Russian Mino tampi nih Putin an zam tak cuahmah cang!

Putin Nih Ralkap Thar Lak Ding Nawl A Chuah Hnu In Russia Mino Nih Ram An Chuah Tak!
==========
Russia President Putin nih Ukraine ram do dingin ralkap thar lak ding in september 21 ah nawl a chuah hnu in, Russia mino, a bik in pa pawl cu ralkap tuan duh lo ruangah an ram an chuah tak len hna tiah, theih a si.

Ralkap a tla kho ding mino pawl cu mawtaw le cycle in Russia chuah tak dingin Georgia ramri ah kan i tlar hna, micheu cu Suimilam 12 chung an hngak, kei cu suimilam 9 ka hngah hnu ah ramri ka chuak kho tiah, a zaam vemi pakhat nih BBC ah a chim.

Georgia ram cu Russia rammi hna visa sok hau loin umkal khawhnak, a inn pa ram a si. Russia he miles 800 ramri ai tlaimi Finland ahcun Visa sok a hauh caah Visa a sokmi Russia mi an karh ngai tiah, theih a si. Russia mino hna cu vanlawng in ka dang ram zongah zam an i tim hna i vanlawng ticket man a kai ngai, Germany ram Ministry of Immigration nih cun a rak zaammi Russia mino pawl cu ka cohlan hna lai tiah, a thanh.

Sri lanka Thilman Nikumnak In Zatuak Ah 84.6% A Kai! Kum 70 chungah chawlehnak a tlak tuk caah ram mipi harnak an ton cuahmahnak Sri Lanka ram ah nikum nak in thilman zatuak ah 70 renglo a kai, cozah nih phungning tein cathanh an chuahmi ahcun nikum nak in zatuak ah 84.6 thilman a kai tiah, an thanh.

Milu 22 million umnak Sri Lanka ram cu ramleng in phaisa lut a um ti lo caah chawleh chawhrawlnak a tla i Oil, Si-ai, ei-din thilri pawl an lak khawh ti lo caah ram mipi hna nih harnak fak ngai an tuar hna. August thla dih tiangah Sri Lanka rampi chawleh chawhrawlnak cu zatuak ah 8.4% a tum tiah, an thanh. Sri Lanka ram cu chawleh chawhrawlnak a tum tuk ruangah ram mipi nih harnak fak tuk an ton caah President inn tiang an rak luh hnawh i President zong a rian in a rak chuak.

Rohingya Ralzaam Caah US Nih Dollars 170 Million Bawmhnak A Pek Lai! Bangladesh ramchung um Rohingya ralzaam le ramchung ramleng ummi Rohingya ralzaam caah minung hawi zawnruahnak in US nih dollars 170 bawmhnak a pek lai. 2017 kum in Bangladesh ram Rohingya ralzaam minung 740,000 caah bawmhnak rak pekmi le tutan bawmhnak pek dingmi he cun US 1.9 billion deng maang a si cang tiah, US ramleng minister Antony Blinken nih cun a chim.

Bawmhnak dollars 93 million cu, Ministry of Foreign Affairs nih kan pek lai i a dang dollars 77 million cu United States Agency for International Development hmangin anmah nih bawmhnak an pek hna lai tiah, a chim chap. Bawmhnak pek dingmi chungah 138 million cu miphun cihmihnak le minung hawi cungah a fakbikmi thahnawnnak chungin a nung dammi, Bangladesh ram ummi Rohingya ralzaam 940,000 le inn ngeitu Bangladesh rammi cheukhat caah an hman lai.

Myanmar Ralkap lei nih cun miphun cihmih tiang sualnak an tuah tiah sualphawt an simi cu an cohlang lo i, hmunhma thianhhlimhnak kan tuahmi lawng a si tiah, an chim ve. US ramleng minister Antony Blinken nih cun Myanmar Ralkap thilsual tuah ruangah inn lo a chuahtakmi mipi hna cu bawmhnak pek cio ding in sawmnak a tuah.

๐“๐ซ๐ฎ๐ฆ๐ฉ ๐ฌ๐ข๐ง ๐‹๐š๐ค๐ฆ๐ข ๐‚๐จ๐ณ๐š๐ก ๐‚๐š๐ฉ๐š๐ซ ๐ƒ๐Ž๐‰ ๐ง๐ข๐ก ๐‡๐ฅ๐š๐ญ๐ก๐ฅ๐š๐ข๐ง๐š๐ค ๐š๐ง ๐“๐ฎ๐š๐ก๐ฆ๐ข ๐๐ž๐ก๐ณ๐ฎ๐ฅ๐ก ๐ค๐ก๐š๐ฐ๐ก ๐š ๐ฌ๐ข ๐“๐ก๐š๐ง ๐œ๐š๐ง๐ . Trump sin lakmi cozah capar pawl cu hlathlainak pehzulh dingin cozah biaceihzung nih DOJ a awnh than cang. Cozah capar paoh cu kan phiat dih cang, tiin Trump palai pawl nih an ti len ko nain, tutan ah a sinin an lakmi cozah capar pawl hlathlainak pehzulh dingin baiceihbawi pakhat nih nawl a chuah. Tuan ah khan hlathlainak ngol chung dingin nawl chuahmi a um caah, an mak chung bia a si.

