Rev. Dr. Thlaawr Bawihrin: Vawleicung khuaza vantawi ah a ummi Chin miphun hna

Rev. Dr. Thlaawr Bawihrin: Vawleicung khuaza vantawi ah a ummi Chin miphun hna
=====================
Vawleicung khuaza vantawi ah a ummi Chin miphun hna, USA ram caah thlacam kan sawm hna. Vawleicung le USA ah democracy limhang a zornak hnga lo, zalawng tein miphun covo a dirhkamhtu, Vawleicung ah remhnak, tlukruannak a umnak hnga, miphun pakhat le pakhat hmuh thiamnak a lennak ram, biaknak kongah namneh a um lo nak ram?

American founding fathers hna chunmang a rawknak hnga lo, US ram nih democracy a zohkhenh khawh lo ahcun Vawleicung ah dictatorship uknak rim a karh lai caah kum 240 an hman cangmi zaukphung a nun peng khawhnak hnga, Vawleicung ram le miphun kip caah nucan/pacan dirhmun ah a dir zungzalnak lai, thlacam kan sawm hna. Pathian cu kan thlacamnak leh dingah a kan hngak ko. Thlacam hi Chin miphun kan hriamnam thabik le kan teinak si hram seh: Nan miphun hawi,
Thlaawr Bawihrin, Indianapolis.

Relchap duhmi caah U Kyaw Win Kongah Wa Hriamtlai Phu Sin Tiang Ah Bawmhhalnak An Tuah Cang. TNLA nih an tlaihmi U Kyaw Win cu luatnak pekpiak dingin U Kyaw Win chungkhar nih UWSA phu sin zongah bawmhhalnak an tuah, tiah thawng theih a si. Mongko khuapi um chawlehthalnak lei in mirum pakhat a simi U Kyaw Win cu TNLA hriamtlai phu nih an tlaihnak thla khat leng a si cang. U Kyaw Win chungkhar hna nih zalawnnak pek piak dingin thawng fianternak le nawlnak an tuah hi a si. A liam cia December thla chung ah khan TNLA hriamtlai phu nih U Kyaw Win cu ngunkhuai kong he pehtlai in biaruahnak ngeih ding ah kan tlaihmi a si, tiah an langhter.

Nizan December 9, 2021 ah Yangon khualipi ah thawng fianternak an tuahnak ah U Kyaw Win i a nau U Kyaw Lin nih atu bantuk in a chimmi cu, Ka u Kyaw Win hi lung zawtnak, thi kai, kal zawtnak ti bantuk a ngeih caah sii-ai a phunphun in a thlop mi a si. Cun, U Kyaw Win nupi zong a pasal an tlai hnu ah chunglei zawtnak a chap ve cang. Anmah pahnih karlak ah ngandamnak lei hi thinphang an si cang, tiah a chim.

U Kyaw Win a luat khawh nakhnga Wa hriamtlai phu hruainak phu khat sin zongah U Kyaw Win le TNLA hriamtlai phu karlak ah cawlcanghnak kan tuah, tiah U Kyaw Lin nih a chim. Hi kong he pehtlai in Wa Hriamtlai phu umnak i tuanvo ngeitu le ramlei pehtlaihnak nawlngeitu lei zong nih a dikmi a si ko. Ka hnu zarh hrawngah khan chungkhar lei nih luatnak a hmuh khawhnak hnga halnak ca an rak tialmi kan hmuh ko tiah a chim. Hi ca kong hi Wa hriamtlai phu center lei ah thawng kan thanh ko hna tiah fianternak a tuah. U Kyaw Win hi thla khat leng a si cang i, zei bantuk pehtlaihnak hmanh kan ngei kho lo, tiin chungkhar lei nih an chim. Cun, TNLA lei zong nih U Kyaw Win kongkau ah chungkhar lei in bawmhhalnak an rak tuah bal rih lo tiah an chim ve.