RIP Ka upatmi Pa le pahnih

RIP Ka upatmi Pa le pahnih
===========
Afaktuk tipin chim ding aum lo. Philh khawh tiloding mi Thantlang kan tonmi hi afak tuk. Pu Ral Tu Lian kum 77 le Pu Hram Cung 59 tlamtling tein kan vui khawh hna. Zankhuadei Motor cungah an rak um. Hakha lei kan phak hnu in kan lak hna.

TABC inn tual ah thil kan thlen hna hnu ah HBA President Rev.Dr. Za Khar nih thazang peknak le Thlacamnak angei. TABC aiawh in Rev. Sui Lian Kam nih lawmh nak achim. HBA GS Rev. Chan Peng Hmung nih ruak avui hna.
Hakha in Mawtor 14 in minung 36 kan kal.

Pastor 16 kan kal kho hna. Anmah he acuang timi Hakha ah X-ray an thlak hna i Pu Than Heng cu a liangah kuan pel atang i operation aa tuah lai.Pu Zo Peng hi cu ahim. Pu Lawm Bik tuhi apiah lio. Thlacampi hna usih.

Ngaih a chia in lung a fak, zaangram tuk an si e. Tantakmi chungkhar Pathian tu nih hnem ko hna sehlaw. Rest in power. Maw Thlantlang, mipi vial te nan tuarnak vialte hi a lang le tlang in mitthli he kan nin tuar pi ve hna. Ka celh bak ve lo. Bawipa kan philh hla mu!!

Kan ngeih chiat le lung fah hi ee bia le hla nih atlinh lo ee zing nu nih tan tak mi chung khar, mi phun hawi vial hnem hram ko seh law. Kan pale hi nan i dawh tuk ee, nan thisen vawlei ah bia chim sehlaw, nan thlarau vancung phan seh mu.

Pu Ral Tu le Pu Hram Cung Ruak Tlamtling tein Fim an si Cang. Nizaan Thantlang ah SAC ralhrang nih an kahmi hna Pu Ral Tu (kum 77) le Pu Hram Cung (kum 59) ruak cu tlamtling tein an fim khawh cang hna, tiah thawng kan theih. Hakha in minung 40 fai motor 14 in nihin ah an vung kal i ruak fimnak an vung tuah.

“Thantlang kan phak tiang an motor cung ah fimhlawm lo tein an ruak a rak um. Thinlung a fak tuk ko nain upatnak sang bik pek buin an ruak kan fim khawh hna caah kan lung a tling,” tiah HTPH nih an langhter.

HBA President Rev. Dr. Za Khar (HBA President) nih Pathian bia in hnemhnak le thazaang peknak a ngeih i, HBA GS Rev. Chan Peng Hmung nih a kan pale upat peknak he ruakvuinak caan a hman.

Nizaan Thantlang SAC Ralhrang Kah Ruang ah Minung 2 an Nunnak a Liam. Nizaan (Sep. 29) zaanlei sml. 6:30 hrawng ah Hakha in Thantlang ah a kirmi motor SAC ralhrang nih Thantlang khualuh ka ah an kah ruang ah Pu Ral Tu le Pu Hram Cung an nunnak a liam.

Pu Hram Cung hi Thantlang khua, Seihpyozi sang ah a ummi innsak (လက်သမား) rian a ttuanmi a si. “A thimi minung pahnih an si. Thantlang, Seihpyozi sang ah a ummi Pu Hram Cung zong motor chung ah meithal kuan nih a khen caah a nunnak a liam ve,” tiah Thantlang pastor pakhat nih The Chin Journal ah a chim.

Meithal kah ruang ah a nunnak a liammi kan pale an ruak fim ding in nihin zinglei ah Hakha in pastorte Thantlang ah an kal.

Nizaan Thantlang SAC Ralhrang Kah Ruang ah Minung 2 an Nunnak a Liam. Nizaan (Sep. 29) zaanlei sml. 6:30 hrawng ah Hakha in Thantlang ah a kirmi motor SAC ralhrang nih Thantlang khualuh ka ah an kah ruang ah Pu Ral Tu le Pu Hram Cung an nunnak a liam.

Pu Hram Cung hi Thantlang khua, Seihpyozi sang ah a ummi innsak (လက်သမား) rian a ttuanmi a si. “A thimi minung pahnih an si. Thantlang, Seihpyozi sang ah a ummi Pu Hram Cung zong motor chung ah meithal kuan nih a khen caah a nunnak a liam ve,” tiah Thantlang pastor pakhat nih The Chin Journal ah a chim. Meithal kah ruang ah a nunnak a liammi kan pale an ruak fim ding in nihin zinglei ah Hakha in pastorte Thantlang ah an kal.

Hakha SAC Tender a Latu pawl October 1 Thawk in CDF-Hakha nih Dantat Timh. Hakha SAC nih a auhmi Tender le a dangdang rian pawl a latu/aa tlaihtu pawl fu October 1 thawk in fak fak piin dantatnak pek an si lai, tiah CDF-Hakha nih ca an chuah.

September 5 ah khan CDF-Hakha nih cathanh an rak chuah cang i, September thlathih tiang lawng SAC Tender rian ttuannak nawl pek nan si lai, tiah thawngthanhnak an rak tuah.

Hakha ah Datsi Thawl Khat 2,500MMK a Phan. September 30 tiang ah Hakha khuachung datsi man thawl khat ah 2,500MMK tiang a phan. Ahlan ah 1,000MMK hrawng in rak cawk tawnmi a si.

Dawr ngan deuh ah cun 2,300MMK zong in a zuartu an um ve nain dawr fa deuh pawl ah cun 2,500MMK in an zuar hna.
”Hakha ah Datsi phortu motor pawl ahlan bantuk in an tlunkal khawh ti lo caah a man a kai hi a si,” tiah datsi dawrngei pawl nih an chim. “AUNG AUNG” datsi dawr belte ah cun thawl khat ah 1,600MMK hrawng in zuar a si rih. Credit: The Chin Journal