Russia nih a sunghmi i fahsak in a thapi taktak he tuhi tuk a timh caah!

Ukraine le Russia i dohnak ahhin ziah Russia ralkap thimi lawng!
========
Russia ralkap thimi le hriamnam sunghmi; Minung 12,000 an thi cang, Tanks 353 an hrawh cang, Miakpi 125 an hrawh cang, Armoured Vehicle 1165 an hrawh cang, Rockets kahnak motor 58, Vanlawng kahnak motor 31, Vanlawng 57, Helicopters 83, Ralkap thilphur motor 558, Tilawng 3, Zinan phur 60, Drone (UAV) 7, Ukraine’s Ministry of Defense.

Ukraine le Russia i dohnak ahhin ziah Russia ralkap thimi lawng nan langhter Ukraine thimi nan langhter ve lo, tiah voi tampi nan ka hal tawn. Hihi official tein an chimmi leh an langhter mi a um lo caah asi. Civil mi a thimi le hliamtuar tu cu an chim nain ralkap thi zah le hliam zah cu ah chimmi media kip ka zulh dawi ko nain ka hmu lo. A hmu mi nan um asi ahcun vun chim te ulaw.

Hi ral hi ai thokka lawng si dawh asi rih, Russia nih a sunghmi i fahsak in a thapi taktak he tuhi tuk a timh caah hi ral hi a sau rih kho. Russia nih a duhning in ral a tei khawh ti lo caah a tactic a vun thlen ve i Kyiv nitlak leiah a ralkap pawl kulh dingin zarpharh ter hna.

Ukraine ralkap pawl nih le nunnak pek bakin hriamtha tampi an i tlaih ve buin an rak dironh ve hna tikah Russia caah thil fawite cu an si ve lo. Russia nihhin a thapi taktak he a tuk lai caah a lak te ko lai Ukraine cu, asinain Russia nih sunghnak faktuk a tawnnak le ai tlukpi thainak asi te kho tiah zumh deuh viar asi. Rian schedule caan ahcun article tlamtling in vun tial a fawi lo, thawngpang tampi cu a um ko nain ka off day tikah ka tial te lai.

1. Ukraine Hi Ralhrang Bawmtu Arak Si Bal Caah Ceiseh Kan Ti Awk Asi Maw? 2. Ukraine Buainak Laimi Kan I San Lo Maw? 3. Putin Lei Dirhmun In Cun A Mawh Ve Lo Nan Ti Maw? Ukraine Hi Ralhrang Bawmtu Arak Si Bal Caah Ceiseh Kan Ti Awk Asi Maw?

Naihrawng cu Laimi tampi kan pale telh in Russia nih Ukraine a tuk hi cei pah ko seh zeicatiah Myanmar ralhrang pei hriamnam a bawmh cu a timi kan tampi. Hihi a palh taktak mi khuaruahnak asi tiah ka ruah. Ukraine cu European ah a sifak bikmi le corruption tambiknak asi, cozah duhning in zeithil hmanh hi a kal kho tuk lo ti usihlaw kan palh lai lo.

Ukraine cozah bawi ngan pipi khi Russia minung an rak tamtuk thilsual le thil poi an tuah zongah an duhning in rian an tuan kho lo anmah le mah ai that viar ding phun khi an si. Nan vun fian khawhnak ding ahcun February 28 lio i Ukraine nih an i bochan taktak mi Russia he remhdaihnak caah an thlahmi delegation Denis Kireev cu Russia spy a rak si diam ko khah! Ukraine nih an thah colh ve.

Ukraine nih NATO luh a duhnak bik pakhat cu kha bantuk an ramchung i Russia misa thianhlim kha asi cuh. NATO ah a luh ahcun NATO nih hriamnam cawk le zuar kongah phunglam thatein an ngeih caah ralhrang cu hriamnam a bawm ti lo hrimhrim. Cucaah Kawl ralhrang hriamnam in a rak bawmtu asi caah ceiseh ti nak in NATO ah lut lawlaw sehlaw Myanmar ca zongah a thahnem mi asi ve cang lai kha kan ruahpi awk asi deuh rua ka ti.

Ukraine Buainak Laimi Kan I San Lo Maw? Laimi tampi nih Ukraine kong hi ruah le chim a herh lo kanmah kong hmanh kan chim khawhlo lio ah kan ti, a hmantukmi a lo nain a palh cikcek mi asi rua tiah ka ruah. Ukraine ral ruangah vawleicung pumpi ti tluk nih datsi kongah cawp le cilh in harnak kan tong colh. Company tamtuk nih Ukraine le Russia ah hram an bunhmi an phih dih i harnak tampi ton colh asi. WWII hnu in WWIII a vun naih bik caan kan phan i hi thil nihin caan donghnak a phakter kho tu dirhmun hman a phan kho dengmi thil asi caah ruah a phu, chim a tlak, i celh len a herh mi thil asi ko tiah ka ruah.

Cun Laimi a tam deuh hi thil kan theihlo tuk i thil kan theih tam deuhnak caah hi kong hi media le catialtu nih cun dongcat loin nan/kan tial awk asi ko. Amah belte kan ram kong chim le phuan belte hi cu philh hna hlah usih, kan rak hi a pakhatnak ahcun chia cio hna usih.

Putin Lei Dirhmun In Cun A Mawh Ve Lo Nan Ti Maw? Laimi catialtu le media tampi nih Russia nih Ukraine a tuk hi 100%100 in a palh ko nain amah lei dirhmun in cun a mawh ve lo, a timi ka hmuh len hna. Hihi a dik ngaimi a lo nain a palh taktakmi ruahnak asi tiah ka ruah. Crimea hi autonomous pe ti cu a palh tuk hnga lo, Asinain Ukraine ram I a biapi tukmi Luhansk le Donetsk hi independence pe ti cu asi kho ti lo.

Hi region hi Russian an tam caah ram dangah na chiah lai ti cu a ho fa dah duh lai? Cucu ai za rih lo i na Constitution kha na remh than lai i zeitik hmanh ah NATO ah na lut lai lo a ti rihmi cu zei he dah kan tahchun lai ti ahcun: Laipa pakhat hi zuu a rit paoh hin an nu vuak dingin an nu sualnak a kawl zungzal. Voikhat cu zuurit buin a hung lawi i an nu sualnak a hmuh ti lo caah hi tihin a ti “voi thum ka rel lai I kuak na zual manh lo ahcun ceilak in kan vuak lai” a ti i zeitihmanh in a zual manh lo caah cei cikcek tein a vuak!

Russia zong nihhin asi kho lomi ka hal lai i a dih lai lo i ka tuk te lai ti khi ai timhmi cu asi bik ko. Nangmah le keimah hmanh hi Ukraine president si ve usihlaw Russia kan tihtuk bu ko zongah cucu asi kho lomi khi asi cu mu. Cucaah Russia Ukraine a tuk hi mi lei he amah lei he zakhat ah zahnih in a palh I misual khuachia bantuk asi. Riantuan ceicer ka si caah tlamtling tein tial caan ka ngei lo caah ka ruat thiam ko ne u. Credit: Chelsea Bawi