Trump nih a sin an lakmi capar hlathlainak tuahpiak lo dingin kham ai tim len ko nain, a hlawhtlin dawh a si ti lo. A ca i a tangmi a lam pakhat te a ummi cu Supreme Court ah lakhruak in nawlnak vung tuah lawng khi a si cang. Tutan biachahnak a tuahtu hi biaceihbawi pahtum an tonak 11th US Circuit Court of Appeals in tuahmi a si i, biaceihbawi pahnih hi amah Trump nih ria a khinhmi an si.

Special Master nih a zohmi hi records 100 tluk tam a si i, mah hi a zohmi vialte hi Trump sihni phu nih zoh ve dingin khua rak khan a si. Asinain, a tu ah cun zoh an senh ti hna lo, tiah theih a si. Trump sin an lakmi a tangmi records vialte zong Special Master Judge Raymond Dearie nih a zoh hna lai i, Trump i a pumpak capar asiloah amah Dearie nih cozah biathli a si, tiah a ruahmi capar paoh cu hlathlaitu hna nih i hman kho lo dingin a fim hna a hau te lai.

Mah hi capar pawl hi cu ram himnak kong he ai pehtlaimi biapi taktakmi capar an si, tiin sihni nih an chimmi paoh cu a hlei in hlathlai an si te lai. Lungrethei pakhat a si rih mi cu, President hlun a inn le a lo luhhnawh dingin DOJ le biaceihzung hi zeiko nih dah a cawlcanghter hna, timi hi a si. Trump sin lakmi capar kong i ruahnak a phunphun an chuahpimi hi capar in tlap 29 tluk tam a si i, FBI nih a sin an lakmi capar kong i Trump biachimmi tampi cu DOJ nih an cohlanpiak duh lo.

โ€œCozah biathli a ummi cozah capar pawl fimtawl an si mi hi ram himnak a hrawk kho dirhmun a phanh lo dingin hi mipi duhnak a si, ti cu a fiang. Fehternak tuah tikah hin, mah cozah capar pawl hi ahonih dah a hmuh ve cang, zeitikah dah a hmuh a si, zeibantuk in dah kan tawlrel lai, timi vialte hlathlai hi thil fawizang cu an si ruam loโ€ tiin biaceihbawi 3 nih cun an chim.

Trump sin lakmi capar pawl hi cozah capar an ti taktak maw, tiin Trump a sihni pawl nih biahalnak an tuah. Asinain, biaceihzung an phak tik belte ah cun Trump nih cozah capar pawl a phiat, tiin an chim fawn ti lo. Amah Trump zong nih hin biaceihzung lenglei ah cun a phiat dih cang in a chim fawn.

๐Š๐š ๐ฉ๐ก๐ข๐š๐ญ ๐œ๐š๐ง๐ , ๐ญ๐ข๐ข๐ง ๐“๐ซ๐ฎ๐ฆ๐ฉ ๐ง๐ข๐ก ๐š ๐œ๐ก๐ข๐ฆ ๐ซ๐ฎ๐š๐ง๐ ๐š๐ก ๐›๐ข๐š๐œ๐ž๐ข๐ก๐ณ๐ฎ๐ง๐  ๐ง๐ข๐ก ๐š๐ง ๐ฆ๐š๐ฐ๐ก๐œ๐ก๐ข๐š๐ญ; Wednesday zah ah khan Trump a sihni phu cu biaceihzung nih an sik hna. โ€œPresident ka si lio ah mah hi capar pawl hi ka phiat dih ko cang in ka thei, tiah amah tayakhan (plaintiff) nih a chim. Asinain, record kan zoh tikah, phiatmi neh le nang pakhat hmanh a um fawn lo. Cun Special Master hmaika a chuah lio zongah khan Trump (plaintiff) zong nih capar a phiatmi kong pakhat hmanh a chim fawn lo,โ€ tiin an mawhchiat hna.

Special Master nih capar pawl zoh hram a thok tein khan Trump nih capar pawl a phiat le phiat lo kong hi a sihni pawl nih ka khat hmanh an chim lo. Cozah capar pawl cu lanhtak ah a tha, tiin DOJ nih nawlnak an tuahmi le US District Judge Aileen Cannon nih special master kong hlathlai dingin ruahnak a chuahpiakmi zong tutan biaceihzung nih an hnonpiak veve hna.

Intelligent pawl nih capar pawl hi a zoh pehzul ko hna sehlaw, thatlonak a um maw um lo, tiin hlathlai rian tu hi cu ngol chungah a tha, tiin Cannon nih ruahnak a chuahmi zong an hnonpiak. Ram himnak zohthannak tuah a si tikah sual le sual lo, ti hlathlainak hi hrial awk tha lo in ai telmi a si kha kan cozha nih tlingtein a langhter cang ko. Asinain mah hi langhternak hi Cannon nih a cohlang duh lo. Trump sin lakmi capar hi cozah capar an si, cucaah nawlpek lo in bih le zoh an si ah cun ra himnak hi faktuk in a chiatchuah ding a si, tiah Tuesday ah khan 11th Circuit biaceihbawi nih an chim.

