Sa Sa rianแนญuannak hi thapek ding si

Sa Sa rianแนญuannak hi thapek ding si
===================
Kawl ralkap cozah dohnak ah Sa Sa nih rian ai khinhmi Responsibility to Protect R2P khi dirpi awk a si. Ralkap cu a lam kip in doh awk a si. Sa Sa pakhat nih CRPH aiawh in R2P lam ai khinh khawh. Amah bantuk nih hin phung le phai rum le ra, protocol ai titer tukmi UN le Western pawl cu an lung a lak convince khawh hna lai. Kawlram chung CDM a tuah cuahmahmi, lamcung a chuakmi mino vialte an nunnak a himbawm khawhnak dingah ramkip nih kilkamh dingin a autu a si.

UN ralkap luh le luh lo biapi si rih lo. An kan vennak a herh. Hriamtlai phu nih anmah le an rian an แนญuan ve ding si, pinlung hnatlaknak kongkau hna bia le hla in an kan chimh leen caan si ti lo. A kapkap in ralkap cu doh ding. We Need R2P in Myanmar ah minung 1.9 million nih cataar si cang.

Relchap, Ruah tlaak, 2012 ah maw kan kir lai 1990 ah dah? CRPH/NLD nih Kawl ralkap sermi 2008 phunghram hrawh a duh lo. Cu phunghram tang thimmi an si caah an MP sinak invalid a si sual lai, ti an phang tiah an purhdah hna. 2008 Phunghram hrawh an duh lo nain Ma-ae-lu hruaimi ralkap phu cu ralhrang phu an si tiah a thanh hna. Ralkap nih uknak a chuh hna le cangka te khan , Kawl ralkap sining, ralkap phu nih uknak an lak hnu cun zeidah cang kho, ti tuak in, an lung rak แนญhum hna sehlaw, mipi thisen luan hau loin kum khat chungah Kawlram cu democratic cozah sinah uknak rak khirh แนญhan khawhnak lam a um. A herh lo sual ikawl, pohmah phunphun in melmang neh i thong an tlak lonak ding lam a rak si.

Kawlram cu 2012 kum a kir แนญhan kho tinak si hnga. Nain, cucu an tlolh. Kawlram mi vialte ralkap uknak duhlonak langhter uh. Uknak cabuai an kan chuhmi hi NLD sinah an kan chuhmi si lo, rammi vialte an kan chuhmi a si, an ti.
Rampi a buai. Thisen a luang. Tikah, ralkap cu ralhrang phu ah a thanh hna. Ralhrang phu chuahmi phung le nawl mipi nih zulh herh lo ti si cang. Zeidah chuak? Anarchism an timi uktu neilo ram bantuk ah ai cang hnik cang. Rampi a buai tuk hnu cun, ralkap nih kum khat ca an rak timi kha dong hngal lo an uknak ah thlen hau in ai tuah.
Zei ruangah?

Ralbawizik le a minung vialte an himnak an kawl cang lai. An him khawhnak dingah cun ralkap nih uknak fekแนญhup an itlaih khawh hau. Tikah, Kawlram cu 1990 ah a kir แนญhan ding tam deuh cang. 1990 kir lonak dingah teinak tiang lawlaw, hmai fon hau. Nain, nihin ni tiang ah CRPH/NLD nih teinak strategy an ngei lo. GenZ lamhruaitu GenX le Y pawl nih ti le zei huaha an si lo. Tlangcung mi le zei ah an kan rel fawn lo. Uknak hlumpi umnak Nay Pyi Daw ah a dai tuk rih. Uknak thluk duh ahcun cu uknak a umnak hmunhlum kha thluk ding a si.

Tu tiang ri ah cun hei iterh sawhsawh lawng an si rih. A thi linmi mino thisen lam an luanter chin lengmang.
A bikin rammi hna lungput, thinlung a zaw i a rawk chin lengmang ding phun ah aa cang. Ma-ae-lu ti i heh tiah an volhpamh, a hmanthlak an lamh lengmangmi pa khi, mipi lei in sniper in kah ding si. Lubik a rilh le cangka mipi nih NPD an nam cun a dih ko. Credit: Salai C Alexander