Rev. Franklin Graham Nih President Joe Biden Vanlawng Hlei Cung A Tlu Nak Kong A Chimmi

Nizan ah President Joe Biden cu Vanlawng hlei cung a kai lio ah voithum bak a tlu. President Joe Biden vanlawng hlei cung a kai nak le voithum a tlu nak kongah capo le nihchuak men ah mipi cheukhat nih an ceih len caah Rev. Franklin Graham nih a lung thatlonak kong le soisel nak in thlacam tu in kan bawmh deuh ding a si tiah a chim. Kan President a si bantuk in nifatin thlacam nak in kan bawmh peng a herh. Voted kan pekmi a si le si lo ah le kan duh le duh lo zongah kan President a si thiam ko caah thlacam kan bawmh a hau. Kan duhmi le kan voted mi a si lo pek tiin kan ram hruaitu hi thlacam piak loin kan um awk a si lo tiha a chim.

President Joe Biden hi nifatin American rampi caah a tha bik in rian a tuan khawh nakhnga le dingfelnak le himbawm tein a tlunkal khawh nakhnga a nunnak caah thlacam bawmh peng a herh mi kan President a si. Bible nih a kan cawnpiak mi cu ram hruaitu hna kha thlacam piak hna uh, tiah a kan fial. Cucaah, thlacam kan bawmh khawh peng ahcun kan President nih hin thil tampi a tuah khawh lai tiah a chim. Rev. Franklin Graham nih President Joe Biden vanlawng hlei cung a kai lio ah voithum bak te a tlu nak kongah a chimmi hi a dik ngaimi le khrihfa kan nun ziaza zong a si awk le kan cawn awk a si.

Relchap, President Joe Biden Caah Thlacam Piak Hau. Kan President Joe Biden cu Georgia State, Atlanta khua tlawng dingah Air Force One vanlawng hlei cung a kai lio ah voithum bak a tlu, faak in a khawnden lo cu Pathian umpinak a si ko lai.
Joe Biden cu kum 78 a si cang caah a thinlung le thuak lei mentality in siseh, a pum ngandamnak physical lei in siseh a derthawm ngangai.

US a huami ram caah cun zohchuk kan tong ngai lai. A hlei in Russia, Tuluk, Iran le North Korea nih nai hrawng an cawlcangh le an biachim in an neek ngaingai cang. Cucaah US tha tein a hruai khawhnak dingah le Kawlram thlennak caah tthawng ngai in a dir khawhnak caah thlacamnak in bawmh a hau.