Special Master damhkhang dingin Trump duhnak a hlawh a tlin hnu in, 11th Circuit hi mah hi capar hlathlai rian ah i tel ve dingin DOJ nih a fial hi a si. Tuan vial ah khan cun amah Cannon lila zong hi Trump sin lakmi cozah capar 100 hrawng hlathlainak tuah rih lo dingin DOJ nih an nawl ko nain a rak duhtu a si. Trump sin an lakmi chungin sualtuahnak nehnang pathum a um, tiin FBI nih an chimmi kha pakhat hmanh cozah capar an si lo, tiin DOJ nih a rak ti bal.

๐“๐ซ๐ฎ๐ฆ๐ฉ ๐ญ๐ก๐ข๐ฆ๐ฆ๐ข ๐ฆ๐ข๐ง๐ฎ๐ง๐  ๐ฉ๐š๐ก๐ง๐ข๐ก; Tutan biachahnak a tuahtu biaceihbawi pathum lakah pahnih hi Trump thimmi minung an si. Biaceihbawi Britt Grand le Andrew Brasher hi 2018 le 2020 ah khan Trump nih a thim hna. Robin Rosebaum hi 2014 ah khan Obama nih a thim. 11th Circuit i rian a tlaih hlan ah, Grant hi Senate ah 52-46 in teinak a hmu i, Georgia aiawh in Supreme Court biaceihbawi a si i, 2015-2016 tiang cozah sihni lubik rian a tlai.

Brasher hi Trump nih rian a pek hlan le vote 52-43 in teinak a hmuh hlan ah khan, Alabama district ah biaceihzung ah rian a tuan. Rosenbaum hi Senate ah 91-0 vote in teinak a hmu i, 11th Circuit i a tuan hlan ah Southern District of Florida ah District Court biaceihbawi a si.

๐‘๐š๐ฆ ๐ก๐ข๐ฆ๐ง๐š๐ค ๐ค๐จ๐ง๐ ๐š๐ก ๐ฅ๐ฎ๐ง๐ ๐ซ๐ž๐ญ๐ก๐ž๐ข ๐š ๐ฌ๐ข; Cannon i nawl a chuahmi nih hin karhlannak a donh i, ningcang lo in cozah biathli tawlrel ruang i ram himnak tiangin thinphang dirhmun phan ding tiangin a tuahtu a si, tiin DOJ nih a chim.
Ram himnak he ai pehtlaimi capar pawl bihzoh rian hi Intelligent nih an kalpi khawh ko, tiin Cannon nih a chim. Asinain, mah hi capar bihzohnak nih hin sualpalhnak kong hlathlai rian hi a kham awk a si lo, tiin DOJ nih a chim.

Hlathlainak ngol chung a si mi nih hin ram himnak le cozah a hnursuan khawhmi a si. Cun Trump sin an lakmi cozah capar pawl zoh ve dingin hin Trump a sihni pawl hi a ruang thitha an i ngeih in kan thei lo, tiin biaceihbawi 3 hna nih cun an chim. Sualpalhnak hlaithlai chih ding hi hrial awk tha thil a si lo, tiin DOJ nih an chimmi cu biaceihzung nih an al hna lo.

โ€œCozah biathli hman an sual lai, tiin US nih sualpalhnak hlathlainak a tuahmi a nikhua tlaiter (delay) asiloah kham ruangah hin US le kan mipi caah tihnung taktak mi thil a chuahpi te khawhmi a si,โ€ tiin biaceihzung nih an tial.
Mah bantuk capar bihzoh rian hi a thabikmi dirhmun in tuah awkah biaceihzung nih nawl a chuah awk a si. Cucaah cu dirhmun cu kan phan cang, ti hi tutan an lakmi cozah capar nih a langhter ko cang, tiin biaceihzung nih an chim.

๐“๐ซ๐ฎ๐ฆ๐ฉ ๐š ๐ฉ๐ฎ๐ฆ๐ฉ๐š๐ค ๐‘๐ž๐œ๐จ๐ซ๐๐ฌ ๐š๐ง ๐ฌ๐ข ๐ฅ๐จ; Kan sinin lakmi capar pawl hi sualpalhnak a hlathlainak kut chungin khamh khawh sisehlaw ka duh ko, tiin Trump nih a duhnak a langhter mi cu 11th Circuit nih an cohlanpiak lo. Ai ngeih lo mi asiloah zeiah a rel lo mi capar US nih bihzohnak a tuah tikah hin a caah fahnak zeihmanh a um ding a um lai lo.

Cun, nihin tiangah โ€˜criminal investigationโ€™ an tuahmi nih fahnak a ka pek lai ti ka phang, tiin cohlantlak nawlnak a tuahmi zong a um rih fawn lo, tiin an chim. Tutan i a sin an lakmi cozah capar bihzoh an si tikah hin, a pumpak capar kong hi US mipi theih in cozah nih a phozarpiak hrimhrim fawn lai lo, tiin an chim. Credit: The Chin Post