Russia ralkap nih a thap thap in an kulh dih ko nain, an lak khawh hlei lo!

Russia Nih Ukraine Khuailipi Anlak Khawh Lo!
===========
Russia Ralkap Relcawklo Nih Ankulh ko nain, Ukraine ralkap nih Ralthat tuk in an doh hna caah Zeihmanh an tuah khawh hlei lo. Russia nih Middle Dungci in voi 56, Cruise Dungci in voi 113 a kah cang hna. Russia Ralkap hi 5713 an thi cang. 200 leng an tlaih hna. Tanks 198, Vanlawng 29, Thir Motor 846, Helicopter 29 an hrawk cang.

Ukraine Khualipi pahnih nak Kharkiv cu Russia ralkap nih an kulh dih cang. Kharkiv velchum meng 40 tiang Russia Raltuknak Motors le Tank lawng tein a khat dih. Russia ralkap nih a thap thap in an kulh dih ko nain, an lak khawh hlei lo.

Belarus Tonbiaruahnak ah Ukraine nih Lukun in ka biak sehlaw kaduh mi hi a hna ka tlak pi seh tiah Russia nih a duh tiah Mr. Volodymr Zelenskyy nih a chim. Ahnu ah tonbiruah ding in hnatlaknak an ngei. Ukraine cu Vanlawng zuang lonak hmun ah tuahpiak awk ah Zelenskyy nih American le a hawile ram cu anawl hna. American Huhimnak Zung nih asi khawh lai lo anti ve.

UK PM Boris Johnson cu Poland a phan. Poland PM Mateusz Morawiecki he Nihin ah Ukraine kong bia an i ruah. American nih Russia Tanzung riantuan 12 in a thawl hna. American ah ningcang loin an um. Spy tuan mi ansi tiah UN American Palai nih thanhca ah achuah chih.

UKraine caah EU Bawmhnak Hi Zeibantuk Dah Asi Ve. Russia nih Ukraine atuk ni (4) chungah Ralzam 400000 leng ansi cang. 300000 hi EU ram ah an i dawr. EU nih Refugee sawk herh loin Zalon tein kum (3) tiang an ram ah umnak nawl an pek hna. EU Home Affair Vuanci hna biaruahnak in fekter mi asi.

Russia nih fak tukin le ningcang lo tukin Ukraine atuk caah EU nih an lehrulh ve mi asi. Russia nih Ukraine atuknak cu ningcang phunphun in kan dohkalh lai. Ukraine ah hriamnam phun phun, mi athah khawh i Russia thilri a hrawk khawh bak mi thilri hna, Zinan Petrol le Sii ai, hnipuan fenh le ai, eidin tirawl tiang in Ukraine cu EU nih a bawmh lai. Joseph Borel, EU ramdang lei le Mumal Luzik nih a chimh mi asi.

Ukraine bawmhnak cu asi khawh chung, kan thazang dihlak in, kakip le alamkip in kan tuah lai. Hriamnam le mi athah colh i thilri ahrawk khwah colh mi thilri bawmhnak caah EURO 450 Million kan hmang lai. Zinan Sii ai le adang caah EURO 50 million kan hmang lai tiah Mr. Borrel nih a chim. G7 meeting biachah ning in Russia Bahu bank nih an ngeih mi Hnarcheu cu kan phih cikcek khawh cang. EU kut ah aum cang.

Russian Ralkap Ruak Thongleng hi Thial awk ah Ukriane Nih ICRC Bawmnak A Hal Hna. Ukraine Deputy PM Iryna Vereshchuk nih Ukraine kutin a pam mi Russia Ralkap a thongthong hi thial rak kan bawmh uh tiah Red Cross cu bawmhnak a hal hna. Russia ralkap hna cu Plastic in Russia ah phur than nan duh lo ahcun, Ukraine ah Russia Ralkap kuat ti hlah uh tiah a ti hna. Poland ah aphan mi Russia Ralkap hi 115000 an si cang. A pumpak Twitter acc ah a tial. Russia nih Twitter aphih colh.

Tuzan thawk in Ukraine Khuailipi Kyiv ah zan lengchuak lo ding Upadi an chuah. Zan Suimilam 5 in Zing Suimilam 8 tiang Marshall law or Curfew an tuah cang. Leng a chuak mi poah cu Ralhrang le Dalaan ah hmuh asi lai i dantat nansi lai tiah Myodawvuan Victorli Klychiko nih a thanh.

Poland ah Ukraine Ralzam hi 100000 leng ansi cang tiah Poland BFG lutlai Ms. Anna Mikhesakar nih an chim. Ahramthawk ahcun Mikaane Ralzaam sakhan pakhat lawng Poland ah an tuah. Ramri poah cu Poland nih Siang ngai in an on piak dih hna, Ralzaam Sakhan (9) bak an tuah manh cang. Eidin Tirawl, hnipuan, Sii Ai, Thawngpang le Information tiang in an duh herh mi poah tuanvo an lak dih hna. Zalon tein le free tein an um ter hna.

Ramri um hmunhma cheukhat cu ka lak cang tiah Russia nih a thanh cang bakin Mei a mit colh. Ukraine Ralkap nih MEI ngah peng ding in an cawng. An um lo caah MEI arawk dih asi ve. Rili sen Tinbaw nganpi in Ukraine cu Russia nih Cruise Missles in voi tamtuk akah caah, Mei a rawk dih hi asi.

American nih Ukraine cu Hriamnam he aapehtlaih mi thilri EURO 600 million man kuat zawk zawk uh tiah order a chuak colh. American kuat cia mi ah Tank hrawk nak aatel caah Ukraine nih Russia Tanks tampi an hrawk hi asi ve. Tampi Kuat chap ding ah Joe Biden nih aa timh. Tank in a ra mi Russia Ralkap hi Ukraine nih an thah bik mi hna cu asi. Russian Jet Fighters an kahthlak ah a thi mi zong an tampi ve cang.

Russia Media hna nih Fb in Phaisa hmuh khawh loding in FB nih an tuah hna. Russia duhning in Media thanh tu phu (4) zong an cei cikcek ve. Russia cozah nih an nawl hna nain FB nih NO an ti hna. Ukraine raldohnak he pehtlaih in duhpoah in media nanthlah khawh lo tiah Media 10 Putin nih ralrin apek hna. Media dang zong Cozah nih an check hnu lawng ah thlahpiak asi. Anduh lo mi vialte an phiat piak dih hna.

Invasion, Attack, Declaration Of war tibantuk kong a thlah mi cu dantat na si lai an ti hna. Russia cozah he aa pehtlai lomi Media ngan, Dozhdi, Ekho Moskvy le Novaya Gazeta zong an i tel ve. Novaya Gazeta Editor pa cu Nikum ah Nobel PEACE Laksawng ahmuh ve mi pa asi.

Ramri ah akal ding mi motor tampi cu aatlar bakin an um. 20-30 karlak ansi zungzal. Ralzaam hna phawr awk ah a hngak mi Motor ansi. Nikhat ah Poland ah Ralzam mi hi atlawm bik 50000 an tlin tawn. Ralzam pah in an hawikom cingla sinah Cikkhat te i dawr chung a timh mi an tam deuh. Credit: Joseph R. Thang