚𝐩𝐢 𝐭𝐮𝐤. Tulio kan ram dothlennak ah ramdang ummi nih a kengkip in thazang kan chuah cio. Kan chuah ding hrimhrim a si. Kan pastor te le evangelist pawl nih an kan ti tawn bantukin ram dang kan phanhmi hi a sawhsawh a si lo. Kan ram le miphun dirkamhtu ding ah Pathian nih a kan thlah mi kan si tak.

Tulio hi Chin miphun caah thazang chuah a herh bik can a si. Chin miphun dothlennak ah kan nupa a simi CNF/A caah thawh a ho. Cun khua caah thawh a ho rih. Cu long hlah, Pengtlang CDF caah thawh a si rih. Kengkip le kakip lo ah phaisa thawh a hauh tikah ramdang mipi leiin phunzai ding dirhmun kan phanh can a um men ko lai.

Nain phunzai lo tein, i hne hram ko hna u sih. Tutan ral kan doh mi kan tei lo ahcun techin fapar chan tiang sal dirhmun in khuasa ding kan si. Cucu a ho hmanh nih kan duh ding a si lo. Cu kan duh lomi cu ramdang um, Chin miphun dihlak ngeihchia chawva chuah in langhter hna u sih. A bia bikmi cu CNF/A ca thazang kan chuah mi long hi a za tiah ruat hna hlah u sih. Pengtlang CDF pawl an caah thazang chuah rih hna u sih.

CNF/A caah phaisa kan thawh mi nih Myone/Pengtlang CDF pawl (Basic need) pawl ca tiang ttuanvo a la kho hna lo. Cu caahcun CNF/A caah thazang kan pek bantukin pengkip CDF pawl zong thazang pe cio hna u sih. Ngeihchia chawva bawm ve hna u sih. Kan nupa a simi CNF/A long bawmh longin an fale a simi CDF pawl zong philh hrimhrim hna hlah u sih.
Salai Biak Tum Lian