Rev. Dr. Thlaawr Bawihrin nih Chin ramkulh Cozah thar A Tuan Dingmi nih Chin Ramchung riantuan Tikah Abiapi Tukmi Le A Herhtuk Mi (8) Biacah Nak. 

Rev. Dr. Thlaawr Bawihrin nih Chin ramkulh Cozah thar A Tuan Dingmi nih Chin Ramchung riantuan Tikah Abiapi Tukmi Le A Herhtuk Mi (8) Biacah Nak.

2020 thimnak ah Chin ramkulh chung in Teinak a hmumi nan dihlak cungah lunglawmhnak chimh ka duh. 2020 thimnak ah teinak na hmuh caah nan hmaiah rian nganpi nih a hngak hna. Chin mizapi nih Chin ram le miphun caah zei bantuk in dah rian an kan tuanpiak hnga tiah thla za an in campiak hna. Chin mizapi thawngin teinak a hmumi nan si ko i, Chin miphun caah riantuantu hi a har lai. Zeitik dah teinak ka hmuh ti cu nan hngalh dih bantukin zeitin dah rian ka tuan lai ti hi nan ruahchawh lai i, thlacamnak he Chin vawlei le miphun caah riantuan nan i timh cio lai ti hi ka zumhning a si.

Zei bantuk Party in teinak nan hmuh zongah 2020 to 2025 ah hin atanglei pariat hi rak kan tuanpiak ding ah hin kan nawl ko hna.  Chinram cu chaklei in Manipur, nichuahlei in Sagaing ramthen, Magwe ramthen le thlanglei in Rakhine ramkulh ramri a det taktak mi le a hnorsuan taktak mi ah kan um. Kum 1937 le 1947 ning in ramri a si than khawhnak lai kan zuampiak uh tiah pakhatnak ah chimhta ka duh.

2. Chin ram khuakip ah Chim rim a namkhawh nakhnga, kan zuam piak hram uh.

3. Chin ramkulh chungah Development biapit ah chiah duh loin Chin Identity a nunnak le a thar chuahnak hi biapi ah rak kan chiahpiak hram uh, tiin nawl kan duh.

4. Chin ca cu kan ca, Chin nunphung cu kan nunphung, Chin ram cu kan ram, tiah Chin miphun tlaihchannak Chin lungthin ah Chin dihlak zumhnak ah hmuhnak ah a nunnak lai, kan zuam piak hram uh ti hi nawl kan duh hna.

5. Chin miphun a kan si tertu nunphung tuah tawnmi Festival hi tuah peng dingah kan zuampiak hram uh. Tho puai ti bantuk kan tuan tawnmi kha cozah sinah chimhpiak in official zungkhar ni ah tuah dingin kan zuampiak uh, ti chim ka duh ko. Aruang cu miphun pakhat kan sinak hi Festival kan tuah lawngah a nung peng ca ah khan 1949 in 1963 tiang October 26 in 28 tiang Chin miphun caah Office khar a rak si tawnmi kha khar piak than dingah a kan hruaitu vialte nih Central sinah Request tuah dingin kan nawl fawn hna.

6.  Chin sining a langhtertu innpi myo kip ah sakpiak kan zuampiak hram uh.

7. Chin sining hmunter in vawleicung miphun kip nih Chin an kan hngalhnak hnga Chin sining research tuah dingah Chin Researcher society ngeihkhawhnak lam hi kan zuampiak hram uh, ti hi chimh kan duh fawn.

8. A donghnak ah Chin miphun cu Jesuh Chirih a zummi kan si caah ningcang loin eihmuarnak ram a si nakhnga lo thimmi hna nih biatak chuah in biading nunpi uhlaw, eihmuarnak lungput,  eihmuarnak thinlung cu Chin ram in kan dawipiak hram uh, tiin kan nawl hna.

Nan tuanmi le nan tuahmi cu Chin ram ah a hmun lai. Tuanbia ah a cang lai, Chin miphun a himtertu, Chin miphun a nuntertu, 2020-2025 ah miphun sining le miphun dawtnak roca a tialtu le rotha a chiahtak mi, miphun caah nan sinak lai kan nawl hna.

Bawipa a lawmhtermi le Chin miphun a nuntertu hruaitu si hram uhlaw, teitu nan dihlak cungah Bawipa nih mithmai tha in pe hna sehlaw, vel in ngeih ko hna seh. Nan dihlak Bawipa nih thluachuah za he lam in hruai ko hna seh. Amen. Credit: Rev. Dr. Thlaawr Bawihrin video chung in lakmi a si.

Leave a Reply

Your email address will not be published. Required fields are marked *