Russia ralkap thimi le hriamnam ngan hrawhmi!

12th Ukraine le Russia War Lastest Update
========
Russia ralkap thimi le hriamnam ngan hrawhmi: Ralkap 1,1000 an thi cang, Tanks 290 an hrawh cang, Armoured Vehicle 2,000 an hrawh cang, Miakpi 117 an hrawh cang, Rocket kahnak motor 50 an hrawh cang, Vanlawng kahnak motor 23 hrawh cang.

Vanlawng 46 an hrawh cang, Helicopters 68 an hrawh cang, Ralkap thilphur motor 454 an hrawh cang, Tilawng 3 an hrawh cang, Datsi phur motor 60 an hrawh cang, Drone (UAV) 7 an hrawh cang. Ukraine Defense Ministry nih a thanh mi asi.

Ukraine thazaang a thancho, Russia thazaang a ttumchuk, Hi ti ning tein caan a rau ahcun Russia mual a pho te lai. USA le Europe thazaang a si ve cu. A dintuai la loh. Cei cikcek phomh ko seh. Bawipa lung tlin lo ah cun mu, Israel mi nih AI khua hme te cu Bawipa lungtling lo in an tuk i an sung cikcek. A lungtlin hnu lawng ah an tei than.

Ukraine President Volodymyr Zelensky chanh a hau tikah chan ningcang ding vawleicung ralkap thabik tiah ruah zungzal mi SAS (British) 70 le US Navy Seals 150 nih special training suimilam 11 chung nizaan ahkhan an ngeihmi cu an lim cang , asinain nan vun ka chanhchuah ka hau ti tik lawngah chan dingin in an i tim.

Ukraine President Zelensky hi Russia nih thah dingin an timhmi voithum bak a luat ti asi. Hi a thattu ding ahhin Russia nih a fialmi misual (mercenaries) Kremlin nih an hnulei in a bawmh mi Wagner Group le Chechen special forces sinin asi. Hi kongah Russia Intelligence thapi asimi Federal Security Service (FSB) le Komitet Gosudarstvennoy Bezopasnosti (KGB) nih biatak tein an ngiat ti asi.

Kan hnu thla ahkhan Ukraine President Zelensky hi chanchuah or zaam dingin ah rak fial bal nain pasaltha leader nihin a rak duh lo, ka zaam lai lo ka ram caah ka nunnak ka pek lai a rak ti. SAS le Navy Seals ca zongah chanchuahnak ding hi a harsa ngai cang lai tiah an zumh. Zeitindah Russia nih an kulh dengmi Kyiv in kan chuahter lai i khawika hmuh in dah Russia nih ralkap nih an kulh ngai cangmi hmun in vanlawng in kan phurh lai timi kongah an buai ngai. Asinain pasaltha taktak Zelensky nihhin a ram a zaamtak duh lai cu zumh asi lo.

Russia nih Ukraine a tuknak cu ni 12 a tling cang nain ai ruah ning asi ruam ti lo. Russia ralkap tampi nih biatak tein an miphun hawi asimi Ukrainian pawl kah a duh lo i an raltuknak motor le tank a zaamtak mi an tamtuk ti asi, Ukraine nih le nunnak pek taktak in ral an doh fawn tikah Russia hriamnam thatha cu nawn ah an cang thluahmah ko.
Ukraine cu vawleicung ramkip nih am upat hna i an ralkap ah va lut dingin bawmh an duh hna.

Ukraine Defense Ministry nih ramdang in bawmh a kan duhmi nan um ahcun lunglawm tein kan in welcome hna nan umnak ramcio in rak kan pehtlai u tiah an ti hna i, vawleicung ram 70 renglo nih vun bawmh dingin minung 3,000 renglo nih an signed cang. Hi chung ahhin British army ah colonel a rak simi kum 72 tarpa Cunningham zong ai tel ve. Hi chung ahhin US le British special forces tampi nih bawmh dingin kan kal lai tiin social media ah an i post len hna.

