NLD Party Palai Hlun Win Myint Aung Cu PDF Nih An Tlaih!
================
Sagaing ramṭhen, Depeyin peng ah NLD party palai hlun Win Myint Aung cu NUG kuttang mipi rungvengtu phu (Pah Kah Phah) nih an tlaih, tiah PDF in chimphuannak nawlngeitu nih a chim. June thla chung ah Shwebo thonginn ah cakuat a va chiah i a kirlei ah mipi vengtu phu nih cun an tlaih.
Win Myint Aung cu SAC ralkap sinah a rak i pe(surrender) bal mi a si i cu kong he pehtlaih in biahal ding a um caah mipi vengtu(Pah Kah Phah) nih an tlaih tiah theih a si. Atu hi biahalnak an tuah cuahmah lio a si i fianghlang tein chimphuan awk a ṭha rih lo, tiah a chim chap.
NLD party palai hlun Win Myint Aung cu SAC ralkap nih nawlngeihnak an laak hnu in a zaam i a nupi, a fapa le a naupa cu 2021 August 18 ah SAC ralkap nih an rak tlaih hna hnu ah amah zong an rak tlaih i an thlah ṭhan, tiah theih a si.
Win Myint Aung telh in Yangon ramṭhen Cheif Minister Phyu Min Thein, NLD Central Committee chungtel San Dar Min le Toe Lwin cu SAC nih thimnak an tuah dingmi he pehtlai in, NLD cu rawiphiar in SAC lei ṭang in thil an tuah caah NLD Central Committee nih March 3 ah party sinak in an rak chuah hna.
Sagaing ramṭhen, Wetlet khua ah SAC ralkap pawl bomrap voi 3 an puah hnawh hna i SAC ralkap 4 an thi tiah Eagle Guerrilla Force nih an thanh. June 22 zinglei sml 8:30am hrawng ah Wetlet khua in a rak chuak mi SAC ralkap 70 hrawng cu Eagle Guerrilla Force phu nih bomrap voi 3 an puah hnawh hna.
Bom puah hnawhnak hi Thaphankone khua le Takuangmin khua karlak ah timhcia tein rak hmanh mi bomrap in an puah hnawh hna i SAC ralkap 4 an thi. SAC ralkap nih an kah ko hna nain hriamtlai phu pawl him tein an kir kho tiah theih a si.
June 21 zinglei sml 6:40am hrawng zong ah Banbwe pyusawhtee khua pawng ah ah SAC ralkap pawl an i thuh tawnnnak inn cu Fighter Brotherhood Guerrilla Army le Winkabar Guerrilla phu, Black Team le Infinite Revolution Force hna nih an khangh tiah theih a si.
Sagaing ramṭhen, Myaing khuachung palek sakhaan, GAD zung le Cozah rianṭuantu pawl umnak inn pawl cu June 21 zinglei ah an kah hna i SAC kuttang 4 an thi, tampi hliam an tuar tiah MSPDF nih an thanh. Kahdohnak hi zinglei sml 5:40am in 6:50am tiang sml 1 leng a rau i Shar Htoo WAW Fixed Wing Drone hmang in bom lung 9, 40MM bom lung 17,
Rocket MSPDF nih chuah mi lung 8 le meithal bawm in kahdohnak an tuah i kahdohnak chung ah SAC ralkap, palek le pyusawhtee 4 an thi, 3 fak ngai in an i hliam i adang 12 zong hliam an tuar tiah theih a si. Kahdohnak chung ah MSPDF, Myaung Special Drone Force, Meiktilar pengkomh B 2, MHLG PDF, Myingyan pengkomh B01, B03, B08, Burmese Guerrilla phu le T.G.R phu hna bawm in kahdohnak an tuah tiah theih a si.
June 22 zinglei sml 8:30am hrawng ah Wetlet khua in a rak chuak mi SAC ralkap 70 hrawng cu Eagle Guerrilla Force phu nih bomrap voi 3 an puah hnawh hna. Bom puah hnawhnak hi Thaphankone khua le Takuangmin khua karlak ah timhcia tein rak hmanh mi bomrap in an puah hnawh hna i SAC ralkap 4 an thi. SAC ralkap nih an kah ko hna nain hriamtlai phu pawl him tein an kir kho tiah theih a si.
June 21 zinglei sml 6:40am hrawng zong ah Banbwe pyusawhtee khua pawng ah ah SAC ralkap pawl an i thuh tawnnnak inn cu Fighter Brotherhood Guerrilla Army le Winkabar Guerrilla phu, Black Team le Infinite Revolution Force hna nih an khangh tiah theih a si.