Bhamo Ah SAC Ralhrang Hriamngan Kahnak In Ngakchia 3 Telh In Minung 5 Nunnak A Liam. Kachin ramkulh, Bhamo khuapi in SAC ralhrang nih hriamngan an kah mi cu 2024, March 11, zan suimilam 8:00 tluk ah Kanni khuachung ah a tla i puahkehnak a chuah caah ngakchia 3 telh in khuami 5 an nunnak a liam, tiah tualchung mi hna nih an chim.
“Kachin ralkap KIA an umnak hmun zong a si lo. Kan khua ah zeibantuk hriamtlai hmanh an umlo. Atu cu SAC ralhrang nih tualchung mi hna tinh chih tein an kan kah ruang ah ngakchia hna tiang in an nunnak a liam” tiah Kanni khuami pakhat nih a chim.
Nunnak liammi hna cu Kanni khua in Pi Myint Maw le a fa le 2, Pi Hnin Khine le a fa 1 hna an si, tiah theih a si. Lungmili Post
Relchap: Nunnak liam mi Lia Nian Khawm Zo cu Chin ramkulh, Tedim peng, Valvum khua Pu Gen Za Cin le Pi Nu Vung Go Cing hna i an fanu a si. A thihnak kong he pehtlai in Singapore palik nih hlathlainak an tuah cuahmah lio, tiah theih a si.
Ruak thlahnak ah aa telmi pakhat nihcun “A umnak inn cu dot 6 a si. Atu hi palik nih hlathlainak an tuah liopi a si, Singapore a phaknak caan zong a sau rih lo. Myanmar ram ah a ruak an tlunpi lonak ruang cu a nu le pa hi ral an hrial ve caah a si. A ruhdap tlunpi tu ding an um ahcun ṭha tein kan chiah ko. A nule pa lungtlin ning tein a ruak cu vui a si. A ruhdap tlunpi khawhtu hi a biapi ngaimi a si” tiah a chim.
Lia Nian Khawm Zo ruak cu March 12, zan suimilam 7:30 tluk ah Singapore ram ah mei khanghnak in an vui, tiah theih a si. A luancia 2016, July thla zong ah Singapore ram ah sinum rianṭuan mi fa pakhat ngeimi Pi Piang Ngaih Don (kum 24) cu inn ngeitu nih phuntampi in an hrem ruang ah a nunnak a liam i Singapore biaceihzung nih inn ngeitu nupa hna le thazaang a petu hna pitar nu cu kum caan saupi thongthlak ding in bia an khiahpiak hna, tiah theih a si. Lungmili Post