SAC Kuttang 2022-2023 Cacawn Kum Tanghra Result Chuak Ah Chin Ram In Siangngakchia 2,045 Nih Hlawhtlinnak An Hmuh
=================
2022-2023 cacawn kum tanghra camepuai result cu SAC nih nihin June 9 ah an thanh i, Myanmar rampumpi in siangngakchia camepuai a phi mi minung 161,850 lak ah minung 109,851 nih hlawhtlinnak an hmuh i, Chin ramkulh in siangngakchia 2842 lak ah minung 2045 nih hlawhtlinnak an hmuh. Chin ramkulh, khualipi Hakha in hlawhtlinnak a hmu mi hi siangngakchia 50 an um i, cu chung ah subject 4 in Distinction mark a hmu mi 1 le Subject 3 ah Distinction mark a hmu mi 2 an um.
https://www.facebook.com/photo/?fbid=629973835820409&set=a.345631344254661&__cft__[0]=AZWb2vcYlL9xEjJK8g8ftoIHywJNM3tQqtE2kM52brNRsYkTTyudHOiRNzYFomZKNWBZgmMYEJTQdtnduWEHYk8vr66TdPzEWk5T4j_Www4q_Wh8Tvdf1P-fAdIie6QFHxvNv8tyLYe4ZmFydryxNf0_wZGEdl0Z0vyvklyJoDiB73Qp_vdCCUKcOd6uJK3X2mg&__tn__=EH-R
Paletwa in siangngakchia 700 nih hlawhtlinnak an hmuh i, Chin ramkulh chung in pengkulh khuapi ah tanghra awng an tam biknak a si. Tanghra awng mi 700 chung in subject 3 ah distinction mark a hmu mi 276 an um. Matupi peng, Lailenpi khua in siangngakchia 260 le Matupi khua in siangngakchia 105 nih hlawhtlinnak an hmuh i, Matupi peng in tanghra a awng mi dihlak hi siangngakchia 365 an si.
Chin ramkulh chungah Tedim khua in number Khah Tah 213, Cing Ngaih Nam Lian nih Myanmar, Maths, Chemistry, Physics le Biologgy subjects hna ah distinction mark a hmuh i, Chin ramkulh chung in mark sang bik a hmutu a si. Chin ramkulh tanghra result cu a tanglei bantuk hin a si. 1. Hakha in siangngakchia 50, 4D – 1, 3D – 2 , 2. Tedim in siangngakchia 228, 5D – 1, 4D – 2, 3D – 12 .
3. Tonzang in siangngakchia 49,3D – 2 , 4. Falam in siangngakchia 139, 4D – 1, 3D – 11 , 5. Cikha in siangngakchia 165, 3D – 14 , 6. Mindat in siangngakchia 34, 3D – 1 , 7. Cindui (Kanpalet) in siangngakchia 41, 3D – 12 , 8. Matupi in siangngakchia 105. 3D – 7 , 9. Lailenpi in siangngakchia 260, 4D – 2, 3D – 118 , 10. Paletwa in siangngakchia 700, 3D – 276 , 11. Sami in siangngakchia 277, 3D – 163.
Sagaing ramášhen, Monywa-Mandalay lamcung ah a um mi Nyaungpinwon sakhaan cu PDF phufonh pawl nih an kah hna i sakhaan bawicem telh in palek 7 an thi tiah LPDF nih an thanh. June 8 zaanlei sml 4:21pm hrawng ah PDF B03, LPDF phu 2 fonh nih palek sakhaan an kah hi a si i Myingyan B07, Zero Guerrilla phu, Kyaukse pengkomh B01, Shwebo B15, Sataungmoekyo, LPDF le Aungthapyay LPDF phufonh hna zong nih kahdohnak an bawmh hna hi a si.
“Kahdohnak chung ah Drone 7 in bom lung 14 kan thlak. Vawlei lei in kahdohnak a tuah mi pawl kan pehtlaih hna tik ah sakhaan bawicem telh in 7 an thi tiah kan theih. Anmah lei nih hriamngan, meithal hna in an kan kah thlorh nain kanmah lei kan him” tiah Kyaukse pengkomh B01 S.B.C nih Khit Thit ah a chim. May 3 zong ah Nyaungpinwon sakhaan cu PDF phufonh pawl nih Drone 5 in bom lung 9 an rak thlak bel cang.
Magway ramášhen, Pakokku peng, Inpin khua ah a um mi SAC ralkap gate kahdohnak ah SAC ralkap 2 an thi tiah Myaing PDF nih an thanh. June 8 chun sml 1:00pm hrawng ah Pakokku peng, Inpin khua ah a um mi SAC ralkap gate cu PDF phufonh pawl nih an kah hna i SAC ralkap 2 an thi, 3 an i hliam tiah theih a si. PDF phufonh pawl nih vawlei lei in an doh hna lio ah Earthquake PDF (Drone Team) nih bom an thlak hnawh hna caah ralkap 2 an thi, 3 an i hliam i mipi hriamtlai phufonh lei him tein an kir kho tiah theih a si. Kahdohnak chung ah Earthquake PDF, M.Y.G.P.DF. B02 Company 1 le Middle Revolution Task Force – MRTF hna bawm in kahdohnak an tuah hi a si tiah theih a si.