US le NATO nih hriamnam ceilak in an bawmh cang nain President Biden nih Congress sinah Ukraine bawmhnak caah $10 billion a hal hna. Nizaan ah Ukraine President Zelensky nih US Lawmakers sinah vanlawmg bawmh dingin a nawl mi cu confirmed asi cang, Poland nih ai ngeihmi MIG-29 cu Ukraine pek i Poland tuhi F-16 pek dingin Biden nih a ti.

Zeibantuk in dah athli in US le NATO nihin an rak bawmh ziar timi cu theih khawh asi lo nain bawmhnak cu tam chin lengmang in pek dingin an i tim cuahmah. Tu i Ukraine nih ai ngeihmi hriamnam nihhin cun Russia pi vun teinak thazaang cu asi lo, van ral i vennak vanlawng tha le anti-aircraft tha ai ngeih lo caah a tlinh lai lo, US siammi vanlawng kahnak MIM- 104 Petriot le jet fighter F-16 tal ai ngeih cu a hau hnga.

US le NATO nih biatak nawn in paraltha taktak Ukraine pawl an vun bawmhmi nih a Russia ralkap pawl cungah chiatnak faktuk in a tonter hna caah hmai ah duhning in a fonter kho ti lo. Russia nih ai tuar ti lo i nizaan ah Putin nih “ral do dingin thawng thannak nan tuah bantuk asi” tiah si tiin ai hro len. Milung khong taktak mi Putin nih kai timhmi ka tlamtling hlan lo hmai ka nawr ko rih lai a ti caah hi ral hi fawi tein cun daih dawh cu asi lo.

RUSSIA HI A PUR RUANGMANG TE LAI; Russia cu Europe ram dihlak le vawleicung ram rum vialte nih sanction phuntling in an phihkhar dih, an ram cungah Russia airline zuan lo ding, Russia Bank biapi vialte phih viar, SWIFT in phih dih asi, Cruise Line vialte phih piak dih asi, Visa le Master zong phih piak dih asi, vawleicung sports and games phun vialte ti tluk in phih dih asi, a fawinak in cun vawleicung chizawh fim i zuamnak The International Cat Federation le Netflix tiang in phih a tong.

Russia hi deplomacy leiah a rak niam zia le West ram pawl an rak santuk hi Russia a sunghnak fakbik cu asi. US President Joe Biden hi foreign policy lei a rak thiam tukmi le ton hmuhtheih tamtuk ngeimi si cang kaw Siberia Vom tlawn in a tlawngmi hnahnok tukmi Putin hi tho than kho ti lo dingin Biden nihhin a tuknak asi lai ti hi politics thiamsang tampi nih cun an zumh. Ukraine he tuk ter i Russia sualnak kawl in hremnak fak taktak Russia nih ai tluk phahnak ding thluak a chuah tiah zumh asi.

Russia nih Ukraine hi va la te ko hmanh sehlaw vawleicung ram rum bik pawl nih sipuaizi vialte ti tluk in an phih cang, tunak fak chinchin in phih rih an i tim. Vanlawng thatha cu ngei ko hmanhsehlaw datsi a ngeih lo ahcun zeidah thahnem lai, phaisa hnah cu tampi in printed hmanh sehlaw impose le Export a tuah khawh lo ahcun zeithil dah a cawk lai?

Hi tining tein Putin hi a lungkhong ko asi ahcun 1991 lio i Soviet Union Russia ruang ah faktuk in a rak tluk nak fak khan Russia hi a tlu lai. Cucaah Russia nih Ukraine hi a la kho lai maw la kho lai lo, timi biahalnak nakin Russia hi a tluk tikah ai hrim than kho lai maw? Putin hi teh tuhi a caan donghnak asi lai maw? Timi biahalnak tu hi i ceih tlak cu asi deuh cangmi a lo. Diplomacy leiah a sang tuk mi US le Biden thluak le khuaruahnak hi minaraan nih cun theih khawh awk hi a har ko.