SAC Ralhrang Nih An Nupi Le Cu Raltuk Bawm Tu Ah An Hman Hna. Hramhram in nawlngeihnak a latu SAC ralhrang nih an nupi le pawl cu kahdohnak hmun i ralhnu caah siseh, hriamngan an kah caan ah siseh an i bawmhternak hna hmanthlak cu 2024, March 8 ah a chuak, tiah Tachileik News Agency nih a langhter. Lungmili Post
Thawngpang dang: India ram, Manipur ramkulh ah tlaihkhih tong Myanmar rammi minung 7 cu Manipur cozah nih March 8 ah Myanmar ram ah a kuat cang hna, a dang minung 77 zong kuat than an si lai, tiah Indianexpress nih a langhter.
” India ram ah phungning lo in a lutmi Myanmar rammi cu nihin ah a hmasabik hremnak kan pek hna. India cu kum 1951 hartong kong ah min a thu lo mi le Myanmar ram buai ruang i hartongmi zawnruahnak he a zaammi cu hraanhnawh in an i dornak a si, tiah Manipur Chief Minister N Biren Singh nih a cahmai ah a langhter.
Manipur cozah nih Myanmar rammi minung 77 zong Imphal in ramri Mawreh in a kuat than lai, Myanmar ramchung Tamu an umnak ah tiah nawl an rak chuah bal cang. Hi minung 77 chung ah nu 51 le ngakchia 5 an i tel, an dihlak in Vaute 11 hnubik ah an umnak ah kuat an si lai.
Naite i Manipur ramkulh Parliament tangka kum tonpumhnak ah Manipur ramkulh ah Myanmar rammi minung 6746 tlaih an si i, an lak ah minung 259 cu an kuttial le mifang sining lak a si hnuah an umnak ram ah kuat an si tiah, Manipur Chief Minister nih a rak chim.Crd:CBN News