SAC Ralhrang Nih 2023 thimnak A Tuah Khawh Lai Lo tiah CNF Nih An Ti!
=========
SAC Ralhrang nih thimnak an tuah than khawh lai lo tiah CNF nih an chim. 2020 thimnak cu a diklo tiah SAC Ralhrang nih an ti in uknak a lak hnu 2023 August thla ah tuah than an nih timh than nak hi a si. Ralhrang nih နိုင်ငံရေးထွက်ပေါက်အနေနဲ့ cu bantuk in timnak a ngeih hi asi tiah CNF Chimnak nawl ngeitu Salai Htet Ni nih The Mindat Post he bia halnak ah a chimh.
Cu thimnak tuah a timnak ruang cu hramhram in uknak a lak mi hmunter ding le ram dang nik Myanmar uktu tak ah ser a duh caah a si, Zeituk itimh hmanseh law SAC Ralhrang nih thimnak a tuah than khawh lai lo tiah a chim.
Thimnak tuah khawh nak caah PR phunlam in timnak a ngeih nak ruang cu hramhram in mipi uk le thah in saal ah ser a duh caah a si ko,cu aho poah nih theih a si cang ko tiah a chimh.
SAC Ralhrang nih thimnak a tuah khawh nak caah hramhram in tuahto nak a ngei lai caah kahdohnak hi a fak chin khawh tiah Salai Htet Ni Nih A Chimh.
SAC Ralkap Nih Thongtla Pakhat Thi Lak In An Velh! Thongtla Pawl Nih Duhlonak An Langhter; Mandalay ramṭhen, Myingyan khuapi um Bahu thonginn ah ramkhel thongtla hna cu SAC ralkap nih an tukvelh hna caah thongtla pakhat nunnak a liam, tiah theih a si.
SAC ralkap nih, Myingyan thonginn khan No. 2 ah a ummi Kyaw Min Naing, Thet Maung Maung, Kyaw Myo Tint, Zaw Zaw Aung le U Kar hna cu May 21 ah an auh hna i Kyaw Tint Oo le Aung Myo Thant zong nihin May 22 an auh ṭhan hna.
SAC ralkap nih an auhmi hna chung in U Kar cu an tukvelh i an hremnak ah a thi. Cu kong he pehtlai in a hawile ramkhel thongtla mi hna nih, ihnak khan cawngtu pa cu an hawipa U Kar thihlohnak kong an hal nain a hngalh lo pinah, thonginn uktu pa zong nih zeihmanh chimfianhnak a tuah lo, tiah theih a si.
SAC ralkap nih an thahmi U Kar hi Monywa ah SAC ralkap uk duhlonak rak langhter lio ah hruaitu pakhat a si. A hawile ramkhel thongtla hna cu rawl an pek hna zong ah ei duh loin duhlonak an langhter, tiah Tachileik News Agency nih a ṭial.
Naypyidaw-Magway Lampi Ah Motor Pahsualnak In Minung 5 Nunnak Liam; Magway ramṭhen, Myothit peng Ywepantaw khua pawng, Naypyidaw le Magway lampi ah Hijet motor le khualtlawng phor bus motor cu nizan May 21 zinglei suimilam 10:00 hrawng ah khan an i pah sual ruangah minung 5 nunnak a liam i, 7 hliamhma an pu, tiah theih a si.
Hi kong he pehtlai in motor canghsualnak pawng a ummi nih cun, “Hijet motor cu Naypyidaw ah a kal i, Salin lei i a kir lio ah hi bantuk in khualtlawng bus motor he an i pah. Ahodah a palh ti cu hngalh a si lo. A thimi le aa hliammi hna hi Hijet motor aa citmi an si,” tiah a chim.
Motor pahsualnak ah hin kum 60 tluk nu 1, kum 40 luan nu 3 le motor khaltu pa 1 an nunnak a liam i, ngakchia telh in minung 7 hliamhma an pu, tiah theih a si. Motor pahsualnak hmun hi Salin peng ah a si i hliamhma pumi le a thimi hna cu Myothit sii-inn ah an kalpi hna, tiah theih a si. Credite; The Chin Post