SAC Ralhrang Sakhan 3 KIA Sin An I Ap Pin Ah A Dang Sakhan 4 Zong An Laak Khawh Chap. Kachin ramkulh ah SAC ralhrang le KIA kar kaphnih kahdohnak a chuak i SAC ralhrang sakhan 3 KIA sin ah an i ap pin ah a dang sakhan 4 zong an laak khawh chap, tiah theih a si.
March 8, ah Kachin ramkulh ah SAC ralhrang le KIA kar kaphnih kahdohnak a chuak i cu kahdohnak chung ah SAC ralhrang Khah-Lah-Yah 142 sakhan telh in sakhan 3 nih thantar rang thlir in a sungh an pek hna. Cu pin ah a dang sakhan 4 zong an laak chap i a dihlak fonh ah sakhan 7 an laak khawh, tiah theih a si.
” A sungh pek in kan sin aa ap mi SAC sakhan 3 an um. Khah-Lah-Yah 142 telh in sakhan 7 kan laak khawh. Kan laakmi hna cu Khah-Lah-Yah 142, Panson, Kohngukaung, Milian, Bumyarbum, Inlongkha Militia Camp le SAC ralhrang sakhan hna an si,” tiah KIA thawngzamhnak hmunpi nih a thanh.
SAC ralhrang nih March 7, 8 kahdohnak chung ah a bik in vanlawng a hman, kahdohnak hmunram taktak ah ral bawmtu a thlah ngam hna lo, tiah theih a si. Lungmili Post
Thawngpang dang : Mizoram Aizawl khualipi,Phunchawng sang ah inn tung khur a co cuahmah mi pakhat cu a cung lei vawlei nih a cimh hnawh caah a nunnak a liam tiah theih a si. A Nunnak a liam mi hi Myanmar,Sagaing ramthen, Kalay peng Tlangzawl khua mi Salai Laltlanmawi a si i kum 24 mino te a si.
Inn sak nak ding tungkhur cu a thuh pe 9 in cawh a si i Laltlanmawi nih a tang vawlei a remh cuahmah lio ah a cung vawlei nih a cimh tak hi a si i a ran nak in vawlei cu hlai a si nain a nunnak a rak liam cang.a ruak cu zanlei slm 2 tluk ah YMA nih an hlai khawh tiah theih a si. Salai Laltlanmawi cu Aizawl West College ah BA a cawng cuahmah lio mi a si i a ruak cu thaizing slm 12 ah vui a si te lai. Crd:CBN News