Russia ralkap nih an sungmi hriamnam 60% tluk an sungmi cu!
Russia ralkap nih an sungmi hriamnam 60% tluk an sungmi cu!
===========
Russia ralkap thimi le hriamnam sunghmi zah; Minung 14200 an thi cang, Tanks 450 an hrawh cang, Combat Armoured Vehicle 1448, Miakpi 205, Rockets kahnak motor 72, Vanlawng kahnak motors 72, Vanlawng 93, Helicopters 112, Ralkap motor 879, Tilawng 3, Datsi phur motors 60, Drone (UAV) 12, Special equipment 11.
Russia ralkap pa nih ka kee ah keimah le keimah i kah i hliam i tuar ter in Russia ah ka kua hna seh tiin amah le mah tuahmawh ai timhnak kong Ukraine Security Service nih a phone chawnhmi line an rak tlaih ti asi. The Pentagon nih a zumh ning ah Russia ralkap hi a tlawmbik 7,000 tluk thi in minung 21,000 tluk nih hliam an tuar cang lai tiah an zumh.
A thimi he hliamtuar he an dihlak 28,000 nak tlawmlo hi Russia ralkap an sungh cang lai tiah an zumh ko hi US nih cun. Ukraine nih Russia ralkap pawl hi minung tamtuk an tlaih cang hna nain a zat ciah an chim duh lo, a thong lei cu an si cang tiah kan hnu ahkhan voikhat Cu an rak chim bal. tampi cu an tlaih cang theo hna lai Russia ralkap nih an sungmi hriamnam 60% tluk an sungmi cu zaamtakmi asi an ti caah.
Ukraine le Russia kongah Zei Lei Tanh Media? Meithal le kuan bantuk te bakin Media hi tihnung le thil ti kho asi tikah media paohpaoh catial hi zumh ding asi lo (Lai Online Media pawl ka ti hna lo fawh, vawleicung media pawl ti bia mu). Tahchunnak ah Fox News le Newsmax cu Republican Party media bantuk ah ruah asi i, CNN le The New York Times cu Democratic Party media ah ruah asi ve i, USA Today le Reuters cu neutral ah ruah ah si.
Cu bantuk thiam in Ukraine nih anmah cahnak le dik nak lawng kha an chim lai i Russia zong nih anmah diknak le cahnak lawng kha an chim ve la, cucu vawleicung phung asi i a reltu mipi nih cuaithlai zia kan thiam a hau hnga. Media ahhin neutral taktak an um lem lo an bias dih ko USA Today zong kha US thatnak le Russia sualnak kong deuh a chim thiam ko lai.
Cu bantuk thiamthiam Ukraine le Russia an i kahnak kongah Russia lei tang India le China media cu a zumh zumh lo ding. Zeicatiah tuanbia chim cawk lo in an rak i dirkamhnak tamtuk hmuh khawh an si hlei ah kan hnu UN meeting zongah Russia doh zawng in vote a thla duh lomi kha an si cu nan hmuh lai dah.
China nihhin Russia hi a sanction lo nain a bawm ngam taktak ve lo, India zong nih a sanction ve lo nain a bawm ngam ve thiamthiam lo. An i laklawh ngaingai liopi asi. US nih biatak nawn in a vun hro hna tikah an sipuaizi nih faktuk in a tuar ding asi ve caah an i ruat liopi asi.
Russia thapi bik zinan cu nitlak lei ram pawl nih an phih dih nawn cang caah a economic cu faktuk in a tlu cang, ral hi dai hmanh sehlaw a thawhthan khawhnak ding ahcun kum tamtuk a rau lai tiah mi thiamsang pawl nih an tuak. Cutik ah Russia nih cucu i theih tuk ve hna kaw biatak tein a economic thawhthannak ding caah Middle East hrawng ramrum, Saudi Arabia le UAE ti bantuk a va soi lem kan hna.
China Banks pawl zong bawmh dingin a nawl i zeihman phichuak a hmu kho rih lo US le EU an tih ve caah. Hi kongah tawite in a hleice in vun thlir khun ka duhmi cu India kong asi. India cu Russia hawikom tha taktak asi mi ram asi, COLD WAR lio tein khan Democracy ram asi ko nain Soviet Union lei a rak dirpi deuh mi ram asi. Tu zongah hin US nakin Russia hi a kawmh deuhmi asi.
India cu Russia hawi thabik top 5 nak asi tiah an ti zungzal mi khi asi. 1957 in 1971 kar Pakistan le India ral lio Kashmir ral lioah India tuahsernak tha lo tukmi cu UN ah sual phawt ding a rak si nain Russia nih UN Security Council meeting ah veto power rak hman piak i India caah Russia nihhin Veto Power hi voi 6 a hman piak cang ti asi. Economic, Military le zeidang dang pawl chim ding tamtuk a um rih ka bia asau sual lai.
Cutik ah Russia thapi zinaan cu khawika hmanh ah a zuar khawh ti lo tikah India cu biatak tein tuhi a chawnh cuahmah lio asi. India hi ramdang ah zinan caw tambik China le US changtu siin a ram hmanmi 80 percent khi ramdang in cawkmi asi. Nikum tiang ahcun Russia nih 2/3 discount in a rak pek i tuhi Russia cu zuarnak a ngeih ti lo tikah 40 percent discount bakin kan pek lai tiin a lem cuahmah.
Cutik ah India nih a mitthi tuk, human right le nitlak lei ram a tih fawn hna, asinain cawk hrimhrim cu ai tim tiah Reuters le India Today nih cun an tar. Cu tikah India media ngan pawl nih India hmai milhnak ah propaganda hechat tiin an chim. WIOM media, India Today, India Time, The Hundustan Time pawl nih Ukraine a rak i palhnak, a sualnak, Russia a mawh ve lo nak, US alle NATO an khulfumnak ti bantuk in an chim len i zumh zumh lo ding Kala pa thluak hi cu zumh bak lo ding.
Analysts a phunphun in an i tuahter len lai nain India hi politics ah an sang lemlo i zei pipa khi an tuah kho lem lo. Laimi zong nih India media chirhchan in Ukraine le Russia ko cu vun tial lo ding asi lai. Credit: Chelsea Bawi